Àwọn Ẹsẹ Bíbélì Tí Ọ̀pọ̀ Èèyàn Mọ Jǒn 1

Pín

Nké banet bakíri ba/koo kányí, ne ba-fé to atyém ebe ne nyǐ. Ne e/kye kámbé kâng busa ḿbú ba/firi bwǎn-Osówo.

Ejá e/mû kpá ne Osówo o-kûchi ejíí. Nyǐ e/mû ne Osówo, ne nyǐ to e-chi i Osówo.

Kiinwángé ánkyi nkyi kyi-san n ké kyifip, ne kyifip to kii*man erîp kánkyí*.

Ejá e/bírî onet, ne o-kyú ne be, ne byi/ri kanong ne ntûntû mú Osówo ḿbyí bii/sú ǎ ké byiko. Be byi/ri busa emen ḿbú nyǐ o/koo kámbú wǎ ncen-Wǎn mú Bonchí emen.

Osówo o/chi kángkáng byěm ké bubwô emen. Chwǒm nang kyibónge kyi*fí ké kángkáng byěm ḿbyí Osówo o/chi ńkyí Ejá e/mû e*fí*. Ejá ányi e/mû kiimkpet kyikû-dyikpen, ne dyikpen ándyi dyi/kye banet kiinwángé.

Ké orî-dyicí, Jǒn o-ri Jisos ké o-kú o-bâ o-kâm ǎ, ne Jǒn o-raa o/fu, nyín něen Wǎn-Etám-Ebû mú Osówo o/chi o-yip o-chi kyifen eringe nyí odafîm byibî ḿbyí ké ejíí.

Ejá ányi e/mû ké ejíí. Ne Osówo o/chi ejíí ké bubwô emen, nké ejíí e*da/nyît kányí*. Nyǐ e-bâ ké ochíchí-oshê emen, nké banet emen ba*da/koo kányí*.

Ejá ńnyín nké nyi ochíchí-kiinwángé ńkyí nkyi kyi-bâ ké ejíí, ne kyi-kûsan kángkáng banet ké byiko.

Osówo o/kye bě byije emen ké bubwô-Músis, nké o/kye bě kanong ne ntûntû emen ké bubwô-Jisos Karâs.