لَاتَانٛوجِ 7
7
عِلَمْ تُوڢَانَ
1جَوْمِرَاوٛ وِعِ نُوحُ: «نَسْتُ کٛومْبٛوَلْ#7:1 کٛومْبٛوَلْ مَلَّ لَانَوَلْ؞، عَنْ بٜى يِمْࢡٜ سَارٜ مَاطَ ڢُو؞ نغَمْ مِيِعِ عَ عَدِلِيجٛ حَا يٜىٰسٛ عَمْ ندٜرْ زَمَنُورُ ندُعُ؞ 2حَا دَبَّاجِ دَغِيطِ ڢُو حٛوعُ غٛرْطِ جٛوٜىٰطِطِ عٜ دٜبِّ جٛوٜىٰطِطِ؞ دِغَ دَبَّاجِ طِ دَغَاکِ بٛو، حٛوعُ طِطِ طِطِ، غٛرْطُمْ عٜ دٜبُّمْ؞ 3دِغَ شٛلِّ بٛو، حٛوعُ غٛرْطِ جٛوٜىٰطِطِ عٜ دٜبِّ جٛوٜىٰطِطِ، نغَمْ حَا عَسْلِ مَاجِ لُتَّ دٛوْ لٜسْدِ؞ 4نغَمْ لُتِّ ࢩَلْطٜ جٛوٜىٰطِطِ، مِتٛࢡْنَنْ عِيٜىٰندٜ دٛوْ لٜسْدِ، ࢩَلَوْمَاجٜ عٜ جٜمَّاجٜ شَݠَّنْطٜ نَيِ؞ مِنَتِّنَنْ تَغْلٜ عَمْ ڢُو دٛوْ لٜسْدِ؞» 5نُوحُ وَطِ کٛ جَوْمِرَاوٛ عُمْرُنٛ مٛ ڢُو؞
6حَا عِلَمْ تُوڢَانَ وَطَ دٛوْ لٜسْدِ، نُوحُ مَرِنٛ دُوࢡِ تٜىٰمٜطّٜ جٛوٜىٰغٛ (600)؞ 7نُوحُ نَسْتِ کٛومْبٛوَلْ بٜى ࢡِيُمْعٜنْ عٜ دٜبّٛ مُوطُمْ عٜ رٜوْࢡٜ ࢡِيُمْعٜنْ، نغَمْ حِسُغٛ ندِيَمْجِ تُوڢَانَ#مَتَّ 24:38-39؛ لُکَ 17:27؞؞ 8دِغَ دَبَّاجِ دَغِيطِ عٜ طِ ندَغَاکِ، دِغَ شٛلِّ عٜ کٛ وُورَتَ دٛوْ لٜسْدِ ڢُو، 9غٛرْطُمْ عٜ دٜبُّمْ، طِطِ طِطِ، نغَرِ حَا نُوحُ ندٜرْ کٛومْبٛوَلْ بَنَ اَللَّه عُمْرُنٛ مٛ؞
10ندٜ ࢩَلْطٜ جٛوٜىٰطِطِ مبَطِ، ندِيَمْ تُوڢَانَ مٛطِ لٜسْدِ؞ 11ندٜرْ ندُوࢡُ نُوحُ تٜىٰمٜطّٜ جٛوٜىٰغٛعٛووُ (600)، لٜوْرُ طِطَࢡْرُ، ࢩَلَادٜ سَݠّٛ عٜ جٛوٜىٰطِطَوْرٜ مَارُ، ࢡُلْدُطٜ ندِيَمْجِ لُغُّطِ لٜسْ لٜسْدِ ڢُو شُکِّتِ، بُرْطٜ عَسَمَ بٛو مَࢡِّتِ#2 ݠِيٜرْ 3:6؞؞ 12عِيٜىٰندٜ تٛࢡِ دٛوْ لٜسْدِ ࢩَلَوْمَاجٜ شَݠَّنْطٜ نَيِ عٜ جٜمَّاجٜ شَݠَّنْطٜ نَيِ؞ 13ࢩَلَادٜ مَاجُمْ ندٜنْ نُوحُ عٜ ࢡِيُمْعٜنْ: سٜمْ عٜ حَامُ عٜ يَڢٜتْ، نٛنْ بٛو دٜبّٛ مَاکٛ عٜ رٜوْࢡٜ ࢡِࢡّٜ مَاکٛ نَسْتِ کٛومْبٛوَلْ، 14بٜى دَبَّاجِ لَدّٜ ڢٛدّٜ عَسْلِ مَاجِ عٜ دَبَّاجِ سَارٜ ڢٛدّٜ عَسْلِ مَاجِ ڢُو عٜ لَدٛوجِ دُࢡَنْطِ دٛوْ لٜسْدِ ڢٛدّٜ عَسْلِ مَاجِ عٜ شٛلِّ ڢٛدّٜ عَسْلِ مَاجِ بٜى ڢِيرٛوجُمْ کٛو طُمٜ مَرْطُمْ بِلٜىٰجِ ڢُو؞ 15طِ نغَرِ حَا نُوحُ ندٜرْ کٛومْبٛوَلْ، غٛرْطُمْ عٜ دٜبُّمْ ڢُو، طِطِ طِطِ دِغَ کٛ مَرِ ݠٛوڢْطٜ نغٜىٰندَمْ ڢُو؞ 16غٛرْطُمْ عٜ دٜبُّمْ ندٜرْ تَغْلٜ ڢُو نَسْتِ، بَنَ اَللَّه عُمْرُنٛ مٛ؞ ندٜنْ جَوْمِرَاوٛ مَࢡِّ دَمُّغَلْ؞
17عِلَمْ تُوڢَانَ وَطِ دٛوْ لٜسْدِ ࢩَلْطٜ شَݠَّنْطٜ نَيِ؞ ندِيَمْجِ ࢡٜسْدِ، عٜڢْتِ کٛومْبٛوَلْ، نغَلْ ࢡَنغْتِ دٛوْ؞ 18ندِيَمْجِ ࢡُرْتِ ࢡٜسْدَاغٛ مَسِنْ دٛوْ لٜسْدِ، کٛومْبٛوَلْ وٜىٰيِ دٛوْ ندِيَمْ؞ 19ندِيَمْجِ تٛکِّ طُوطُغٛ مَسِنْ؞ طِ مٛطِ کٛوسٜىٰجٜ تٛوْطٜ لٜسْ عَسَمَ ڢُو، 20طِ تٛوْتِ دٛوْ مَاجٜ وَطِ مٜىٰتِرْ جٛوٜىٰطِطِ (7)؞ 21مَرْطُمْ ࢡَنْدُ کٛ وَانْشَتَ دٛوْ لٜسْدِ ڢُو وَاتِ: شٛلِّ عٜ دَبَّاجِ عٜ کٛ دُࢡَتَ دٛوْ لٜسْدِ مبَاتِدِ، نٛنْ بٛو يِمْࢡٜ ڢُو مَايْدِ؞ 22کٛ مَرِ ݠٛوڢْطٜ نغٜىٰندَمْ ندٜرْ کِنٜ ڢُو، کٛ وٛنِ دٛوْ لٜسْدِ نجٛورْندِ ڢُو، وَاتِ؞ 23بَنَ نِي اَللَّه نَتِّنِرِ کٛ وٛنّٛ دٛوْ لٜسْدِ ڢُو: يِمْࢡٜ عٜ دَبَّاجِ عٜ لَدٛوجِ عٜ شٛلِّ؞ سٜيْ نُوحُ لُتِّدِ بٜى کٛ وٛنْدِ بٜى مَاکٛ ندٜرْ کٛومْبٛوَلْ؞ 24ندِيَمْجِ ࢡٜسْدِ ࢩَلْطٜ تٜىٰمٜرّٜ عٜ شَݠَّنْطٜ جٛوِ (150)؞
Àwon tá yàn lọ́wọ́lọ́wọ́ báyìí:
لَاتَانٛوجِ 7: داَ
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Fulfulde Bible Ajamiya © Bible Society of Cameroon, 2016.