Matiyu 4
4
1Miyi Naviat mori yemtori Iesū ra nūrū wokon ma sugkū Diabolō ontapmi iran. 2Miyi yetūoni nevag dan sū fortiĭm pūmrok sū forti, ĭm penūri iyi yemtemas.
3Im neteme tapmi yivelum pugi memenūwi memokū, Nagkū kĭk netni eni Nōbū enūwi ma imo nevat sū meti yōūp. Kō Iyi yemtamsi memenūwi memokū, 4Yep-metĭyi memokū, Neteme otū atnūrep ugi yōūp wokon Kō ugi nam umamne ra naveran eni Nōbū.
5Im Diabolō yemtōri iyi ra sĭti tumpora memetipe iyi ran tan nevlokon nimo tumpora, 6mōmenūwi pugi memokū, Nagkū kĭk netni eni Nōbū esepen nomol marugi ĭgko, ĭt yepmetīyi memokū, Iyi onempasiwo-konda ōvun angelō eni wugkĭk, mirora wamplūsesūak ugi nokovenda ma kotū ontĭ nōwom ra nevat. 7Iesū yōmenūwi pugi memokū, Yepmetīyi memokū, Owi kĭmentapmi Iehōva Nōbū enugkĭk.
8Im Diabolō yōemtōri iyi memsah ra sĭ numpūo tantevakepe memsesi pugi lōsū lōsū ĭm tiamesū nilasilaswi enirora, momenūwi pugi memokū, 9Imosū omwisū ya ampunok nagkū kĭk amol menteveta irag. 10Iesū yomenūwi pugi memokū, Eve pelah Sētan; ĭt yepmetīyi memokū Iehōva Nōbū enugkĭk konteveta iran, miyi wokon kontorugat iran. 11Im Sētan yemōwi mempe, mōvun agelō dūmūvelum mumutorugat iran.
12Im pol sugkū Iesū yemorĭgi nam dūmempirĭgi Yōane iyi yive ra Kalĭli, 13memōwi Nasaret mempelum meten-oōwi ra Kapernaum ran telugon tok ra nokoren nūrū.
14Sebūlon ĭm Naftalĭ, worampesog nam Isēya profet yep-menūwi memokū, Nūrū Sebūlon ĭm nūrū Naftalĭ, 15ra selat wun tok nugkon-nū-mpe Yordan, Kalĭli, yūi lōsū ōvun nelebōkevat; 16netevokontū mori dūmūtendōwi ra nelebōkevat dōkesi Sĭ Nilara tamas, ĭm nilara woselĭ iranda mori dūmūtesep ra nūrū ĭm namolen nemas.
17Marugi imo nempugon Iesū yematipotni woretorenūwisah nam memokū, Uvīeves nōwami, ĭt lō ūnpokūp umpotipot.
18Miyi yemavango ra nokoren tok Kalĭli memokesora ravensĭeme ēndūrū, Sĭmon, nalĭg eni Piter, ĭm Anderū, avensĭ eni, dūmūtipe nokopon enirora ran tok, ĭt irora dūti ōveteme nesorugi nomū.
19Miyi yemenūwi punora memokū, Uvelum mūri yaū, ĭm ya onumpi kĭmi worevī ōveteme.
20Marimago irora dumūwisep ōvun nokopon enirora mū-mūri iyi.
21Miyi yōmavan memokesora ravensĭeme endūrū mōmū, Yakobo netni eni Sepedi, ĭm Yōane avensī, ra lō dal Sepedi ĭtemenda, dūmselevlevi ōvun nokopon enirora, memovrokonda.
22Marimago irora dūmūwi lō mĭtemenda mūmūri iyi.
23Im Iesū yemnavan magkaū mevtĭt Kalĭli omwisū, memtavsokonda ūnisog ōvun nimo tavsogi enirora, metntorenūwisah nam navosavos ugi lō, memumkorori-gives ōveteme marugi ōvun namarat, mov nesorūsū enirora. 24Im narĭgi yemekompelĭgi nūrū sū Sĭria, mirora dūmandiuki pugi ōveteme mori dūmūvī ōvun namarat mōvun nilaswoni sikat iranda; mirora mori mōvun naviatĭndi dūmūve iranda, mōveteme nemlū, mōveteme neturumurō, miyi yemumkororĭgives. 25Dūmūri iyi ōvun numpūn lō sikat mori dūmne ra Kalĭli, ĭm Dekapoles, ĭm Yerūsalem, Im Yūdia, ĭm nugkon-nū-mpe Yordan.
Àwon tá yàn lọ́wọ́lọ́wọ́ báyìí:
Matiyu 4: ERGNT79
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Erromangan New Testament © British and Foreign Bible Society, 1909,1979.
