Sempaisi Ne Kaiwo Mirarebanai

<div class="version vid1176 iso6393amk" data-vid="1176" data-iso6393="amk">
 <div class="book bkMAT">
 <div class="chapter ch8" data-usfm="MAT.8">
 <div class="label">8</div><div class="s">Yesusi niari inontarai meninang kusta manei denteng</div><div class="r">(Markusi 1:40-44; Lukasi 5:12-16)</div><div class="p"> 1Yesusi biari na wiwoifoi meufo, kaiwasa bitoya paria era riati. 2Na nanai inontarai meninang kusta manei da wei ma,#8:2 Fimaninang kusta nei mani kerira paria tuti mawa soiri we inontarai siai. Nanai wedaya mano meninang foi ketai waroi weru kaiwasafoi tuti da funoma kaha. tuti disangkapao awebukafo na awerengfo mae medu wei deyo, &#8220;Daie, wau wemambiriu ne, maya mani, nari yau yenteng weru nehu maninangnei.&#8221;</div><div class="p"> 3Ainanaya Yesusi suba warangfoa wa sauwi tuti medu wei deyo, &#8220;Yo, imaya. Bonteng to!&#8221; Tatofang kutu nanai kontaio maninang kusta foi niai werui tuti dentengna. 4Ainanaya Yesusi medu wei aha deyo, &#8220;Aromuoaifa! Wiro boiriri fi inari ninai weo inontarai siai manei fanai, mae ro to imamifoia tuti butani we deti kariri nemu taraiwai we bontengna wa. Mayeai bohong korbanifeai we Allai we nemu bontengna wa kariri fianai aino Musai soia fo. Nana mani deinawiai we kaiwasa bitoya foi we bonteng ampa.&#8221;</div><div class="s">Inontarai fuba yu rai mamuna fosa manei ne yoasoafo fuba</div><div class="r">(Lukasi 7:1-10; Yohanesi 4:46-53)</div><div class="p"> 5Rahida bo Yesusi da wa suai to bendari Kapernaumi fo, inontarai Yahudi kaha manei, i mani inontarai fuba yu rai mamuna Roma fosa manei dine, da wei ma, dutani deyo, 6&#8220;Daie, fata yau wo, nehu womingfoi meninangnao fiaya, wiatai na nehu munufi fo tuti sodai dadira paria.&#8221; 7Yesusi yoa wei deyo, &#8220;Yo ambori ira wa inariri denteng ki.&#8221; 8Manamo inontaraifoi yoa wei deyo, &#8220;Daie roa fanai, weo imai we yemang we wau na nehu munufoi kaha. Ampafe modu kaiwofeai na waroi teraia, nana mani nehu womingfoi ambori denteng kaririai ki. 9Weo yau kontai nehu fuba isomi wei manei, tuti iru afai mamuna fea kontai. Ampafe imadu we manei yeyo, &#8216;Ro,&#8217; nana mani da kaririai, tuti imadu we manei aha yeyo, &#8216;Ro ma,&#8217; nana mani da kaririai ma. Ete we nehu mangfatafoi yeyo, &#8216;Nari fininai,&#8217; nana mani niari kaririai. Yeitawanai we Dai Wau tonanai kontai. Fiani aino boyoa mani, kariria rai.&#8221;</div><div class="p"> 10Yesusi tarao rai mamuna fuba foi medu tonanafo pepuhung paria. Ainanaya medu we mano erariati fosa deyo, &#8220;Kei! Inontarai nini andiarana ne. Na inontarai Israeli nesa kiai wiro iwati manei yoaso yau ne fuba kariri tonina kaharai. 11Yeisaharai we mea yeyo, kaiwasa bitoya ambori era na katai doni kontai na rea diru foi tuti rea aha foi ma, efanduhisa ria Abrahami, Isaki tuti Yakupi we etohong muniara na Allai ne weMananufo ki. 12Wape inontarai mano katai wemananu nani eneni fosa#8:12 Nana mani, mano paria nanai Allai sahusa we ne inontarai disa fosa, amani inontarai Yahudi fosa., ambori Allai sosa to boriei weru ne weMananufo to katai memantiti foi. Na wanai ambori esodai ne karirafo tuti esaia etamirai paria.&#8221; 13Ainanaya Yesusi medu we rai mamuna foi deyo, &#8220;Barabera waua, we fianai aino roasoai nanai kaririai ampa.&#8221; Na tatofang kutu nanai kontai ne womingfoi dentengna.</div><div class="s">Yesusi niari inontarai emaninang bitoya ebeng</div><div class="r">(Markusi 1:29-34; Lukasi 4:38-41)</div><div class="p"> 14Yesusi da wa sobu Petrusi ne munufoi fo, detio Petrusi niong wiwini we meninang rirora wiatai na ne fatafoi. 15Ampafe Yesusi warawa yu na warangfo, na tatofang kutu nanai kontaio maninangfoi niai weruria. Mayeai wiwingfoi doari ayai wesarawiri we Yesusi.</div><div class="p"> 16Wofoi sawaia de weayewia nanai, kaiwasa eha ene inontarai inggira dohonsa bitoya we Yesusi ma. Tuti na kaiwo rabuang boyari kawuru mae Yesusi data inggirafoi kiai tuti niari kaiwasa emaninang wei fosa kiai ebeng. 17Fianai aino Yesusi niari nanai, mai kariri fio nabi Yesayai meduraia fo deyo,</div><div class="q1">&#8220;Andino sodua tane tafanahangfe ne,</div><div class="q2">tuti sodua tane maninangfi ne.&#8221;#Yesayai 53:4</div><div class="s">Todoni ra ria Yesusi fo</div><div class="r">(Lukasi 9:57-62)</div><div class="p"> 18Yesusi deti kaiwasa bitoya paria era ma etoawariri, ampafe medu we ne inontarai ewesuraya mandu fosa demisa we etafai to ruru eneung dowei fo. 19Mayeai mantaunau Kaiwo Musai soi fo manei da wei ma, medu wei deyo, &#8220;Dai Mantaunaune waune, yeo ira ria wau to katai bodoni kontaio dino ro oa fo.&#8221; 20Ampafe Yesusi medu wei deyo, &#8220;Wintumang kamirei rorong nei ne kamirei we wiatai nai, tuti romunei kiai kontaio ne aisangging. Wape Kaisung Inontarai nei ne pari katai we wiatai nayai.&#8221;</div><div class="p"> 21Ainanaya Yesusi ne inontarai da riati manei kontai deyo, &#8220;Daie, boiai yau ira wa kio dai mireha isarai akawuru wo.&#8221; 22Manamo Yesusi deyo, &#8220;Ro ria yau, mae tua mano eroaso yau kaha fosa we esarai mano emarareha fosa ki.&#8221;</div><div class="s">Yesusi deikutu dedukafoi mering</div><div class="r">(Markusi 4:35-41; Lukasi 8:22-25)</div><div class="p"> 23Mayeai Yesusi dautai tuti ne inontarai ewesuraya mandu fosa to wafoi, ainanaya etafai to ruru eneung bo dowei foia. 24Etafaia mairabuang mayeai dedukafoi bia tantuma na rurufoi, andeisafoi dipuo wafoi tuti dutuwia adareti etaisui. Wape Yesusi wiata dena na wa rorongfo. 25Ampafe ne inontaraifosa era wafui ebauni eteyo, &#8220;Daie, boari miai fata tata wo, tanai rai.&#8221;</div><div class="p"> 26Ainanaya Yesusi yoa wesa deyo, &#8220;We fianie mematai nina? Todonie meroasoa kahai nina?&#8221; Mayeai Yesusi doari ayai deikutu wanangfoi tuti andeisafoi, ainanaya rurufoi mering na tantumara.</div><div class="p"> 27Yesusi ne inontarai ewesuraya mandu fosa epapuhung paria we fitantuma nanai. Ampafe emadu wawerasa eteyo, &#8220;Inontarai nini mani mandoni dine, donio sua wanangnei tuti andeisanei mani mering kaririai nina?&#8221;</div><div class="s">Yesusi niari inontarai manduo inggira dohong suru fo suru ubeng</div><div class="r">(Markusi 5:1-20; Lukasi 8:26-39)</div><div class="p"> 28Etafaia sobu ruru eneung dowei foi na Gadara nanai, inontarai inggira dohong suru mandu ura na fafofo we Yesusi ma. Inontaraifo suru umamuna paria, ampafe manei wiro wemambiriu we da kefang suru kaha. 29Ura mae usahu ureyo, &#8220;Allai ne Kaisungne waune boyo nari auru tofino? Wiro rahidane mai kaharai mae, boyo ro ma we ru aiboio auru mung kanggani auru finina e?&#8221;</div><div class="p"> 30Waroi weru katai nani kahai mae, fiai rabuang bei enaya esung na nanai. 31Ampafe inggirafosa etutang Yesusi paria eteyo, &#8220;Boyo bata amea to boriei mani, bemi amea amesuai to fino fiai rabuangfoia.&#8221;</div><div class="p"> 32Ainanaya Yesusi demisa, deyo, &#8220;Mera weruaia!&#8221; Ampafe inggirafosa era to boriei tuti esuai na fiai rabuangfoi. Ainanaya fiaifosa emito beyaria esea na katai kenataterafoi to rurufoi aweu tuti emarareha naya.</div><div class="p"> 33Mano ewaitawang wedua fiai fosa emito to bendarifoia, eteisaharai kariri fianai aino ewatioai kai nanai we kaiwasafoi tuti kariri fianai aino inontarai mandu inggira dohong suru fo suru usodaira fo. 34Ampafe kaiwasa fuba na bendari fosa emito we Yesusia. Ewatioi mani etanggoari paria we da weru ene kataifoi.</div>
 </div>
 </div>
</div>

Yesusi biari na wiwoifoi meufo, kaiwasa bitoya paria era riati. Na nanai inontarai meninang kusta manei da wei ma, tuti disangkapao awebukafo na awerengfo mae medu wei deyo, “Daie, wau wemambiriu ne, maya mani, nari yau yenteng weru nehu maninangnei.”
Ainanaya Yesusi suba warangfoa wa sauwi tuti medu wei deyo, “Yo, imaya. Bonteng to!” Tatofang kutu nanai kontaio maninang kusta foi niai werui tuti dentengna. Ainanaya Yesusi medu wei aha deyo, “Aromuoaifa! Wiro boiriri fi inari ninai weo inontarai siai manei fanai, mae ro to imamifoia tuti butani we deti kariri nemu taraiwai we bontengna wa. Mayeai bohong korbanifeai we Allai we nemu bontengna wa kariri fianai aino Musai soia fo. Nana mani deinawiai we kaiwasa bitoya foi we bonteng ampa.”


Rahida bo Yesusi da wa suai to bendari Kapernaumi fo, inontarai Yahudi kaha manei, i mani inontarai fuba yu rai mamuna Roma fosa manei dine, da wei ma, dutani deyo, “Daie, fata yau wo, nehu womingfoi meninangnao fiaya, wiatai na nehu munufi fo tuti sodai dadira paria.” Yesusi yoa wei deyo, “Yo ambori ira wa inariri denteng ki.” Manamo inontaraifoi yoa wei deyo, “Daie roa fanai, weo imai we yemang we wau na nehu munufoi kaha. Ampafe modu kaiwofeai na waroi teraia, nana mani nehu womingfoi ambori denteng kaririai ki. Weo yau kontai nehu fuba isomi wei manei, tuti iru afai mamuna fea kontai. Ampafe imadu we manei yeyo, ‘Ro,’ nana mani da kaririai, tuti imadu we manei aha yeyo, ‘Ro ma,’ nana mani da kaririai ma. Ete we nehu mangfatafoi yeyo, ‘Nari fininai,’ nana mani niari kaririai. Yeitawanai we Dai Wau tonanai kontai. Fiani aino boyoa mani, kariria rai.”
Yesusi tarao rai mamuna fuba foi medu tonanafo pepuhung paria. Ainanaya medu we mano erariati fosa deyo, “Kei! Inontarai nini andiarana ne. Na inontarai Israeli nesa kiai wiro iwati manei yoaso yau ne fuba kariri tonina kaharai. Yeisaharai we mea yeyo, kaiwasa bitoya ambori era na katai doni kontai na rea diru foi tuti rea aha foi ma, efanduhisa ria Abrahami, Isaki tuti Yakupi we etohong muniara na Allai ne weMananufo ki. Wape inontarai mano katai wemananu nani eneni fosa, ambori Allai sosa to boriei weru ne weMananufo to katai memantiti foi. Na wanai ambori esodai ne karirafo tuti esaia etamirai paria.” Ainanaya Yesusi medu we rai mamuna foi deyo, “Barabera waua, we fianai aino roasoai nanai kaririai ampa.” Na tatofang kutu nanai kontai ne womingfoi dentengna.


Yesusi da wa sobu Petrusi ne munufoi fo, detio Petrusi niong wiwini we meninang rirora wiatai na ne fatafoi. Ampafe Yesusi warawa yu na warangfo, na tatofang kutu nanai kontaio maninangfoi niai weruria. Mayeai wiwingfoi doari ayai wesarawiri we Yesusi.
Wofoi sawaia de weayewia nanai, kaiwasa eha ene inontarai inggira dohonsa bitoya we Yesusi ma. Tuti na kaiwo rabuang boyari kawuru mae Yesusi data inggirafoi kiai tuti niari kaiwasa emaninang wei fosa kiai ebeng. Fianai aino Yesusi niari nanai, mai kariri fio nabi Yesayai meduraia fo deyo,
“Andino sodua tane tafanahangfe ne,
tuti sodua tane maninangfi ne.”


Yesusi deti kaiwasa bitoya paria era ma etoawariri, ampafe medu we ne inontarai ewesuraya mandu fosa demisa we etafai to ruru eneung dowei fo. Mayeai mantaunau Kaiwo Musai soi fo manei da wei ma, medu wei deyo, “Dai Mantaunaune waune, yeo ira ria wau to katai bodoni kontaio dino ro oa fo.” Ampafe Yesusi medu wei deyo, “Wintumang kamirei rorong nei ne kamirei we wiatai nai, tuti romunei kiai kontaio ne aisangging. Wape Kaisung Inontarai nei ne pari katai we wiatai nayai.”
Ainanaya Yesusi ne inontarai da riati manei kontai deyo, “Daie, boiai yau ira wa kio dai mireha isarai akawuru wo.” Manamo Yesusi deyo, “Ro ria yau, mae tua mano eroaso yau kaha fosa we esarai mano emarareha fosa ki.”


Mayeai Yesusi dautai tuti ne inontarai ewesuraya mandu fosa to wafoi, ainanaya etafai to ruru eneung bo dowei foia. Etafaia mairabuang mayeai dedukafoi bia tantuma na rurufoi, andeisafoi dipuo wafoi tuti dutuwia adareti etaisui. Wape Yesusi wiata dena na wa rorongfo. Ampafe ne inontaraifosa era wafui ebauni eteyo, “Daie, boari miai fata tata wo, tanai rai.”
Ainanaya Yesusi yoa wesa deyo, “We fianie mematai nina? Todonie meroasoa kahai nina?” Mayeai Yesusi doari ayai deikutu wanangfoi tuti andeisafoi, ainanaya rurufoi mering na tantumara.
Yesusi ne inontarai ewesuraya mandu fosa epapuhung paria we fitantuma nanai. Ampafe emadu wawerasa eteyo, “Inontarai nini mani mandoni dine, donio sua wanangnei tuti andeisanei mani mering kaririai nina?”


Etafaia sobu ruru eneung dowei foi na Gadara nanai, inontarai inggira dohong suru mandu ura na fafofo we Yesusi ma. Inontaraifo suru umamuna paria, ampafe manei wiro wemambiriu we da kefang suru kaha. Ura mae usahu ureyo, “Allai ne Kaisungne waune boyo nari auru tofino? Wiro rahidane mai kaharai mae, boyo ro ma we ru aiboio auru mung kanggani auru finina e?”
Waroi weru katai nani kahai mae, fiai rabuang bei enaya esung na nanai. Ampafe inggirafosa etutang Yesusi paria eteyo, “Boyo bata amea to boriei mani, bemi amea amesuai to fino fiai rabuangfoia.”
Ainanaya Yesusi demisa, deyo, “Mera weruaia!” Ampafe inggirafosa era to boriei tuti esuai na fiai rabuangfoi. Ainanaya fiaifosa emito beyaria esea na katai kenataterafoi to rurufoi aweu tuti emarareha naya.
Mano ewaitawang wedua fiai fosa emito to bendarifoia, eteisaharai kariri fianai aino ewatioai kai nanai we kaiwasafoi tuti kariri fianai aino inontarai mandu inggira dohong suru fo suru usodaira fo. Ampafe kaiwasa fuba na bendari fosa emito we Yesusia. Ewatioi mani etanggoari paria we da weru ene kataifoi.

Feti si Matiusi 8