JENESIS 5
5
Kiba hiar pateng na u Adam
(1 Khrn. 1:1-4)
1 #
Jen. 1:27,28. Kane ka long ka kitab shaphang ki jinghiar pateng jong u Adam. Ha kata ka sngi ba U Blei u la thaw ïa u briew, ha ka jingsyriem U Blei u la thaw ïa u. 2#Mat. 19:4; Mrk. 10:6.Shynrang bad kynthei u la thaw ïa ki; bad u la kyrkhu ïa ki, bad u la khot kyrteng “Adam” ïa ki, ha kata ka sngi mynba la thaw ïa ki. 3Bad u Adam u la im shispah laiphew snem, bad u la pynkha ïa u khun ha ka jingsyriem jong u bad ha ka dur jong u hi; bad u la khot kyrteng “u Seth” ïa u. 4Bad ki sngi jong u Adam hadien ba u la pynkha ïa u Seth ki la long phraspah snem; bad u la pynkha ïa ki khun shynrang bad ïa ki khun kynthei. 5Bad ki sngi jong u Adam baroh ba u la im ki la long khyndaispah bad laiphew snem: hadien kata, u la ïap.
6U Seth ruh u la im shispah bad san snem, bad u la pynkha ïa u Enosh. 7Bad u Seth u la im hadien ba u la pynkha ïa u Enosh phraspah bad hynñiew snem, bad u la pynkha ïa ki khun shynrang bad ïa ki khun kynthei. 8Bad ki sngi baroh jong u Seth ki la long khyndaispah bad khat-ar snem: hadien te u la ïap.
9U Enosh ruh u la im khyndaiphew snem, bad u la pynkha ïa u Kenan. 10Bad u Enosh u la im ynda u la pynkha ïa u Kenan phraspah bad khatsan snem, bad u la pynkha ïa ki khun shynrang bad ïa ki khun kynthei. 11Te ki sngi baroh jong u Enosh ki la long khyndaispah bad san snem: hadien kata, u la ïap.
12U Kenan ruh u la im hynñiewphew snem, bad u la pynkha ïa u Mahalalil. 13Bad u Kenan u la im ynda u la pynkha ïa u Mahalalil phraspah bad sawphew snem, bad u la pynkha ïa ki khun shynrang bad ïa ki khun kynthei. 14Te ki sngi baroh jong u Kenan ki la long khyndaispah bad shiphew snem: hadien kata, u la ïap.
15U Mahalalil u la im hynriewphew san snem, bad u la pynkha ïa u Jared. 16Bad u Mahalalil u la im ynda u la pynkha ïa u Jared phraspah bad laiphew snem, bad u la pynkha ïa ki khun shynrang bad ïa ki khun kynthei. 17Te ki sngi baroh jong u Mahalalil ki la long phraspah bad khyndaiphew san snem: hadien kata, u la ïap.
18U Jared ruh u la im shispah bad hynriewphew ar snem, bad u la pynkha ïa u Enokh. 19Bad u Jared u la im ynda u la pynkha ïa u Enokh phraspah snem, bad u la pynkha ïa ki khun shynrang bad ïa ki khun kynthei. 20Te ki sngi baroh jong u Jared ki la long khyndaispah bad hynriewphew ar snem; hadien kata, u la ïap.
21U Enokh ruh u la im hynriewphew san snem, bad u la pynkha ïa u Methuselah. 22Bad u Enokh u la ïaid lem bad U Blei hadien ba u la pynkha ïa u Methuselah laispah snem, bad u la pynkha ïa ki khun shynrang bad ïa ki khun kynthei. 23Te ki sngi baroh jong u Enokh ki la long laispah bad hynriewphew san snem. 24#Heb. 11:5; Jud. 1:14.Bad u Enokh u la ïaid lem bad U Blei: bad um shym la don shuh; naba U Blei u la shim noh ïa u.
25U Methuselah ruh u la im shispah bad phraphew hynñiew snem, bad u la pynkha ïa u Lamekh. 26Bad u Methuselah u la im ynda u la pynkha ïa u Lamekh hynñiewspah bad phraphew ar snem, bad u la pynkha ïa ki khun shynrang bad ïa ki khun kynthei. 27Te ki sngi baroh jong u Methuselah ki la long khyndaispah bad hynriewphew khyndai snem: hadien kata, u la ïap.
28U Lamekh ruh u la im shispah bad phraphew ar snem, bad u la pynkha ïa u khun, 29bad u la khot kyrteng “u Noah” ïa u, u da ong, “Une un pyntngen ïa ngi ha ka kam jong ngi bad ha ka jingtrei minot ki kti jong ngi, namar kata ka khyndew ïa kaba U Trai u la tim.” 30Bad u Lamekh u la im ynda u la pynkha ïa u Noah sanspah bad khyndaiphew san snem, bad u la pynkha ïa ki khun shynrang bad ïa ki khun kynthei. 31Te ki sngi baroh jong u Lamekh ki la long hynñiewspah bad hynñiewphew hynñiew snem: hadien kata, u la ïap. 32Bad u Noah u la long sanspah snem ka rta: bad u Noah u la pynkha ïa u Shem, ïa u Ham, bad ïa u Japhet.
Àwon tá yàn lọ́wọ́lọ́wọ́ báyìí:
JENESIS 5: KHB
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
The Bible Society of India