Àwọn Ẹsẹ Bíbélì Tí Ọ̀pọ̀ Èèyàn Mọ Jenesis 17

Pín

Nao taem Ebram hemi kasem naenti-naen yia blong hem, Yawe hemi kam an hemi tok olsem long hem, “Mi nao God wea mi garem evri paoa. Oltaem, yu mas obeim mi, an yu mas duim olketa samting wea hemi stret.

Bae olketa no kolem yu moa long Ebram. Hemi stat distaem an olowe nao, nem blong yu nao Ebraham, bikos mi mekem yu kamap olo blong olketa pipol long plande ples.

“Spesol agrimen ya wea mi mekem wetem yu distaem, bae hemi stap olowe wetem yu an olketa pikinini wea bae olketa bon kam long laen blong yu, bikos promis ya bae hemi stap olowe, an hemi no save finis. Bae mi nao God blong yu, an blong olketa pikinini wea bae olketa bon kam long laen blong yu.

“Spesol agrimen ya wea bae mi mekem wetem yu hemi olsem. Mi promisim yu dat bae yu grandadi blong olketa pipol long plande ples, wea bae olketa kamap bihaen long yu.

Bat God hemi tok olsem, “!Nomoa ya! Waef blong yu Sera bae hemi bonem wanfala pikinini boe, an bae yu kolem hem Aesak. Bae mi mekem spesol agrimen blong mi wetem hem, an wetem olketa wea bae i kamaot bihaen long hem. Spesol agrimen blong mi ya bae hemi no save finis.

Distaem yufala stap long graon ya olsem olketa strensa nomoa, bat bae mi givim fo yu wetem olketa pikinini wea bae olketa bon kam long laen blong yu. Olketa graon ya blong olketa laen blong Kenan bae hemi kamap graon blong yufala. Bae yufala onam olowe nao, an bae mi nao God blong yufala.”

Nao Ebraham hemi baodaon go-go fes blong hem kasem graon, bat hemi stat fo laf taem hemi gohed fo tingting olsem, “!Maewat! Mi kasem 100 yia blong mi finis, mi no save garem pikinini. An Sera hemi kasem naenti yia blong hem nao, hem tu hemi no save bonem pikinini nao.”

Nao God hemi tok moa olsem, “Stat distaem, bae yu no kolem moa woman blong yu Sarae. Distaem, nem blong hem nao Sera

Stat distaem yufala mas mekem kate long evri pikinini boe hu i bon kam long laen blong yu wea hemi kasem mekeit de blong hem. An yufala mas mekem kate long olketa pikinini boe blong olketa slev blong yufala, an olketa man wea yufala peimaot kam long olketa narafala ples wea olketa kamap slev blong yufala. From disfala wei ya nao bae hemi somaot dat mi bin mekem spesol agrimen ya wetem yufala, an yufala mas gohed fo kipim spesol agrimen ya.

Bat mi promis bae mi kipim spesol agrimen blong mi wetem san blong yu Aesak, wea Sera bae hemi bonem long disfala taem neks yia.”

Stat distaem yufala mas mekem kate long evri pikinini boe hu i bon kam long laen blong yu wea hemi kasem mekeit de blong hem. An yufala mas mekem kate long olketa pikinini boe blong olketa slev blong yufala, an olketa man wea yufala peimaot kam long olketa narafala ples wea olketa kamap slev blong yufala. From disfala wei ya nao bae hemi somaot dat mi bin mekem spesol agrimen ya wetem yufala, an yufala mas gohed fo kipim spesol agrimen ya. Evri man wea hemi bon kam long laen blong yufala, o olketa wea yufala peimaot olketa long narafala kantri, evriwan wea i stap wetem yufala tu olketa mas kate. Long disfala wei nao, bae hemi somaot olowe, dat spesol agrimen ya wea mi bin mekem wetem yufala bae hemi no save finis.