Oseas 13
13
Diozen wsakzie'e Israelen
1Kan batna, keten llne' be'nn ka' sjalla latj ke Efraín'na,
na' be'nn ka' sjalla to kwen wej gan nbane Israelen, bdap ake' le ake' baran.
Axha Efraín'na gute'e kenake bdape'e dol,
dan berawe'e loe lsaken nzi Baal.
2Na ne' naw akse llun ake' daxhinj,
na' ya plat dan nap aken, llason aken nench'na llun ake' loe lsak ake',
ko'on katezen llaran lo yichj be'nn ka llunchaw lenan.
Llayull'na ne ake': Le gut bayix na le werao aken,
na be'nn ka' llnop ake' loe lsak ka' sjanak ke bell da'o.
3Kelen'na gak ake' ke bej dan llze tzir,
ka bzan da llexhj bal, na to llenizen llaranen,
ka to yixh beb da llwa be'e,
ke llen'na llalloj gan zu xkiden.
4Ki ne Xanllon:
Nadaꞌ, Xano, naka Dios ko'o
kan ne' zuteo Egipton:
Nullno wazakro yeto ke Dios, tuz nada',
le tuze nadan naka wazra ko'o.
5Nadaꞌ bdapa rwe' latj dach yu billen.
6Axha kan got yajlaw dan wej bdawren,
bayakre be'nn raxhdao yaralle
na gulallre nadaꞌ.
7Kelen'na gaka ke le ake' ka to bell yix,
ka to bayixen nzi leopardo ba koenaw le ake' tnezen.
8Lloja wadtila re' ka to bayix nor ban nzi osa,
ba'ba bnit xhi'nnba daꞌo ka',
na wxhoxjtina raxhdaoren.
Ganaze cheba re', ka llun to bell yix,
ka to bayix snia wxhoxjtina re'.
9Wlleyia rwe' Israel,
na nutno gak akren rwe'.
10¿Ganxha be'nnen llnebia rwen cha',
nench'na wazre'e rwe' raw yeololte yell xhen ko'o ka'?
¿Ganxha be'nn ko'o ka' llgo xnezen cha',
be'nn ka' bnabro nench'na bzu be'nn bnebia rwe'?
11Rawe gan llakllan, bena' rwe' be'nn wnebian,
na kan guklla rwen, bakatia le ake'.
12Da mar ka' ba ben Efraín'na niojten,
daxhinj ke'en ba sjalliaten le yich.
13Ba bllin lla ke Israelen garguen,
axha nake'e ka to xhi'nne, bi'bi llajnie,
nigaze da koechawbe bi zakebe,
nench'na bazebe xnid keten llin llan garjben.
14¿Na lleyal wazra le ake' raw yel wak ke ban cha'?
¿Lleyal wazra le ake' raw yelguten cha'?
¿Yelgut, ganxha yelwak ko'on?
¿Ba, ke yelgut, ganxha yillwe ko'o ka'?
Bill wayachralla be'nn ki.
15Lakse Israelen yarguen ka yix,
yed be dan za' gan dlloj willen
be xhen'na dan za' yu dachen,
na wachechen yeo ka', na gan llarj nis ke'e ka'.
Na be'nn ka' llwiere le'en wadka ake' ya chao ke'e ka'.
16Yell Samarian lleyal sakzin,
ni ke dan ba guk ake' be'nn wednay konen Dios ke aken.
Gut ake' le ake' konen spad,
wtat ake' bida'o ka' raw yu,
na wsarj ake' le nor ka' noa bdao.
Àwon tá yàn lọ́wọ́lọ́wọ́ báyìí:
Oseas 13: ZPUPAT
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀