Àwọn Ẹsẹ Bíbélì Tí Ọ̀pọ̀ Èèyàn Mọ SAN MATEO 16

Pín

Bix e xiꞌ tkbaꞌntl Jesús cye t-xnakꞌatz: —Alcyej taj tzꞌoc lpe wiꞌja, cykꞌoncjtzen tikꞌch cyaja, ojxe tcyaj cykꞌoꞌna tzalu twitz txꞌotxꞌ. Cykꞌaꞌy cyiiba te cyamecy tuꞌn lepchec wiꞌja, tisenj weya twitz cruz chin byetela.

Cxeꞌl nkbaꞌna tey, jay Pedro, bix “xak” japenina tbiy. Cꞌoquela tisen jun xak cꞌajbel te t-xeeꞌ jun jaaꞌ, bix ja jaaꞌ lu kej xjal chi oquel lpe wiꞌja. Bix mlay caman taaw il cyiꞌj nxjala.

Cxeꞌl nkꞌoꞌna tey tal jaaꞌ ttzi tcawbil Dios tuj cyaꞌj. Jay kbalte ti pjel cyxol ntanema. Alcyej ctkbaꞌy yaaꞌn baꞌn tuꞌn tbint cyxol ntanema twitz txꞌotxꞌ, qꞌueleltzen baꞌn tuj nwitza tuj cyaꞌj. Jax juꞌx alcyej ctkbaꞌy baꞌn tuꞌn tbint cyxol ntanema twitz txꞌotxꞌ, chin cuyalatzen tuj cyaꞌj―tz̈ixin te Pedro

Ja tzunj xjal tcyꞌi tzꞌoc lpe wiꞌja cuma taj tzꞌoc tkꞌon tiib tiꞌj ti taj, cxeꞌl t-xooꞌn tchunkꞌlal. Pero ja tzunj xjal cyjel tkꞌoꞌn tchunkꞌlal te twitz txꞌotxꞌ tuꞌnj lepchec wiꞌja, ctcamantzen tchunkꞌlal te junx maj.

¿Ti cꞌajbela cykilca twitz txꞌotxꞌ te jun xjal ka ma cyaj tkꞌoꞌn tchunkꞌlal te junx maj tuꞌn ttzyet tuꞌn? ¿Bix ma jteꞌtzen ctchjaꞌ jun xjal twiꞌ tchunkꞌlal te junx maj, nuket jacꞌa tlokꞌ?

Bix aj tkanen Jesús: —Yajtzen cyey, ¿altzen kena tuj cywitza? Bix aj ttzakꞌbeꞌn jxin Simón Pedro: —Ja teja Scyꞌoꞌn tuꞌn Dios te cawel, jay Tcwal Dios iꞌtz―tz̈ixin.

Bix e xiꞌ tkbaꞌn Jesús te Pedro: —Dios ma tzaj tkꞌoꞌn t-xtalbil tey, Simón, tcwal Jonás, cuma ja tumel lu yaaꞌn ma kꞌoj tey cyuꞌn xjal. Nuk oꞌcx Nmana tuj cyaꞌj ma tzaj tyeecꞌan jlu tey.