Àwọn Ẹsẹ Bíbélì Tí Ọ̀pọ̀ Èèyàn Mọ Sélimɛ 1

Pín

A Kolocɔlɔɔ jo: «Ki n yɛlɛ wo syɔɔn faan wolo niwirio, wi pye àmɛɛ wolo nyɛ lè, jàngó syɔɔn í tɛ́ɛn fábèle nyúngo na, ní féjɛɛnri ní ti yìrigí lè, ní kěgi yaweere, wí wɔ́ɔ tɛ́ɛn tári nyúngo na, n fàra yáriree myɛ na di fulolo lè tári na.» A Kolocɔlɔɔ syɔɔn faan woro niwirio. Wi n wi faan woro Kolocɔlɔɔ niwirio. Wi n be faan nàɔn ní cɔlɔɔ.

A Kolocɔlɔɔ dùbaw taʔa be na níì be pye: «Ki n yɛlɛ yaa sii yaa nɛʔɛgi ye tári nyìn, yáā di kàragí. Ye tɛ́ɛn fábèle nyúngo na, ní féjɛɛnri nyúngo na di nyaari lè ǹjogi ni, n fàra yaweeri myɛ na di fulolo lè tári na.»

Làrizelili ni Kolocɔlɔɔ maa nyɛ̀ʔɛni ní tári yirige.

Tári maa pye sìnzamaga ni, yarigaa da pye yaà í. Yébilimi maa lòkpɔɔ-cùrugi tɔ́n, Kolocɔlɔɔ Pǐli si i nyaari ni máari lǒgi ǹjoʔo ni.

A Kolocɔlɔɔ jo: «Gbɛ̀ɛ́nmi n yɛlɛ bi yiri.» A gbɛ̀ɛ́nmi yiri.

A Kolocɔlɔɔ wi yafaanri myɛ wéle n di nyaa a di tɔ̀nɔ n nyɔɔ gbanʔama. A gi pye cângwɔʔɔ nyɔ́ɔ, ní wɔ́ɔ baa pye nyɛ̀ʔɛ nyɔ́ɔ. Koro gi pye canya kɔrɔni wógi.

A Kolocɔlɔɔ gi nyaa gbɛ̀ɛ́nmi n nyɔɔ. A wi gbɛ̀ɛ́nmi wàli n láʔa yébilimi na.

A Kolocɔlɔɔ jo: «Wéle, mii n tári yaliire myɛ ní tiisanri kaan yele ma, ti nyɛ lè ní cèegēle ní, toro í pye yele yaliiri.

A Kolocɔlɔɔ i gbɛ̀ɛ́nmi yiri canʔa, ní i yébilimi yiri yébilige. A gi pye cângwɔʔɔ nyɔ́ɔ ní wɔ́ɔ baa pye nyɛ̀ʔɛ nyɔ́ɔ. Koro gi pye cânzeligi.

A Kolocɔlɔɔ jo: «Wàlima n yɛlɛ bi pye lǒyi nínge ni bi yi wàli bi láʔa yiyɛɛ na.»

Gee si gi tári yaweere myɛ kéele kwɔ́ɔ lè, ní féjɛɛnri myɛ, n fàra yáriree myɛ na di fulolo lè tári na, dee ni ŋɔ́ngara nyɛ lè, mii n nyàápungi kaan toro myɛ ma gi pye ti yaliiri.» A gi wɔ́ɔ̀ pye nya.

A Kolocɔlɔɔ jo: «Gbɛ̀ɛnyirige-yariya n yɛlɛ yi pye ǹjogi ni, nyɛ̀ʔɛni na, bi cángi ní yébiligi wàli bi láʔa tiyɛɛ na. Yee bee a pye bàā làrigèle, ní cányi, ní yɛ́ɛgèle wɛ̀ɛ́.

A Kolocɔlɔɔ jo: «Yáriri n yɛlɛ di fìin bi tári tɔ́n. Gee bee n jo nyàági, gee ki a ra yaliire kpéʔele lè bi yɛlɛ ní di féleyi ní, ní tíiri, dee ti a ra yasanri sangi lè bi yɛlɛ ní di féleyi ní tári na, di cèégèle si pye di ni.» A gi wɔ́ɔ̀ pye nya.

A Kolocɔlɔɔ gee bee kpéʔele, n táàma lǒgi wàli n láʔa ǹjoʔo ma wógi na. A gi pye kánmi bee na.

A tári i yáriri fíin. Gee bee n jo nyàági gi lùguzíiw kpéʔele lè n yɛlɛ ní di féleyi ní, ní tíiri di sangi lè tári na n yɛlɛ ní di féleyi ní, cèégèle si i nyɛ di ni. A Kolocɔlɔɔ gee bee myɛ nyaa a gi nyɔɔ.

A Kolocɔlɔɔ gbɛ̀ɛnyirige-yakpoloyo siin sámaga. Wogbɔɔtelegi í tɛ́ɛn cángi làla nyúngo na, wobiigi si tɛ́ɛn yébiligi nyúngo na. A wi wɔ́ɔ̀ ŋɔripiigèle sámaga.

A Kolocɔlɔɔ jo: «Nyɛ̀ʔɛni táàmaw lɔ̀ʔɔ n yɛlɛ bi kpóʔoro bi sa kòro tɛʔɛ nibin ni, tɛɛwaʔa si yiri.» A gi pye nya. A Kolocɔlɔɔ i tɛɛwaagi yiri tára. Lǒyee yi kpóʔoro yiyɛɛ na lè ní i koro yiri sólomi lɔ́ʔɔ. A Kolocɔlɔɔ gee bee nyaa a gi nyɔɔ.

A Kolocɔlɔɔ dùbaw taʔa di na níì jo: «Ki n yɛlɛ lǒgi fúngo yárira í da sii bàā nɛʔɛgi bi sólomi lɔ́ʔɔ nyìn, féjɛɛnri si wɔ́ɔ ra nɛʔɛgi tári na.»

A Kolocɔlɔɔ jo: «Tári n yɛlɛ di yaweere yirige bi yɛlɛ ní di féleyi ní. Gee bee n jo kěgi yaweere, ní yáriree di fulolo lè, n fàra sìnbirigi yaweere na, n yɛlɛ ní di féleyi ní.» A gi wɔ́ɔ̀ pye nya.

A Kolocɔlɔɔ jo: «Sìi yárira saʔa n yɛlɛ taa nyaʔami da máari sólomi lɔ́ʔɔ ni, féjɛɛnri si wɔ́ɔ ra yìrigí da nyaari da máari tári ǹjoʔo ni nyɛ̀ʔɛni láara ni.»

Kánmi bee na Kolocɔlɔɔ sìnbirigi yaweere sámaga n yɛlɛ ní di féleyi ní, ní wɔ́ɔ̀ kěgi yaweere sámaga n yɛlɛ ní di féleyi ní, n fàra yáriree na di fulolo lè. A Kolocɔlɔɔ gee bee nyaa a gi nyɔɔ.