Àwọn Ẹsẹ Bíbélì Tí Ọ̀pọ̀ Èèyàn Mọ JENESIS 6

Pín

Bad U TRAI u la kylla-ka-bamut ba u la lah thaw ïa u briew ha ka pyrthei, bad la pynsngewsih eh ïa u ha la ka dohnud.

Te U TRAI u la ïohi ba ka jingleh bymman jong u briew ka la khraw eh ha ka pyrthei, bad ba ka jingthmu baroh ki jingpyrkhat ka dohnud jong u ki la long bymman ha la ka sngi.

Hynrei, u Noah u la shem ka jingieit isynei ha khmat U TRAI.

Kine ki long ki jinghiar pateng jong u Noah: u Noah u la long u briew u bahok, uba beit ha ki pateng bynriew jong u, u Noah u la ïaid ryngkat bad U Blei.

Te U TRAI u la ong, “Ngan pyndam noh ïa u briew ïa uba nga la thaw na khmat ka khyndew; naduh u briew haduh u mrad, bad haduh u kynja bapar, bad ïa ki sim bneng; naba nga kylla-ka-bamut ba nga la thaw ïa ki.”

Te ka la jia ruh, mynba ki briew ki la sdang ban ïaroi halor ka khmat ka khyndew, bad ba la kha ïa ki khun kynthei ïa ki, ba ki khun shynrang U Blei ki la ïohi ïa ki khun kynthei ki jong ki briew ba ki bhabriew; bad ki la shim ki tnga ïa lade na kat kiba ki la ïa-ibha. Te U TRAI u la ong, “U Mynsiem jong nga un ym ïaleh bad u briew junom, namar ba u hi u long ka doh: la kumta ruh, ki sngi jong u kin long shispah arphew snem.” Ki riewradbah ki la don ha ka pyrthei ha kita ki sngi; bad hadien kata ruh, mynba kita ki khun shynrang U Blei ki la leit sha kita ki khun kynthei jong u bynriew, bad ba ki la ïoh khun na ki, kine keiñ, ki la jia long ki briew bashlur eh kiba la ju long mynhyndai hynthai, kiba la donnam shibun.

Te u Noah u la leh kumta; katba kum baroh ba U Blei u la hukum ïa u, kumta keiñ u la leh.

Bad U Blei u la ong ha u Noah, “Ka bakut ka doh baroh ka la wan ha khmat jong nga; naba da ki keiñ la pyndap ïa ka pyrthei da ka jingleh-jubor; bad ha khmih ruh, ngan pynjot noh ïa ki lem bad ka khyndew.

To thaw ïa lade ïa ka ïinglieng da u dieng Kopher; ïa ki pulit men thaw ha kata ka ïinglieng, bad men tah ruh ïa ka da ka bsiang shapoh bad shabar.

Te U Blei u la khmih ïa ka pyrthei, bad, ha khmih ruh, ka la pyut sniew; naba ka doh baroh ka la lah pynpyut plak ïa la ka lynti ha ka pyrthei.

Bad na kiei kiei ki kynja ba-im baroh, na ka doh baroh keiñ, men pynwan sha kata ka ïinglieng shi jur shi jur na ki, ïa ka ban ri pynim ïa ki lem bad me; bad shynrang bad kynthei ruh kin ïalong.