यूहन्ना परिचै
परिचै
यूहन्ना का द्वारा लिख्यां ये शुभ समाचार मा परमेस्वर का द्वारा दिये जाण वळा सदनि का जीवन का बारा मा बतयूं च। अर परमेस्वर न अपणा पुत्र तैं सरील का रुप मा ईं दुनियां मा भेजि, अर उ ऐके हमरा बीच मा रै। अर या बात ईं किताब मा साफ-साफ लिखीं च अर यू शुभ समाचार इलै लिख्यूं च, ताकि जु कुई ईं किताब तैं पैढो उ बिस्वास कैरो।
ईं किताब मा यीशु तैं सदनि का वचन का रुप मा बुले गै, जैका द्वारा मनखि तैं सदनि को जीवन मिलदु। प्रभु यीशु का चेलों मा बटि यीशु जैतैं सबसे जादा प्यार करदु छौ उ यूहन्ना छौ (13:23; 19:26; 20:2; 21:7; 20:24)।
यीशु मसीह ही बचौण वळु च याने की उई परमेस्वर को इकलौतु पुत्र च। अर येका बाद शुभ समाचार का शुरुवात मा सात चमत्कारिक कामों का बारा मा लिख्यूं च, अर येसे यू पता चलदु, कि यीशु ही छुटकारा देण वळु च। अर दुसरा हिस्सा मा उपदेस का बारा मा च, ये मा इन लिख्यूं च, कि चमत्कारिक कामों को मतलब क्या च, ये हिस्सा मा इन भि लिख्यूं च कि कनकै कुछ लोगु न यीशु पर बिस्वास कैरी अर वेका पिछनै चलण वळा बणि गैनी, पर कुछ लोगु न यीशु को विरोध कैरी अर वे पर बिस्वास करण से मना कैर दिनी (13:17)। अध्याय मा यीशु का पकड़वै जाण वळी रात मा यीशु अपणा चेलों का दगड़ा मा अच्छी संगती अर क्रूस पर चड़ै जाण से पैलि, रात मा यीशु अपणा बुलयां वचनों तैं अच्छी तरौं बतौन्दु च, ताकि चेलों मा जोस पैदा ह्वे जौ। अर वु सेवा खुणि तयार ह्वे जा अर आखिरी का हिस्सा मा यीशु का पकड़वै जाण का बारा मा, अर वेका न्याय का बारा मा, अर यीशु तैं क्रूस पर चड़ये जाण का बारा मा लिख्यूं च, अर दफनै जाण अर तिसरा दिन फिर मुरदो मा बटि ज्यून्दु होण का बारा मा बतयूं च, अर वेका बाद यीशु चेलों तैं दिखेन्दु ईं बात का बारा मा भि लिख्यूं च।
Àwon tá yàn lọ́wọ́lọ́wọ́ báyìí:
यूहन्ना परिचै: GBM
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
© (Active) Wycliffe Bible Translators, Inc. All rights reserved.