ZABUR 4
4
Do'e kemalem
1Umaq pemimpin kor. Kadu iringan kecapi. Zabur Daud.
2Ya Allah, Deside pembéle kaji;
jawab lamun kaji bekuih nunas tulung.
Waktu kaji susah,
Deside nulung kaji;
mangkin periakang kaji dait pirengang do'e kaji.
3Hai dengan-dengan,
pire ngonéq malik
side menghine Allah tiang?
Jangke piran side demen léq hal saq sie-sie
dait memaléq saq ndéq kenaq?
4Adéq pade nenaoq, ALLAH sampun piléqang diriq-Ne
sopoq dengan saq Ie kasihin.
ALLAH mirengang
lamun tiang bekuih nunas tulung tipaq Ie.
5 #
Ep. 4:26
Waktu side sili,
ndaq piaq dose.
Pikirang sambil tedoq,
sewaktu begélaq léq petindoqan.
6Aturang kurban saq kenaq
dait percaye léq ALLAH.
7Luwéq dengan beketuan,
“Sai saq ngicanin ite berkah?”
Semoge Deside suke léq kaji pade, ya ALLAH.
8Deside ngicanin sukecite saq beléqan tipaq kaji
ketimbang dengan saq limpah hasil mataqne.
9Make kaji begélaq dait tindoq siq tentrem,
séngaq cume Deside, ya ALLAH, miaq idup kaji aman!
Àwon tá yàn lọ́wọ́lọ́wọ́ báyìí:
ZABUR 4: LAISAS
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀