Kinyiramba - 2009 BST (NT) Drama

<div class="version vid1813 iso6393nim" data-vid="1813" data-iso6393="nim">
 <div class="book bkMAT">
 <div class="chapter ch10" data-usfm="MAT.10">
 <div class="label">10</div><div class="s">Atumua kyumi naab&#297;l&#297; nukwitumua kumuao</div><div class="r">(Mk 3:13-19; Lk 6:12-16)</div><div class="p"> 1Nu&#297;&#297;ta &#297;amanigua akue naikyumi naab&#297;l&#297;, nuapeela us&#361;&#361;mi mumas&#297;&#297;mu&#297; ama&#297;nge nukwikamia maulu&#297;le mensi nuuneket&#361; wensi. 2N&#297;miina ma atumua naikyumi naab&#297;l&#297; ntaaya. Nwa muandio Simoni nuku&#297;tanguaa Petelo nuAndelea umun&#361;na waakue, nuYakobo sha Zebedayo nuYohana umun&#361;na waakue; 3Pilipo nuBalitolomayo, Tomaso nuMatayo musangulia-koodi, Yakobo &#361;sha Alpayo nuTadayo, 4Simoni Mukananayo n&#361;Yuda nwa kuIsikaliote naalumusakilie.</div><div class="p"> 5&#296;a naal&#297; ikyumi naab&#297;l&#297; &#361;Yesu nuatuma, nualag&#297;&#297;lia nu&#361;ga, &#8220;Mulekienda munz&#297;la ya ndugu naz&#297;ng&#297;, sunga mulekiing&#297;la mukaa yensi nya Asamalia; 6taazu muende kunkolo nazalim&#297;l&#297;&#297;le za numba ya &#297;Silaeli. 7P&#297;na mwigenda, tananti&#297;, &#297;mwi&#361;ga. uUtemi wa kwigyulu was&#361;gam&#297;&#297;laa. 8Kami&#297; &#297;alu&#297;le, iiuki&#297; &#297;akiu, eeli&#297; &#297;anamatana, &#297;ng&#297; &#297;mas&#297;&#297;mu&#297;; muapeegue nakanda, p&#361;ni&#297; nakanda. 9Mulekishola zahab&#361; katia mapeesa, katia mpiia mumisipi yani, 10Sunga mp&#297;nda ya mus&#297;nzo katia m&#297;nk&#361;mb&#297; &#297;b&#297;l&#297;, sunga ilaatu katia nkome; kunsooko umunamul&#297;mo wij&#297;p&#297;&#297;le kwipeegua india zaakue. 11Numukaa yensi katia k&#297;saal&#297; kiensi namukakukiing&#297;la mud&#361;&#361;m&#297; waani muasio namusanigue, m&#361;kyale pamuakue sunga p&#297;na mukilega. 12P&#297;na m&#361;ing&#297;la munumba, &#361;gi&#297;, 13n&#297;numba kanga ij&#297;p&#297;&#297;le, matiliga maani m&#297;&#297; muasio; mal&#297;&#297; &#297;sikij&#297;p&#297;&#297;le, matiliga maani mamushookele. 14Wensi kanga wasiite kumus&#361;gam&#297;&#297;lia katia kukuzitegeela inkani zaani, p&#297;na mwap&#361;na munumba katia kaa niasio, luk&#361;n&#361;nt&#297; ulunkund&#297; lwa m&#297;gulu yaani. 15Tai namu&#297;&#297;la, ikit&#361;la itont&#361; &#297;ns&#297;&#297; ya Sodom&#361; n&#297;Gomola kwigigim&#297;l&#297;a palutondo lwa ulamulua kwik&#297;la &#297;kaa niasio.</div><div class="p"> 16&#8220;Laa&#297;, &#297;ne namutuma z&#297; nkolo pakat&#297; ya iy&#297;ngi; luulo gua, mu&#297; asug&#361; z&#297; nzoka; mu&#297; muagila kautiulia z&#297; nkunda. 17&#296;sukuk&#297; n&#297;antu; kuit&#297; &#297;kakumutuala kumalind&#297;, numumas&#361;nagogi maao &#297;kakumukua; 18Mukitualua paakulu n&#297;atemi kunsooko yaane, ut&#361;le uku&#297;li kumiao nukundugu naz&#297;ng&#297;. 19&#296;pa p&#297;na &#297;kakumutuala, mulekipinda-pinda mutambule yaani, kunsooko l&#297;&#297;lo ty&#361;ngo mukipeegua namukakuzitambula. 20Kuit&#297; sikaka niinie namwitambula, ing&#297; uMuau wa k&#297;Tata waani, uuyo witambula muns&#297; yaani. 21Mun&#361;na ukakumusakia umun&#361;na waakue waulague, io-iioo n&#361;shee numuana, n&#297;aana &#297;kakuauuk&#297;&#297;la &#297;aleli nukukuaulaga. 22Mukit&#361;lishuuk&#297;lua n&#297;antu tulu kunsooko ya liina liane. uNuasio gua nwakugigim&#297;&#297;lia sunga &#297;mpelo, uuzo ukig&#361;n&#297;ka. 23P&#297;na &#297;kakumu&#297;nga mukaa &#297;&#297; talam&#297;l&#297; y&#297;ng&#297;. Tai namu&#297;&#297;la. Sika mukakuzimala ikaa za &#297;Silaeli sunga waaze uMuana-muntu.</div><div class="p"> 24&#8220;uMumanigua sikukumuk&#297;l&#297;k&#297;&#297;laa umumania waakue, numusese sikukumuk&#297;l&#297;k&#297;&#297;laa &#361;shekulu waakue. 25Yendile muumo kumumanigua k&#361;t&#361;la z&#297; umumania waakue, numusese k&#361;t&#361;la z&#297; &#361;shekulu waakue. Mal&#297;&#297; &#297;amu&#297;tile umukola numba Belizebuli, sika nang&#361;l&#361;ne &#297;aasio a munumba yaakue.</div><div class="p"> 26&#8220;Luulo gua, muleke k&#297;oopooka, kuit&#297; kutil&#297; naluk&#361;n&#297;k&#297;le nasika l&#361;jilik&#361;nukulua; katia nalupisigue nasika l&#361;jilil&#297;ngua. 27Nanukumu&#361;&#297;la inie muwiilu, lutambul&#297; muweelu; n&#297;namukupuepuelaguaa kuk&#297;mpis&#297;-mpis&#297;; lutananti&#297; kumatembe. 28Muleke k&#297;oopooka naakuulagaa umu&#297;l&#297;, nasika as&#361;&#361;mile kukum&#297;ulaga &#297;nkolo; taazu mumoopoke nus&#361;&#361;mile kwioonoona &#297;nkolo numu&#297;l&#297; gaa muGehena. 29Pishamamba pib&#297;l&#297;, sika pyukugulagiguaa kusenti &#297;mu&#297;ne? Sunga nakamu&#297; sika kakuguaa pans&#297; &#297;sikumanile uTata waani. 30&#296;pa inie, sunga &#297;mat&#361;mb&#297; ma mat&#361;e maani maaligue mensi. 31Luulo gua, mulekioopoka; inie mwa ngele nkak&#361; kwik&#297;la ipinoni ping&#297;. 32Luulo gua, t&#361;l&#361; wensi nukink&#361;muula ntongela ya antu, nineene n&#297;kakumuk&#361;muula ntongela ya k&#297;Tata waane nu&#297;l&#297; kwigyulu. 33Wensi nukinkaana ntongela ya antu, nineene n&#297;kakumukaana ntongela ya k&#297;Tata waane nu&#297;l&#297; kwigyulu.</div><div class="p"> 34&#8220;Mulekish&#297;&#297;ga k&#297;na nijile kwileeta matiliga muna ns&#297;&#297;. Sika nijile kwileeta &#297;matiliga, &#297;pa iy&#361;mba. 35Kuit&#297; nijile kwikin&#297;la muntu n&#361;shee, munanso nunina, muku&#297;l&#297;m&#297;la numuku&#297;, 36n&#297;alugu a muntu ing&#297; aao &#297;a munumba yaakue. 37Numuloilue &#361;shee katia unina kwik&#297;la &#297;ne, sika winj&#297;p&#297;&#297;le; numuloilue umuana namugoosia katia namuk&#297;&#297;ma kwik&#297;la &#297;ne sika winj&#297;p&#297;&#297;le. 38Nduzo nasikukukenkaa umusalaba waakue nukwintianta, sika winj&#297;p&#297;&#297;le. 39Nukuligagiaa uuum&#297; waakue ukakuulim&#297;&#297;lia, nduyo nukuulim&#297;&#297;lagiaa uuum&#297; wakue kunsooko yaane, ukakuuligia.</div><div class="p"> 40&#8220;Nukumuan&#361;nkulaa inie, ukunan&#361;nkulaa uneene; nduzo nukunan&#361;nkulaa &#297;ne, ukumuan&#361;nkulaa naaluntumile. 41Nukumuan&#361;nkulaa umunak&#297;dagu kunsooko munak&#297;dagu, ukiligia &#297;k&#297;peegua kya munak&#297;dagu; nduyo nukumuan&#361;nkulaa umunakulukuuluu kunsooko munakulukuuluu, ukiligia &#297;k&#297;peegua kya munakulukuuluu. 42Wensi kanga wamupeele umu&#297; wa &#297;a naaniino sunga &#297;k&#297;&#297;ko kya maaz&#297; namapolo kunsooko mumanigua, tai namu&#297;&#297;la, sikukilim&#297;&#297;lia kainiino &#297;k&#297;peegua kiakue.&#8221;</div>
 </div>
 </div>
</div>

The New Testament in Kinyiramba © Bible Society of Tanzania, 2009.

Nuĩĩta ĩamanigua akue naikyumi naabĩlĩ, nuapeela usũũmi mumasĩĩmuĩ amaĩnge nukwikamia mauluĩle mensi nuuneketũ wensi. Nĩmiina ma atumua naikyumi naabĩlĩ ntaaya. Nwa muandio Simoni nukuĩtanguaa Petelo nuAndelea umunũna waakue, nuYakobo sha Zebedayo nuYohana umunũna waakue; Pilipo nuBalitolomayo, Tomaso nuMatayo musangulia-koodi, Yakobo ũsha Alpayo nuTadayo, Simoni Mukananayo nũYuda nwa kuIsikaliote naalumusakilie.
Ĩa naalĩ ikyumi naabĩlĩ ũYesu nuatuma, nualagĩĩlia nuũga, “Mulekienda munzĩla ya ndugu nazĩngĩ, sunga mulekiingĩla mukaa yensi nya Asamalia; taazu muende kunkolo nazalimĩlĩĩle za numba ya ĩSilaeli. Pĩna mwigenda, tanantiĩ, ĩmwiũga. uUtemi wa kwigyulu wasũgamĩĩlaa. Kamiĩ ĩaluĩle, iiukiĩ ĩakiu, eeliĩ ĩanamatana, ĩngĩ ĩmasĩĩmuĩ; muapeegue nakanda, pũniĩ nakanda. Mulekishola zahabũ katia mapeesa, katia mpiia mumisipi yani, Sunga mpĩnda ya musĩnzo katia mĩnkũmbĩ ĩbĩlĩ, sunga ilaatu katia nkome; kunsooko umunamulĩmo wijĩpĩĩle kwipeegua india zaakue. Numukaa yensi katia kĩsaalĩ kiensi namukakukiingĩla mudũũmĩ waani muasio namusanigue, mũkyale pamuakue sunga pĩna mukilega. Pĩna mũingĩla munumba, ũgiĩ, nĩnumba kanga ijĩpĩĩle, matiliga maani mĩĩ muasio; malĩĩ ĩsikijĩpĩĩle, matiliga maani mamushookele. Wensi kanga wasiite kumusũgamĩĩlia katia kukuzitegeela inkani zaani, pĩna mwapũna munumba katia kaa niasio, lukũnũntĩ ulunkundĩ lwa mĩgulu yaani. Tai namuĩĩla, ikitũla itontũ ĩnsĩĩ ya Sodomũ nĩGomola kwigigimĩlĩa palutondo lwa ulamulua kwikĩla ĩkaa niasio.
“Laaĩ, ĩne namutuma zĩ nkolo pakatĩ ya iyĩngi; luulo gua, muĩ asugũ zĩ nzoka; muĩ muagila kautiulia zĩ nkunda. Ĩsukukĩ nĩantu; kuitĩ ĩkakumutuala kumalindĩ, numumasũnagogi maao ĩkakumukua; Mukitualua paakulu nĩatemi kunsooko yaane, utũle ukuĩli kumiao nukundugu nazĩngĩ. Ĩpa pĩna ĩkakumutuala, mulekipinda-pinda mutambule yaani, kunsooko lĩĩlo tyũngo mukipeegua namukakuzitambula. Kuitĩ sikaka niinie namwitambula, ingĩ uMuau wa kĩTata waani, uuyo witambula munsĩ yaani. Munũna ukakumusakia umunũna waakue waulague, io-iioo nũshee numuana, nĩaana ĩkakuauukĩĩla ĩaleli nukukuaulaga. Mukitũlishuukĩlua nĩantu tulu kunsooko ya liina liane. uNuasio gua nwakugigimĩĩlia sunga ĩmpelo, uuzo ukigũnĩka. Pĩna ĩkakumuĩnga mukaa ĩĩ talamĩlĩ yĩngĩ. Tai namuĩĩla. Sika mukakuzimala ikaa za ĩSilaeli sunga waaze uMuana-muntu.
“uMumanigua sikukumukĩlĩkĩĩlaa umumania waakue, numusese sikukumukĩlĩkĩĩlaa ũshekulu waakue. Yendile muumo kumumanigua kũtũla zĩ umumania waakue, numusese kũtũla zĩ ũshekulu waakue. Malĩĩ ĩamuĩtile umukola numba Belizebuli, sika nangũlũne ĩaasio a munumba yaakue.
“Luulo gua, muleke kĩoopooka, kuitĩ kutilĩ nalukũnĩkĩle nasika lũjilikũnukulua; katia nalupisigue nasika lũjililĩngua. Nanukumuũĩla inie muwiilu, lutambulĩ muweelu; nĩnamukupuepuelaguaa kukĩmpisĩ-mpisĩ; lutanantiĩ kumatembe. Muleke kĩoopooka naakuulagaa umuĩlĩ, nasika asũũmile kukumĩulaga ĩnkolo; taazu mumoopoke nusũũmile kwioonoona ĩnkolo numuĩlĩ gaa muGehena. Pishamamba pibĩlĩ, sika pyukugulagiguaa kusenti ĩmuĩne? Sunga nakamuĩ sika kakuguaa pansĩ ĩsikumanile uTata waani. Ĩpa inie, sunga ĩmatũmbĩ ma matũe maani maaligue mensi. Luulo gua, mulekioopoka; inie mwa ngele nkakũ kwikĩla ipinoni pingĩ. Luulo gua, tũlũ wensi nukinkũmuula ntongela ya antu, nineene nĩkakumukũmuula ntongela ya kĩTata waane nuĩlĩ kwigyulu. Wensi nukinkaana ntongela ya antu, nineene nĩkakumukaana ntongela ya kĩTata waane nuĩlĩ kwigyulu.
“Mulekishĩĩga kĩna nijile kwileeta matiliga muna nsĩĩ. Sika nijile kwileeta ĩmatiliga, ĩpa iyũmba. Kuitĩ nijile kwikinĩla muntu nũshee, munanso nunina, mukuĩlĩmĩla numukuĩ, nĩalugu a muntu ingĩ aao ĩa munumba yaakue. Numuloilue ũshee katia unina kwikĩla ĩne, sika winjĩpĩĩle; numuloilue umuana namugoosia katia namukĩĩma kwikĩla ĩne sika winjĩpĩĩle. Nduzo nasikukukenkaa umusalaba waakue nukwintianta, sika winjĩpĩĩle. Nukuligagiaa uuumĩ waakue ukakuulimĩĩlia, nduyo nukuulimĩĩlagiaa uuumĩ wakue kunsooko yaane, ukakuuligia.
“Nukumuanũnkulaa inie, ukunanũnkulaa uneene; nduzo nukunanũnkulaa ĩne, ukumuanũnkulaa naaluntumile. Nukumuanũnkulaa umunakĩdagu kunsooko munakĩdagu, ukiligia ĩkĩpeegua kya munakĩdagu; nduyo nukumuanũnkulaa umunakulukuuluu kunsooko munakulukuuluu, ukiligia ĩkĩpeegua kya munakulukuuluu. Wensi kanga wamupeele umuĩ wa ĩa naaniino sunga ĩkĩĩko kya maazĩ namapolo kunsooko mumanigua, tai namuĩĩla, sikukilimĩĩlia kainiino ĩkĩpeegua kiakue.”

Feti si Matayo 10