Àwọn Ẹsẹ Bíbélì Tí Ọ̀pọ̀ Èèyàn Mọ Laataanooji 3

Pín

Debbo yi'i ɓiɓɓe lekki man welani nyaamugo, ɗe pottani gite, ɗe mbooɗi masin haa hokkugo hakkiilo. O hoo'i haa ɓiɓɓe maaki, o nyaami, nden o hokki goriiko mo ɗonno kommbi maako, gorko boo nyaami.

Dabbaaji ladde ɗi Jawmiraawo Allah tagi fuu, mboodi ɓuri ɗi ƴoyre. Ndi ƴami debbo: “Gooŋga Allah wi'i taa on nyaama ɓiɓɓe leɗɗe jarne fuu na?”

Mi waɗan konnaagu hakkunde maaɗa e debbo, hakkunde danygol maaɗa e danygol maako. Goɗɗo danygol maako namete hoore, an boo a ŋatan mo teppere.”

Nden o wi'i debbo: “Mi ɗuɗɗinan luuwe danyki maaɗa. A danyan bee bone. A yenwan gondal bee gorko maaɗa, ammaa o laamoto dow maaɗa.”

Bee wulweende yeeso maaɗa nyaamrata nyaamdu ma, haa to a lortake haa mbulwuldi, ngam haa maari a hoo'a. An a mbulwuldi, haa mbulwuldi boo lorotoɗa!”

Nden o wi'i neɗɗo: “A jaɓani debbo maaɗa, a nyaami ɓiɓɓe lekki ki kaɗnomaami nyaamugo. Ngam daliila maaɗa mi naali lesdi. Bee bone keɓata ko nyaama haa maari balɗe maaɗa fuu.

Allah Jawmiraawo ƴami: “Moy anndin ma a temmbo? Malla a nyaami ɓiɓɓe lekki ki kaɗnomaami nyaamugo go?”

Ɓaawo nde o riiwi mo, o darni keruba'en haa fuunaaŋge jarne Adnin bee kaafahi ɗelkanki bana ɗemŋgal yiite, ki ɗon yirla nder bakeeje fuu, ngam aynugo laawol jahranŋgol haa lekki ngeendam.

Neɗɗo inndi debbo muuɗum: Hawwa, bana wi'go “Geeto”, ngam kaŋko woni daada yeeɗɓe fuu.