Oseas 14
14
Oseazen llatyoere Israelen nench'na lljabiy ake' raw Diozen
1Israel, jabiy kwit Xanllon, Dios ko'on,
le daxhinj ko'o ka' ba bllixen rwe'.
2Lewabi konen Xanllon
le werene ke di'll ki:
Bazixhen da mar keto ka'
na bxhichga wen
da ka' llulto konen llwato ki.
3Bi gak wazra Asirian neto',
na bigakse waxhonjto lakse cha ba sjalliato kull kabay ka'.
Bill neto' Dios keto
ke da ka' llunchawto konen nianato ka',
le tuze rawo rwe', Xanto,
llallelre be'nn wazeben yel llayachrallen.
Xanllon bche'be we'e to yelnban kub ke Israelen
4Ki ne Xanllon:
Wayuna yel wednay ke aken,
na lli'e akre lakse bi lleyal si ake' yel nllie kian,
le ba baka yel llaklla kian konen le ake'.
5Guna nench'na Israelen gaken ka bzan dan llxhoa tzir, dan llexhj le yeban,
na yiarj ake' ke yej dan nzi lirios.
Na zitj chin rue ka'
kan nak yan nzi Líbano.
6Xhoze ka' llirjen
gak aken nbaraz, kaksen nak xhos yay olivos ka',
na lan xhixh kekse yay cedr, da ka' sjalla gan nzi Líbano.
7Israelen soe'e xhan xhur kian dayubre,
na chiw ake' kan dlliw dan nzi trigo,
na kwia ake' yej kekse yay uvas ka',
na se ke ake' kan llze ke zu ke uva dan de gan nzi Líbano.
8Efraín'na ne': ¿Bixha kwent kia loe lsak ka'?
Nadan llapa na llkoeja yell kian.
Nadan naka ka to yay dud da nakteze naken ga',
na konen nada' yell kian wallelre daxhixh ke'en.
Gani zeraon
9Be'nn si'n ka', na be'nn ka' llajnien
le chejnie rson ni:
Nez ke Xanllo naken da lixhej,
na be'nn wendalixhej ka' naw aken,
axha be'nn wednay ka', konen len sjachew ake'.
Àwon tá yàn lọ́wọ́lọ́wọ́ báyìí:
Oseas 14: ZPUPAT
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀