Chhóng-sṳ Ki 12

Song-ti Fû-seu Â-pak-làn

1Song-chú tui Â-pak-làn kóng: “Ngì oi lì-khôi ngì ke ku-hiông, chhîn-chhu̍k, lâu ngiâ-pâ ke vuk-hâ, to Ngài chṳ́-sṳ ngì hi ke thi-fông. 2Ngài oi pûn ngì sàng-cho thai-koet; Ngài oi su-fuk pûn ngì, sṳ́ ngì thai-yû miàng-mong; ngìn oi yîn-vi ngì lòi tet-tó fuk-hi.

3Chuk-fuk ngì ke, Ngài oi su-fuk pûn kì;

chu-chú ngì ke, Ngài oi chu-chú kì.

Ngài oi yîn-vi ngì su-fuk pûn thi-song ke van-mìn.”

4Â-pak-làn chhit-sṳ̍p ńg-se ke sṳ̀, cheu Song-chú ke chṳ́-sṳ lì-khôi Ha̍p-làn; Lò-tet ya thèn-tén kì. 5Â-pak-làn tai pû-ngiòng Sâ-lòi, chhṳ̍t-é Lò-tet, lâu kì-têu chhai Ha̍p-làn só chit-chhùn ke chhòi-sán, só tet-tó ke ngìn-tên hiong Kâ-nàm chhut-fat.

Kì-têu hi-to Kâ-nàm yî-heu, 6Â-pak-làn kîn-ko ke só-chhai, lòi-to Sṳ-kiam ke Mô-li siong-su fu-khiun. Ke-sṳ̀ Kâ-nàm-ngìn hàn he̍t chhai ke-vi. 7Song-chú hiong Â-pak-làn hién-hien, tui kì kóng: “Ngài oi chiông liá-te thú-thi su-pûn ngì ke heu-thoi.” Â-pak-làn chhiu chhai ke-vi vi hiong kì hién-hien ke Song-chú hí yit-chho chi-thàn. 8Kì tui ke-vi sái-to Pak-thi̍t-li tûng-phién ke sân-khî, chhai ke-vi tap chong-phùng; sî-phién he Pak-thi̍t-li, tûng-phién he Ngie; chhai ke-vi kì yu vi Song-chú hí yit-chho chi-thàn, khiù-ham Song-chú ke miàng. 9Yî-heu, Â-pak-làn chhiam-chhiam hiong-nàm sái, to Kâ-nàm ke nàm-phu.

Â-pak-làn to Âi-khi̍p

10Ke só-chhai fat-sên kî-fông, chhìn-khóng fî-sòng ngiàm-chhung. Â-pak-làn chhiu hâ-to Âi-khi̍p, oi chhiam-sṳ̀ he̍t chhai ke-vi. 11Chhâ-m̀-tô voi to Âi-khi̍p ke sṳ̀, Â-pak-làn tui kiâ pû-ngiòng Sâ-lòi kóng: “Ngài tî ngì he chhin-chiâng ke fu-ngìn-kâ; 12Âi-khi̍p-ngìn khon-tó ngì, yit-thin voi kóng: ‘Liá he kiâ pû-ngiòng’. Yîn-vi án-ngiòng, kì-têu voi chhṳ̀-sí ngài, liù-hâ ngì. 13Chhiáng ngì lâu kì-têu kóng, ngì he ngài ke ló-moi. Kì-têu chhiu-voi yîn-vi ngì ke yèn-ku hó khoán-thai ngài, ngièu ngài ke miang.” 14Â-pak-làn to Âi-khi̍p ke sṳ̀, Âi-khi̍p-ngìn chhiu khon-tó Sâ-lòi tông-chiâng. 15Âi-khi̍p-vòng#12:15 “Âi-khi̍p-vòng” chhṳ̍t-yi̍t he “Fap-ló”, ngièn-lòi chhiu-he Âi-khi̍p-fa, he chṳ́-to Âi-khi̍p ke koet-vòng. ke kôn-yèn khon-tó Sâ-lòi, chhiu hi vòng mien-chhièn chan-mî kì; Sâ-lòi chhiu pûn-ngìn tai-ngi̍p vòng-kiûng. 16Vòng yîn-vi liá fu-ngìn-kâ ke yèn-ku, chhiu hó khoán-thai Â-pak-làn; Â-pak-làn chhiu tet-tó chhin-tô ke ngiù-yòng, lì-è, lo̍k-thò, nù-phu̍k lâu nù-pî.

17Chúng-he, Song-chú yîn-vi Â-pak-làn ke pû-ngiòng Sâ-lòi ke yèn-ku, sṳ́ vòng lâu kì chhiòn-kâ pot thai-phiang su-khú. 18Só-yî vòng chhiu ham Â-pak-làn lòi, tui kì kóng: “Ngì cho-má-ke án-ngiòng tui-thai ngài? Cho-má-ke m̀ lâu ngài kóng kì he ngiâ pû-ngiòng? 19Cho-má-ke kóng kì he ngiâ ló-moi? Hoi ngài chiông kì tai-lòi oi cho ngài ke pû-ngiòng! Liá-ha ngì khon, ngiâ pû-ngiòng chhai liá, tai kì chéu!” 20Yîn-vi án-ngiòng, vòng chhiu min-lin ngìn chiông Â-pak-làn lâu kiâ pû-ngiòng, pin kì só-yû ke yit-chhiet sung-chéu.

Àwon tá yàn lọ́wọ́lọ́wọ́ báyìí:

Chhóng-sṳ Ki 12: THV12Rdb

Ìsàmì-sí

Pín

Daako

Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀

Mọ̀ Sí Nípa HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhóng-sṳ Ki 12

Àwọn Ẹsẹ Bíbélì Tí Ọ̀pọ̀ Èèyàn Mọ
Chhóng-sṳ Ki 12

Bíbélì:

Hakkafa (Roman script)

Èyà: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 12

Chhóng-sṳ Ki 12

Àwọn Ẹsẹ Bíbélì Tí Ọ̀pọ̀ Èèyàn Mọ Chhóng-sṳ Ki 12

Bíbélì:

Hakkafa (Roman script)

Èyà: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 12

Àwọn Ẹsẹ Bíbélì Tí Ọ̀pọ̀ Èèyàn Mọ
Chhóng-sṳ Ki 12