Gapapaiwa

<div class="version vid1180 iso6393pwg" data-vid="1180" data-iso6393="pwg">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s1">Yesu ma Zakiyas.</div><div class="p"> 1Yesu irui ku Jeriko kwanatuna ma kamonai ibaba inenae. 2Ma nani kwanatunai na mura tomowina sago kana vava Zakiyas, tuna na teks yuyuna wawayisi i bada ghamana. 3Ina kayowana da Yesu maghighina ita kitai, ma tuna itupo kirakai da ke kovokovoghina, iyamna koroto ghamana imiirirogurogui. 4Tuna kubiine ivi nao, iveru inae da kii sago igheni da Yesu nani ketanai ipipisi na ita kitai. 5Ma Yesu ipisi nani ku gawarina na itepa ma ivona bo, &#8220;Zakiyas, yaghiyaghinai keoru. Taku karako am numiiyai ana makiivipika.&#8221;</div><div class="p"> 6Yaghiyaghinai ioru ma ere nuwabiibiina Yesu ivi kiikiiwei ma irutinaneyei ina ku numa. 7Ma wawaya peyarisi ikitai ma ivonavonakunukunura bo, &#8220;Yesu inae da berabero wawayina kana numataya.&#8221;</div><div class="p"> 8Ma Zakiyas ivomiiri ma ivona bo, &#8220;Bada, kevi yaneku! Aku mura nevanevana wawaya moyamoyakisi ana veresi. Ma mikeda wawaya avi beroberowesi da i mane gisina ayapiya na ana vere meyesi, ma ruwamaruwa ku tepana ana terei.&#8221;</div><div class="p"> 9Ma Yesu ivonapotei bo, &#8220;Karako wawaya weni numana kamonai yawasa makamakii nonowina ipanani, iyamna weni tomowina ivi tumaghana kubiine, tuna na Abraham tupurereghina vaghata. 10Taku Wawaya Natusi apisi da wawaya siwasiwanisi atekwisi da ati yawasisi.&#8221;</div><div class="s1">Gold mane miibiina.</div><div class="r">(Mat 25:14-30)</div><div class="p"> 11Wawaya Yesu ivivi yanei na ina sisiya ikwapanatini. Ku Jerusalem inenekiibau, ma wawaya inotanotai da gisina kava God ina vikiivavona ita tupuwa. Tuna kubiine miiba sago kurisi ivi sisiyei. 12Ivona bo, &#8220;Mara sago tomowa ghamana imakamakai da sisiya iviiya da ita numataya ku dobu rabaraba ma nani dobunai rewapana ita viiya da tuna mani ina dobuwai iti kiivavo. Ma muriyai ita vovira ina ku dobu. 13Muriyai da ita nae na ina bigabiga imaruwa ikwatusi ma ina gold mane irereghisi da sago sago duma mane sago kava iviiya. Ma ivonesi bo, &#8216;Taku ana nae ma weni manena avereveremi na kotura da biga ina beraberai, ma kamonai viya kona panani kubiiku. Ma karakava ana vovira.&#8217; Ma tomowina ivomiiri inae. 14Ma ina dobu wawayisi na i babara tomowina. Tuna kubiine yonayona murinai ivonatawesi inae da kiivavo ghamana kurina ma ivonei bo, &#8216;Tokai ke kata kayokayowei da nani tomowina rewapana kuna verei da kubiikai ini kiivavo.&#8217; &#8221;</div><div class="p"> 15&#8220;Ma kegha da tomowina ivi kiivavo ma ivovira. Ma ina bigabiga wawayisi ikwaturiyariyesi da itakovi da mane iveresi na ku tepana viya ipanani. 16Nona wawayina ipisi na ivona bo, &#8216;Bada, gold mane sago kuvereku na ku tepana imaruwa apanani.&#8217; 17Ma ina bada ivonapotei bo, &#8216;Kubera bubuni, tam aku bigabiga biibiim. Kuvi patutu da bera gisina ma kubera bubuni. Tuna kubiine kwanatu imaruwa ana verem da kuni badei.&#8217; 18Ma bigabiga viruwina ipisi ma ivonei bo, &#8216;Bada, taku gold mane sago kuvereku na ku tepana miikovi apanani.&#8217; 19Ma ina bada ivonei bo, &#8216;Vaghina, tam kwanatu miikovi kuni badei.&#8217; &#8221;</div><div class="p"> 20&#8220;Ma ina bigabiga sago ipisi ma ivonei bo, &#8216;Bada, am gold mane na weni, gara sinasinaminai akupotai ma ateregavui. 21Tam wawaya bagibagim sago, tuna kubiine ayabumanem. Aviyavisina ke tam rapemuwai ma kegha da keviiviiya. Aviyavisina ke tam kuta vovoni ma kegha da keyabayaba.&#8217; 22Ma ina bada ivonapotei bo, &#8216;Tam bigabiga berom! Tam mani am sisiya ikikava kutereterei na nakanani ani wavum! Kuakoviku da wawaya bagibagiku sago. Aviyavisina ke rapekuwai ma kegha da aviiviiya, ma aviyavisina ke ata vovoni ma kegha da ayabayaba. 23Avi kubiine aku gold manena averem na ke kuta terei da biga ita berai? Maranai avovira na gisina kava ku tepana yavata ata viiya.&#8217; &#8221;</div><div class="p"> 24&#8220;Ma wawaya ririnai ivivi miiriyana na ivonesi bo, &#8216;Nani gold manena gwabinai koviitawei ma bigabiga wawayina ina gold mane imaruwa gwabinai na tuna koverei.&#8217; 25Ma wawayisi ivonapotei bo, &#8216;Bada, tuna namada gold manena imaruwa gwabinai.&#8217; 26Ma badana ivonapotesi bo, &#8216;Avonavonemi da wawaya sago sago duma aviyavisina gwabisiyai ekoyakoyagha bubuni na bade God ku tepana ina terei. Ma wawaya aviyavisina gwabisiyai ke ita koyagha bubuni na God kudubina ina viitawei.&#8217; 27Ma iyavo kava ighaviyeku ma ke ita kayokayowei da ati kiivavo na korutinapiyesi wike ma maghinokuwai koni kiivunuwana.&#8221;</div><div class="s1">Yesu inekiibau ku Jerusalem.</div><div class="r">(Mat 21:1-11; Mak 11:1-11; Jon 12:12-19)</div><div class="p"> 28Yesu ivi sisiya ikovi ma ivi nao, kana kivikivina yavata inenae ku Jerusalem. 29Namada inenekiibau ku Betipadi ma Betani kwanatusi, Oliv koyana baranai na kana kivikivina ruwa ivonatawesi da iti nao. Ivonesi bo, 30&#8220;Konae, da nokoni kwanatuna maghinotai, ma kona rurui na donki votuna kona kitai, iwarimi ma emiimiiri. Ke meyani wawaya ita geru tovoni. Korupami ma korutinapiyei wike. 31Mikeda wawaya ini tarakiiyanemi da avi kubiine koruparupami na kovonei da Bada ekayokayowei.&#8221;</div><div class="p"> 32Ivi ruwa inae da Yesu ikikava ivonavonesi na nakanani ipanani. 33Ma donki uravina iruparupami na babadisi ivonesi bo, &#8220;Avi kubiine koruparupami?&#8221;</div><div class="p"> 34Ma ivonapotesi bo, &#8220;Bada ekayokayowei.&#8221; 35Ma irutini inae da Yesu kurina. Kii tarasovo donki ku tepana ivi tawanepeyana ma Yesu igeru. 36Ivomiiri inenae ma wawaya kii tarasovo ivi votaweyana ma ketiyai ikepana da Yesu tepanai ibababa.</div><div class="p"> 37Oliv koyanai iororu na kana kivikivina peyarisi nuwabiibiiyai God ivivi kiikiiwei, gamotepasiyai ivovokavakavari, iyamna bera ghamaghamasi Yesu iberai na matasiyai ikitai. Ivonavona bo,</div><div class="q1"> 38&#8220;Tam Bada avanai kepipisi,</div><div class="q2">Akii kiivavo, God ini biibiinim,</div><div class="q2">Kunumai nuwanuba ina makai,</div><div class="q2">Ma God kiidamo makamakiina tavokavakavari</div><div class="q2">ma tighegheni da kana kadara ina rakata!&#8221;</div><div class="p"> 39Koroto kamosiyai Perisi damsi viya Yesu ivonei bo, &#8220;Bada, kam kivikivina keyeghisi da kawasi ina pota!&#8221;</div><div class="p"> 40Ma ivonapotesi bo, &#8220;Avonavonemi, mikeda ti kawasi ita pota na wakima iti karei da iti kiirareyana.&#8221;</div><div class="s1">Yesu Jerusalem kubiine ivi nuwapoya.</div><div class="p"> 41Yesu ipipisi Jerusalem ku ririna da kwanatuna ikitai na ivi nuwapoyei da ituwei. 42Ma ivona bo, &#8220;Tami, kotakovi da aviyavisina karako kota berai da kota makiinuwapota ma kegha, namada vonavaghata igavui da ke konakovi. 43Ma marana ina pisi da kami ghavighaviya ina nekiibau na ina garikunimi da ke meni taraboginai kona verau. 44Ma ami kwanatu garina ini turikarikai ma natunatum yavata ini tugudagudimi. Ma ke sago wakima kana gawariyai ina makai. God ipisi kurimi da iti yawasimi ma tami kobarei, tuna kubiine weni nuwapoyisi kona panani.&#8221;</div><div class="s1">Yesu inae ku Taparoro Numana.</div><div class="r">(Mat 21:12-17; Mak 11:15-19; Jon 2:13-22)</div><div class="p"> 45Muriyai Yesu irui Taparoro Numana garina ku kamona ma vigimagimara wawayisi ikwavinisi. 46Ma ivonesi bo, &#8220;Giruma katamana kamonai evonavona bo, &#8216;Aku numa na nipowana numana.&#8217; Ma tami koberai da yapiyapi damsi i numa.&#8221;</div><div class="p"> 47Nani murinai Yesu mara nonowa Taparoro Numana garina kamonai ivivi beyebeyena. Ma taparoro babadisi i babada, vonaviyoyovana vibeyebeyena wawayisi ma Jiu damsi i babada i kayowana ghamana da ita kiivunui. 48Ma keta ke ita panani da ita berai, iyamna wawaya peyarisi ikayokayowei da ina sisiya kudubina iti yanei.</div>
 </div>
 </div>
</div>

Yesu irui ku Jeriko kwanatuna ma kamonai ibaba inenae. Ma nani kwanatunai na mura tomowina sago kana vava Zakiyas, tuna na teks yuyuna wawayisi i bada ghamana. Ina kayowana da Yesu maghighina ita kitai, ma tuna itupo kirakai da ke kovokovoghina, iyamna koroto ghamana imiirirogurogui. Tuna kubiine ivi nao, iveru inae da kii sago igheni da Yesu nani ketanai ipipisi na ita kitai. Ma Yesu ipisi nani ku gawarina na itepa ma ivona bo, “Zakiyas, yaghiyaghinai keoru. Taku karako am numiiyai ana makiivipika.”
Yaghiyaghinai ioru ma ere nuwabiibiina Yesu ivi kiikiiwei ma irutinaneyei ina ku numa. Ma wawaya peyarisi ikitai ma ivonavonakunukunura bo, “Yesu inae da berabero wawayina kana numataya.”
Ma Zakiyas ivomiiri ma ivona bo, “Bada, kevi yaneku! Aku mura nevanevana wawaya moyamoyakisi ana veresi. Ma mikeda wawaya avi beroberowesi da i mane gisina ayapiya na ana vere meyesi, ma ruwamaruwa ku tepana ana terei.”
Ma Yesu ivonapotei bo, “Karako wawaya weni numana kamonai yawasa makamakii nonowina ipanani, iyamna weni tomowina ivi tumaghana kubiine, tuna na Abraham tupurereghina vaghata. Taku Wawaya Natusi apisi da wawaya siwasiwanisi atekwisi da ati yawasisi.”


Wawaya Yesu ivivi yanei na ina sisiya ikwapanatini. Ku Jerusalem inenekiibau, ma wawaya inotanotai da gisina kava God ina vikiivavona ita tupuwa. Tuna kubiine miiba sago kurisi ivi sisiyei. Ivona bo, “Mara sago tomowa ghamana imakamakai da sisiya iviiya da ita numataya ku dobu rabaraba ma nani dobunai rewapana ita viiya da tuna mani ina dobuwai iti kiivavo. Ma muriyai ita vovira ina ku dobu. Muriyai da ita nae na ina bigabiga imaruwa ikwatusi ma ina gold mane irereghisi da sago sago duma mane sago kava iviiya. Ma ivonesi bo, ‘Taku ana nae ma weni manena avereveremi na kotura da biga ina beraberai, ma kamonai viya kona panani kubiiku. Ma karakava ana vovira.’ Ma tomowina ivomiiri inae. Ma ina dobu wawayisi na i babara tomowina. Tuna kubiine yonayona murinai ivonatawesi inae da kiivavo ghamana kurina ma ivonei bo, ‘Tokai ke kata kayokayowei da nani tomowina rewapana kuna verei da kubiikai ini kiivavo.’ ”
“Ma kegha da tomowina ivi kiivavo ma ivovira. Ma ina bigabiga wawayisi ikwaturiyariyesi da itakovi da mane iveresi na ku tepana viya ipanani. Nona wawayina ipisi na ivona bo, ‘Bada, gold mane sago kuvereku na ku tepana imaruwa apanani.’ Ma ina bada ivonapotei bo, ‘Kubera bubuni, tam aku bigabiga biibiim. Kuvi patutu da bera gisina ma kubera bubuni. Tuna kubiine kwanatu imaruwa ana verem da kuni badei.’ Ma bigabiga viruwina ipisi ma ivonei bo, ‘Bada, taku gold mane sago kuvereku na ku tepana miikovi apanani.’ Ma ina bada ivonei bo, ‘Vaghina, tam kwanatu miikovi kuni badei.’ ”
“Ma ina bigabiga sago ipisi ma ivonei bo, ‘Bada, am gold mane na weni, gara sinasinaminai akupotai ma ateregavui. Tam wawaya bagibagim sago, tuna kubiine ayabumanem. Aviyavisina ke tam rapemuwai ma kegha da keviiviiya. Aviyavisina ke tam kuta vovoni ma kegha da keyabayaba.’ Ma ina bada ivonapotei bo, ‘Tam bigabiga berom! Tam mani am sisiya ikikava kutereterei na nakanani ani wavum! Kuakoviku da wawaya bagibagiku sago. Aviyavisina ke rapekuwai ma kegha da aviiviiya, ma aviyavisina ke ata vovoni ma kegha da ayabayaba. Avi kubiine aku gold manena averem na ke kuta terei da biga ita berai? Maranai avovira na gisina kava ku tepana yavata ata viiya.’ ”
“Ma wawaya ririnai ivivi miiriyana na ivonesi bo, ‘Nani gold manena gwabinai koviitawei ma bigabiga wawayina ina gold mane imaruwa gwabinai na tuna koverei.’ Ma wawayisi ivonapotei bo, ‘Bada, tuna namada gold manena imaruwa gwabinai.’ Ma badana ivonapotesi bo, ‘Avonavonemi da wawaya sago sago duma aviyavisina gwabisiyai ekoyakoyagha bubuni na bade God ku tepana ina terei. Ma wawaya aviyavisina gwabisiyai ke ita koyagha bubuni na God kudubina ina viitawei.’ Ma iyavo kava ighaviyeku ma ke ita kayokayowei da ati kiivavo na korutinapiyesi wike ma maghinokuwai koni kiivunuwana.”


Yesu ivi sisiya ikovi ma ivi nao, kana kivikivina yavata inenae ku Jerusalem. Namada inenekiibau ku Betipadi ma Betani kwanatusi, Oliv koyana baranai na kana kivikivina ruwa ivonatawesi da iti nao. Ivonesi bo, “Konae, da nokoni kwanatuna maghinotai, ma kona rurui na donki votuna kona kitai, iwarimi ma emiimiiri. Ke meyani wawaya ita geru tovoni. Korupami ma korutinapiyei wike. Mikeda wawaya ini tarakiiyanemi da avi kubiine koruparupami na kovonei da Bada ekayokayowei.”
Ivi ruwa inae da Yesu ikikava ivonavonesi na nakanani ipanani. Ma donki uravina iruparupami na babadisi ivonesi bo, “Avi kubiine koruparupami?”
Ma ivonapotesi bo, “Bada ekayokayowei.” Ma irutini inae da Yesu kurina. Kii tarasovo donki ku tepana ivi tawanepeyana ma Yesu igeru. Ivomiiri inenae ma wawaya kii tarasovo ivi votaweyana ma ketiyai ikepana da Yesu tepanai ibababa.
Oliv koyanai iororu na kana kivikivina peyarisi nuwabiibiiyai God ivivi kiikiiwei, gamotepasiyai ivovokavakavari, iyamna bera ghamaghamasi Yesu iberai na matasiyai ikitai. Ivonavona bo,
“Tam Bada avanai kepipisi,
Akii kiivavo, God ini biibiinim,
Kunumai nuwanuba ina makai,
Ma God kiidamo makamakiina tavokavakavari
ma tighegheni da kana kadara ina rakata!”
Koroto kamosiyai Perisi damsi viya Yesu ivonei bo, “Bada, kam kivikivina keyeghisi da kawasi ina pota!”
Ma ivonapotesi bo, “Avonavonemi, mikeda ti kawasi ita pota na wakima iti karei da iti kiirareyana.”

Yesu ipipisi Jerusalem ku ririna da kwanatuna ikitai na ivi nuwapoyei da ituwei. Ma ivona bo, “Tami, kotakovi da aviyavisina karako kota berai da kota makiinuwapota ma kegha, namada vonavaghata igavui da ke konakovi. Ma marana ina pisi da kami ghavighaviya ina nekiibau na ina garikunimi da ke meni taraboginai kona verau. Ma ami kwanatu garina ini turikarikai ma natunatum yavata ini tugudagudimi. Ma ke sago wakima kana gawariyai ina makai. God ipisi kurimi da iti yawasimi ma tami kobarei, tuna kubiine weni nuwapoyisi kona panani.”


Muriyai Yesu irui Taparoro Numana garina ku kamona ma vigimagimara wawayisi ikwavinisi. Ma ivonesi bo, “Giruma katamana kamonai evonavona bo, ‘Aku numa na nipowana numana.’ Ma tami koberai da yapiyapi damsi i numa.”
Nani murinai Yesu mara nonowa Taparoro Numana garina kamonai ivivi beyebeyena. Ma taparoro babadisi i babada, vonaviyoyovana vibeyebeyena wawayisi ma Jiu damsi i babada i kayowana ghamana da ita kiivunui. Ma keta ke ita panani da ita berai, iyamna wawaya peyarisi ikayokayowei da ina sisiya kudubina iti yanei.

聆听 Luk 19