If you have would like a copy of this version please contact info@davaraudiobibles.org

Madura Old Testament

<div class="version vid2870 iso6393mad" data-vid="2870" data-iso6393="mad">
 <div class="book bkGEN">
 <div class="chapter ch6" data-usfm="GEN.6">
 <div class="label">6</div><div class="s">Kajahadanna manossa</div><div class="p"> 1Saellana manossa reya atamba bannya' e bume, sarta alahirragi ana' babine' sabannya'na, 2lok-mahlok Illahi nangale'e ja' babine'an jareya din-raddin. Daddi pas padha mele bang-sebang, se ekaleburi, laju ekabine. 3PANGERAN adhabu, &#8220;Bi' Sengko' manossa reya ta' epaodhi'a salanjangnga, sabab manossa reya mahlok se ta' langgeng. Molae dhari sateya omorra manossa reya bi' Sengko' ta' epalebbiya dhari saratos dhu polo taon.&#8221; 4#Et. 13:33 E jaman jareya, bariya keya e jaman saellana jareya, e bume reya badha reng-oreng se badanna talebat raja ban talebat kowat, jareya toronanna babine'anna manossa ollena ban lok-mahlok Illahi gella'. Reng-oreng jareya kaetong oreng se kowat tor bangalan, pahlawan se kasohor.</div><div class="p"> 5 # 
 Mat. 24:37; Luk. 17:26; 1Ptr. 3:20 E naleka PANGERAN ngoladi ja' manossa e bume reya sajan atamba kajahadanna, ban pekkeranna ros-terrosan juba', 6Salerana laju arassa kasta se abadhi manossa sarta nyaba' manossa jareya e bume. Panggaliyanna ce' kocebana. 7Sampe' adhabu kantha reya, &#8220;Sengko' ce' kastana nyepta'agi manossa ban no'-mano' sarta ban-keban laenna reya. Daddi sateya bi' Sengko' epatompessa kabbi.&#8221; 8Tape Ennoh ekaneserre bi' PANGERAN.</div><div class="s">Ennoh</div><div class="p"> 9-10 # 
 2Ptr. 2:5
 Areya' caretana Ennoh. Ennoh reya kaagungan pottra katello, nyamana Sem, Ham ban Yafet. Ennoh ta' tao agabay sala, ban e jaman jareya pera' Ennoh malolo se teppa' tengka gulina. Orengnga alem. 11Tape reng-oreng laenna monggu ka pangoladanna Allah padha juba' tengkana, ban e man-dhimman padha jem-kejjem. 12Allah ngoladi ka dunnya reya, ban ngagali ja' dunnya reya rosak, sabab manossana padha juba' kabbi odhi'na.</div><div class="p"> 13Allah adhabu ka Ennoh, &#8220;Sengko' la motossagi mamosna'a manossa reya kabbi. Bi' Sengko' epatompessa epatadha'a karena, sabab bume reya possa' bi' kakejjemmanna manossa jareya. 14Kassa' ba'na agabay parao dhari kaju se bagus, pobuwi keng-pangkeng; bagiyan lowar ban bagiyan dhalemma kole'e ban pakal. 15Lanjangnga kagabay saratos tello polo tello meter, lebarra dhu lekor meter, ban tenggina tello bellas meter. 16Parao jareya pasange ata'; e antarana ata' ban bagiyan erengnga parao jareya ella'e pa' polo empa' sentimeter. Parao jareya pasoson tello', e bagiyan erengnga pasange labang settong. 17Sengko' madhatengnga banjir ka bume reya sopaja mahlok se odhi' padha'a mate kabbi. Sabarang se badha e bume reya bakal mateya kabbi. 18Tape Sengko' mabadha'a parjanjiyan ban ba'na. Ba'na ban binena, ban na'-ana'na sarta binena na'-ana'na, maso' kabbi ka dhalem parao jareya. 19-20Ba'na kodu ngeba keya samacemma keban ban samacemma mano' sajudhu ebang, pamaso' ka parao jareya, me' olle gi' badha se odhi'. 21Ja' kaloppae ngeba sango, apa'a bai se ekakana ba'na ban sakabbinna se noro' ba'na e parao jareya.&#8221; 22#Ibr. 11:7 Ennoh alampa'agi sabarang se epakonnagi bi' Allah jareya.</div>
 </div>
 </div>
</div>

Saellana manossa reya atamba bannya' e bume, sarta alahirragi ana' babine' sabannya'na, lok-mahlok Illahi nangale'e ja' babine'an jareya din-raddin. Daddi pas padha mele bang-sebang, se ekaleburi, laju ekabine. PANGERAN adhabu, “Bi' Sengko' manossa reya ta' epaodhi'a salanjangnga, sabab manossa reya mahlok se ta' langgeng. Molae dhari sateya omorra manossa reya bi' Sengko' ta' epalebbiya dhari saratos dhu polo taon.” E jaman jareya, bariya keya e jaman saellana jareya, e bume reya badha reng-oreng se badanna talebat raja ban talebat kowat, jareya toronanna babine'anna manossa ollena ban lok-mahlok Illahi gella'. Reng-oreng jareya kaetong oreng se kowat tor bangalan, pahlawan se kasohor.
E naleka PANGERAN ngoladi ja' manossa e bume reya sajan atamba kajahadanna, ban pekkeranna ros-terrosan juba', Salerana laju arassa kasta se abadhi manossa sarta nyaba' manossa jareya e bume. Panggaliyanna ce' kocebana. Sampe' adhabu kantha reya, “Sengko' ce' kastana nyepta'agi manossa ban no'-mano' sarta ban-keban laenna reya. Daddi sateya bi' Sengko' epatompessa kabbi.” Tape Ennoh ekaneserre bi' PANGERAN.

Areya' caretana Ennoh. Ennoh reya kaagungan pottra katello, nyamana Sem, Ham ban Yafet. Ennoh ta' tao agabay sala, ban e jaman jareya pera' Ennoh malolo se teppa' tengka gulina. Orengnga alem. Tape reng-oreng laenna monggu ka pangoladanna Allah padha juba' tengkana, ban e man-dhimman padha jem-kejjem. Allah ngoladi ka dunnya reya, ban ngagali ja' dunnya reya rosak, sabab manossana padha juba' kabbi odhi'na.
Allah adhabu ka Ennoh, “Sengko' la motossagi mamosna'a manossa reya kabbi. Bi' Sengko' epatompessa epatadha'a karena, sabab bume reya possa' bi' kakejjemmanna manossa jareya. Kassa' ba'na agabay parao dhari kaju se bagus, pobuwi keng-pangkeng; bagiyan lowar ban bagiyan dhalemma kole'e ban pakal. Lanjangnga kagabay saratos tello polo tello meter, lebarra dhu lekor meter, ban tenggina tello bellas meter. Parao jareya pasange ata'; e antarana ata' ban bagiyan erengnga parao jareya ella'e pa' polo empa' sentimeter. Parao jareya pasoson tello', e bagiyan erengnga pasange labang settong. Sengko' madhatengnga banjir ka bume reya sopaja mahlok se odhi' padha'a mate kabbi. Sabarang se badha e bume reya bakal mateya kabbi. Tape Sengko' mabadha'a parjanjiyan ban ba'na. Ba'na ban binena, ban na'-ana'na sarta binena na'-ana'na, maso' kabbi ka dhalem parao jareya. Ba'na kodu ngeba keya samacemma keban ban samacemma mano' sajudhu ebang, pamaso' ka parao jareya, me' olle gi' badha se odhi'. Ja' kaloppae ngeba sango, apa'a bai se ekakana ba'na ban sakabbinna se noro' ba'na e parao jareya.” Ennoh alampa'agi sabarang se epakonnagi bi' Allah jareya.

Feti si KADADDIYAN 6