Kutachika 3
3
Nshidi yatachi heseki
1Hakwila #Yoba 1:7; 2:2; 2 Kor 11:3; Chim 12:9; 20:2kapela diyi wadiŋi wasweja kubabala hadi anyama amumpata ejima eliliyi Yehova. Yena hakumwihula mumbanda, nindi, Chalala Nzambi nahoshi nindi, Nyitondu yejima yamwitempa bayi mwakayidyaku, tahindi?
2Mumbanda hakumwila kapela, nindi, Nyikabu yanyitondu yamwitempa tukutwesha kudya tuhu,
3hakwinza nyikabu yamutondu wekala mukachi ketempa, Nzambi nahoshi nindi, Bayi mwakayidyaku, hela kukwataku nehi, mwakenda kafwa.
4 #
Yow 8:44
Kapela hakumwila mumbanda, nindi, Chalala, himwakafwaku;
5muloŋa Nzambi neluki nindi ifuku dimukudya, mesu enu akatona, mwakekala neyi #1:26; Isa 14:14; Ezek 28:2chadiyi Nzambi, mwakeluka niyayiwahi niyatama.
6Mumbanda chamweniyi mutondu #Yak 1:14-15wunawahi wakudya, kuwutala wakutiyisha kuwaha, niwakuheta nachu maana, hakukumunaku ninyikabu, hakudya, yomwinkahu nimfumwindi adiŋiyi nindi, niyena hakudya.
7Mesu awu mwayedi wawu atona nikutona, eluka nikwiluka nawu tudi nzekesi; hiyakuchima mafu achikuyu, atuŋi yuma yakuvwala.
8Chidawundili itaŋwa, atiyili izu daYehova Nzambi, owu wukwenda mwitempa owu, iyala namumbanda #Lev 26:12; Yoba 34:22; Mas 139:7-12hiyakubatama kumesu aYehova Nzambi mukachi kanyitondu yamwitempa.
9Yehova Nzambi hakumutambika iyala, nindi, Wudi kudihi?
10Kutiya yena nindi, Natiyi izu deyi mwitempa, natiyi woma, muloŋa nidi nzekesi, nibatama nikubatama.
11Nzambi nindi, Indi wakuleja nindi wudi nzekesi hinyi? Wadya dehi kumutondu wunakulekesheli nami bayi wakadyaku, tahindi?
12Kuchinka iyala nindi, Mumbanda wanyinkeli kushakama nindi diyi wanyinkahu wena mutondu owu, hinukudya.
13Yehova Nzambi hakumwila mumbanda, nindi, Ichi chuma chiwuneli hichumanyi? Mumbanda nindi, Kapela diyi wandimba dichi nadya.
14Yehova Nzambi hakumwila kapela, nindi,
Chiwuneli chumichi,
Mukachi kawayimuna ejima,
Nimukachi kawanyama amumpata ejima,
Eyi anakushiŋi tu-u;
Wakendela mwivumu deyi,
Wakadyaŋa lunkuŋu mafuku ejima wuchidi mumi.
15Nukusha nkunyi mukachi keyeyi namumbanda,
Nimukachi kambutu yeyi nambutu yindi;
#
Rom 16:20; Heb 2:14 Wakakuchika kumutu weyi,
Nineyi wakamukatisha kukatutu kindi.
16Hakumwila mumbanda, nindi,
Nakakuvulishila nankashi yihuŋu yiwakamona,
Nikubaaba kuwakabaabaŋa mavumu eyi;
Wakavwalaŋa anyana nakukabakana hohu;
Wakata muchima hadi mfumweyi,
Diyi wakela mwanta weyi.
17Hakumwila Adama, nindi,
Chiwunatiyi mwizu daŋodeyi nakudya mutondu wunakulekesheli nami bayi wakawidyaku,
#
5:29; Rom 8:20-22 Iseki anadishiŋili dehi hamujimba weyi;
Mafuku ejima wuchidi wamumi wakadyaŋa chakukabakana hohu;
18Dakakusoŋelaŋa ninyiŋa ninyisonsonyi;
Wakadyaŋa yisakola yamumaha;
19Kudya yakudya chiŋa wunasulwili kumesu eyi,
Nichiwamba kafunta cheŋi mumaseki;
Muloŋa dimu mwakufumishiluwu;
Muloŋa eyi #2:7; Mas 146:4wulunkuŋu,
Nochu wakafunta cheŋi mwomulunkuŋu.
20Iyala wamutumbili iŋodindi ijina dindi, nindi, Eva, muloŋa diyi mama yawakwakuhanda ejima.
21Yehova Nzambi wayituŋilili Adama naŋodindi yikowelu yayitembi, hakuyivwika.
22Yehova Nzambi welili nindi, Muntu neli dehi neyi chitwekaletu, weluka dehi nikuwaha nikutama; wakenza kolola chikasa chindi, atambuli mutondu wawumi, adyi, ahandi hayanyaka.
23Dichi Yehova Nzambi wamwilili nindi, Fumaku mwitempa daEdeni wakadimi heseki hakufumishiluwu.
24Nochu wamutemwinumu muntu. Kwitempa daEdeni, mbadi yadu yamusela, hakwimikaku akerubi nimulaŋi wakesi wampoku yakabali wenda wubalumuka niniku niniku, kulonda kuhembaŋa njila yamutondu wawumi.
Àwon tá yàn lọ́wọ́lọ́wọ́ báyìí:
Kutachika 3: MWW04
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The Holy Bible in Lunda Ndembu © United Bible Societies, 2003.