INtshumayeli

URute

Esona Sigqibo siKhulu ngoBomi Bakho

UYohane 1, 2 & 3 nekaYuda

uEstere

uRute

Nika uThixo iNdawo yokuQala

Okona kuzixhobisa

INdumiso 119

IMizekeliso

IZIBHALO EZINGCWELE

<div class="version vid281 iso6393xho" data-vid="281" data-iso6393="xho">
 <div class="book bkJHN">
 <div class="chapter ch19" data-usfm="JHN.19.1+JHN.19.2+JHN.19.3+JHN.19.4+JHN.19.5+JHN.19.6+JHN.19.7+JHN.19.8+JHN.19.9+JHN.19.10+JHN.19.11+JHN.19.12+JHN.19.13+JHN.19.14+JHN.19.15+JHN.19.16+JHN.19.17+JHN.19.18+JHN.19.19+JHN.19.20+JHN.19.21+JHN.19.22+JHN.19.23+JHN.19.24+JHN.19.25+JHN.19.26+JHN.19.27">
 <div class="p">1Waza ngoko uPilato wamthabatha uYesu, wamtyakatya. 2Amasoldati, eluke isithsaba ngameva, asibeka phezu kwentloko yakhe, amthi wambu ngengubo ebomvu, 3amana esithi, Aa! Kumkani wamaYuda! ammonxoza.</div><div class="p"> 4Wabuya ngoko waphuma phandle uPilato; athi kubo, Yabonani, ndimzisa phandle kuni, ukuze nazi ukuba andifumani nalinye ityala kuye. 5Waphuma phandle ngoko uYesu, enxibe isithsaba sameva nengubo ebomvu; athi uPilato kubo, Nanko umntu.</div><div class="p"> 6Bathe ngoko, bakumbona ababingeleli abakhulu namadindala, bankqangaza, besithi, Mbethelele emnqamlezweni! Mbethelele emnqamlezweni! Athi kubo uPilato, Mthabatheni nina, nimbethelele emnqamlezweni; kuba mna andifumani tyala kuye. 7Amphendula amaYuda athi, Thina sinomthetho; ngomthetho wethu ke &#250;fanele ukufa, ngokuba ezenze uNyana kaThixo. 8Uthe ngoko uPilato, akuliva elo lizwi, woyika ngakumbi.</div><div class="p"> 9Wabuya wangena endlwini yerhuluneli, wathi kuYesu, Ungowaphi na wena? 10Ke uYesu akamphendulanga. Athi ngoko uPilato kuye, Akuthethi na kum? Akwazi na ukuba ndinegunya lokukubethelela emnqamlezweni, nokuba ndinegunya lokukukhulula? 11Uphendule uYesu wathi, &#217;nge ungenagunya nakanye kum, ukuba ubungalinikwanga livela phezulu; ngenxa yoko, ondinikeleyo kuwe unesono esikhulu ngakumbi. 12Ngenxa yoko wayefuna uPilato ukumkhulula; kodwa amaYuda ayenkqangaza esithi, Ukuba uthe wamkhulula lo, akusihlobo sikaKesare;&#8226; bonke abazenza ukumkani bachasa uKesare.</div><div class="p"> 13Elivile ngoko uPilato eli lizwi, wamzisa phandle uYesu, wahlala esihlalweni sokugweba kwindawo ekuthiwa, siSandlalo saMatye; ke ngesiHebhere yiGabhata. 14Ke kaloku kwakuyimini yokulungiselela ipasika,&#8226; ilixa ke ngathi lilelesithandathu; athi kumaYuda, Nanko uKumkani wenu! 15Ke wona ankqangaza esithi, Susa, susa, mbethelele emnqamlezweni! Athi uPilato kuwo, Ndimbethelele emnqamlezweni na uKumkani wenu? Baphendula ababingeleli abakhulu bathi, Thina asinakumkani ungenguye uKesare. 16Wandula ngoko ukumnikela kubo, ukuze abethelelwe emnqamlezweni.</div><div class="s1">Ukubethelelwa emnqamlezweni</div><div class="r">(UMat. 27:32-56)</div><div class="p"> 17Bamthabatha ke uYesu, bemka naye. Ethwele umnqamlezo wakhe, waphuma waya endaweni ekuthiwa, yeyokakayi, 18ekuthiwa ngesiHebhere yiGologota, apho bambethelela khona emnqamlezweni, nabanye naye abangab&#225;mbi bebabini, ngeenxa zombini, uYesu ke ephakathi.</div><div class="p"> 19Ke kaloku uPilato wabhala nombhalo, wawubeka phezu komnqamlezo. Kwaye ke kubhaliwe kwathiwa: UYESU WASENAZARETE, UKUMKANI WAMAYUDA. 20Loo mbhalo ngoko into eninzi yamaYuda yawulesa; ngokuba indawo, uYesu awayebethelelwe kuyo emnqamlezweni, yayikufuphi nomzi; kwaye ke kubhaliwe ngesiHebhere, nangesiGrike, nangesiRoma. 21Babesithi ngoko kuPilato ababingeleli abakhulu bamaYuda, Musa ukubhala uthi, UKumkani wamaYuda; bhala uthi, Wathi yena, NdinguKumkani wamaYuda. 22Waphendula uPilato wathi, Endikubhalileyo ndikubhalile.</div><div class="p"> 23Athe ngoko amasoldati, xa abembethelele emnqamlezweni uYesu, azithabatha iingubo zakhe, enza izabelo ezin&#233;, laelo isoldati lanesabelo; kwanengubo yangaphantsi. Ke kaloku, ingubo yangaphantsi yabe ingenamthungo; yayilukiwe iphela, ithabathele phezulu. 24Atshono ngoko ukuthi, Masingayikrazuli, masiqashise ngayo ukuba yoba yekabani na; ukuze isibhalo sizaliseke esithi,</div><div class="b"></div><div class="q1">Babelana ngeengubo zam,</div><div class="q1">Benza amaqashiso ngesambatho sam.</div><div class="qr">(INdum. 22:18)</div><div class="b"></div><div class="m">Amasoldati ke ngoko azenza ezi zinto.</div><div class="p"> 25Kwakumi ke ngasemnqamlezweni kaYesu unina, nomsakwabo bonina, uMariya umkaKleyopa, noMariya waseMagadala. 26UYesu ngoko, akumbona unina, naye umfundi abemthanda emi khona, uthi kuye unina, Mfazi, nanko unyana wakho! 27Andule athi kumfundi lowo, Nanko unyoko! Wathi kwakwelo lixa, umfundi lowo wamthabatha, wamsa kwikhaya lakhe.</div><div class="p"> </div>
 </div>
 </div>
</div>

<div class="version vid281 iso6393xho" data-vid="281" data-iso6393="xho">
 <div class="book bkISA">
 <div class="chapter ch22" data-usfm="ISA.22">
 <div class="label">22</div><div class="s1">Ubudenge beYerusalem buyathethiswa</div><div class="p"> 1Isihlabo esisingisele kumfula wombono.</div><div class="p">&#217;kholose ngantoni na kaloku, le nto unyukileyo waya phezu kwezindlu wonke uphela? 2Wena uzeleyo kukungxola, wena mzi uxokozelayo, wena nqaba ivuyelelayo; ababuleweyo bakho ababulawanga likrele, abafanga yimfazwe. 3Bonke abaphathi bakho babaleka kunye, bakhonkxwe kungabangakho saphetha; bonke ab&#225;funyanwa kuwe b&#225;khonkxwa kunye ekubalekeleni kwabo kude.</div><div class="p"> 4Ngenxa yoko ndathi, Susani amehlo kum, ndikwenze kube krakra ukulila kwam; musani ukundizama ngokundithuthuzela ngenxa yokubhuqwa kwentombi yabantu bakowethu. 5Ngokuba ifikelwe ngumhla wokudungwadungwa, wokugqushwa, wokuqungwaqungwa, okuvela kwiNkosi uYehova wemikhosi, emfuleni wombono; umhla wokuwiselwa phantsi iindonga, wokuzibika ezintabeni. 6AmaElam aqubul&#233; umphongolo, eneenqwelo zokulwa ezinamadoda nabamahashe; amaKiri ahlub&#233; iingweletshetshe. 7Zathi ke iintili zakho ezintle zazala ziinqwelo zokulwa, bathi abamahashe bamisa bemisile esangweni.</div><div class="p"> 8Wasibhenqa isigqubuthelo sakwaYuda; waza wena ngaloo mini wabheka esikrweqeni sendlu yehlathi. 9Nazibona iintanda zomzi kaDavide ukuba ninzi, nahlanganisa amanzi echibi lasezantsi; 10izindlu zaseYerusalem nazibala; nazidiliza izindlu, ukuze ninqabise udonga. 11Nenza isigingqi samanzi echibi elidala phakathi kweendonga zombini, &#224;nakhangela kumenzi wale nto, anambeka owayibumbayo kwakudala.</div><div class="p"> 12INkosi, uYehova wemikhosi, ngaloo mini yabizela ekulileni, nasekumbambazeleni, nasekuchebeni intloko, nasekubhinqeni iingubo ezirhwexayo; 13kanti kusuke kwaba yimihlali nemivuyo, kusoselwa iinkomo, kuxhelwa iigusha, kudliwa inyama, kuselwa iwayini; kudliwa, kuselwa, kuba kusithiwa, Ngomso soba sesifile. 14UYehova wemikhosi wazityhila ngokwakhe ezindlebeni zam, wathi, Nento, ukuba nokha nicanyagushelwe obo bugwenxa, nide nife! itsho iNkosi, uYehova wemikhosi.</div><div class="s1">UShebhena uza kuthulwa esihlalweni kumiselwe uEliyakim</div><div class="p"> 15Yatsho iNkosi, uYehova wemikhosi, ukuthi, Hamba uye kwelaa gosa, kuShebhena umphathi wendlu, uthi, 16&#217;nantoni na apha, unabani na apha, ukuba nje uzixholele ingcwaba apha, njengoxhola ingcwaba lakhe phezulu, ezikrolela ikhaya engxondorheni? 17Yabona, uYehova uya kukudandalazisa ngokudandalazisa kwendoda, akuxhakamfule, akuqinise. 18&#218;ya kukuth&#225;ndela akuthandele, ube yinto yokunqakulisa, imbumbulu esinga ezweni elibanzi ngeenxa zombini. &#217;ya kufela apho, zibe lapho iinqwelo zobuqaqawuli bakho, wena, hlazo lendlu yenkosi yakho. 19Ndokuguzula usuke ebugoseni bakho, akugungxule ebumeni bakho.</div><div class="p"> 20Kuya kuthi ngaloo mini, ndibize umkhonzi wam, uEliyakim unyana kaHilekiya; 21ndimambathise iingubo zakho zangaphantsi, ndimbophe ngombhinqo wakho, ndimnikele esandleni ulawulo lwakho, abe nguyise wabemi baseYerusalem nowabendlu kaYuda. 22Ndiya kusibeka isitshixo sendlu kaDavide esixhantini sakhe, avule kungabikho uvalayo, avale kungabikho uvulayo; 23ndimbethelele abe sisikhonkwane endaweni eqinileyo; abe yitrone yozuko kwindlu kayise.</div><div class="p"> 24Baya kubuxhoma kuye bonke ubunzima bendlu kayise, amagatya neempakatha, yonke impahla encinane, kuthabathele empahleni ezizidendeleko, kuse empahleni yonke eyimiphanda. 25Ngaloo mini, utsho uYehova wemikhosi, s&#237;ya kususwa isikhonkwane, eso sibethelelwe endaweni eqinileyo, sixakaxwe, siwe, unqanyulwe umthwalo ophezu kwaso; ngokuba uYehova ethethile.</div>
 </div>
 </div>
</div>

<div class="version vid281 iso6393xho" data-vid="281" data-iso6393="xho">
 <div class="book bkISA">
 <div class="chapter ch23" data-usfm="ISA.23">
 <div class="label">23</div><div class="s1">Okuya kuhlela iTire</div><div class="p"> 1Isihlabo esisingisele kwiTire.</div><div class="p">Bhombolozani, nina zinqanawa zaseTarshishe, ngokuba ibhuqiwe, akwabakho ndlu, akwabakho kungena. Bakutyhilelwe ezweni lamaKiti. 2Yithini cwaka, bemi bonxweme; wena uzaliswe ngabarhwebi baseTsidon, abawela ulwandle. 3Yayisemanzini amakhulu imbewu yaseSihore, ukuvuna koMnayile kwaba lungeniselo kuyo; yaba yindawo yokurhweba kweentlanga. 4Dana, Tsidon; kuba luthethile ulwandle, inqaba yolwandle, lwathi, Andizibhijabhijanga, andizalanga, andikhulisanga mlisela, andondlanga mthinjana. 5Lothi lwakuthi ukuthi ukufika olu daba eYiputa, basuke bazibhijabhije ngodaba olungeTire.</div><div class="p"> 6Welelani niye eTarshishe; bhombolozani, bemi bonxwene. 7Kunje na kuwe, wena mvuyeleli, ukuvela kwakho kukho kwasemihleni yamandulo, iinyawo zakho zakusa kude, ukuba uye kuthi vu? 8Ngubani na lo ucebe le nto ngeTire, ngomzi othwesa ngezithsaba, obarhwebi bawo bangabathetheli, obathengeli bawo bangabazukileyo behlabathi? 9Icetyw&#233; nguYehova wemikhosi, ukuba angcolise ubungangamsha bamakhazikhazi onke, ukuba acukuceze bonke abazukileyo behlabathi.</div><div class="p"> 10Canda kulo ilizwe lakowenu njengoMnayile, ntombi inguTarshishe; akusekho luqhwemesha lukuxinileyo. 11Isandla sakhe usolul&#233;le phezu kolwandle, ugungqis&#233; izikumkani. UYehova uwise umthetho ngelakwaKanan wokutshabalalisa iinqaba zalo. 12Wathi, Akuyi kuba sabuya udlamke, nkazana idlwengulweyo, ntombi inguTsidon. Suk' ume, welela kumaKiti; nalapho akuyi kuba nakuphumla. 13Yabona, ilizwe lamaKaledi, ngabantu ababengekho; ama-Asiriya &#225;bamisela ukuba babe ngabomqwebedu; bamisa iimboniselo zabo, bezinqika iingxande zalo ezinde, bezenza umwewe. 14Bhombolozani, zinqanawa zaseTarshishe, ngokuba ibhuqiwe inqaba yenu.</div><div class="p"> 15Kuya kuthi ngaloo mini, ilityalwe iTire iminyaka engamashumi asixhenxe, njengemihla yokumkani omnye. Ekupheleni kweminyaka engamashumi asixhenxe kuya kwenzeka kwiTire ngokwengoma yehenyukazi, ethi, 16Thabatha uhadi uwujikajike umzi, henyukazi lilityelweyo; betha kamnandi; vuma iingoma ezininzi, ukuze ukhunjulwe.</div><div class="p"> 17Kuya kuthi ekupheleni kweminyaka emashumi asixhenxe, ayivelele iTire uYehova, ibuyele elutsheqweni lwayo, ihenyuzane nezikumkani zonke zehlabathi eziphezu komhlaba; 18lube ngcwele kuYehova urhwebo lwayo notsheqo lwayo; aluyi kubekwa, aluyi kuqwetywa; kuba urhwebo lwayo luya kuba lolwabahleli phambi koYehova, ukuze badle bahluthe, nokuze bambathe ngokobunene.</div>
 </div>
 </div>
</div>

<div class="version vid281 iso6393xho" data-vid="281" data-iso6393="xho">
 <div class="book bkISA">
 <div class="chapter ch24" data-usfm="ISA.24">
 <div class="label">24</div><div class="s1">Ihlabathi liyagwetywa</div><div class="p"> 1Yabona uYehova ulithi qongqololo ihlabathi, ulenza amagqagala, uyabuphethula ubuso balo, uyabachithachitha abemi balo; 2kube mfani-nye abantu nababingeleli, kube mfani-nye ikhoboka nenkosi yalo, kube mfani-nye ikhobokazana nenkosikazi yalo, kube mfani-nye othengayo nothengisayo, kube mfani-nye obolekayo nobolekwayo, 3kube mfani-nye umnikimali nomamkelimali. Ihlabathi lithiw&#233; qongqololo ngakunye, liphangw&#233; liphangiwe; kuba uYehova elithethile elo lizwi. 4Ihlabathi lenza isijwili, libunile; lintshwenyile, libunile elimiweyo; bathe matshamatsha abaphakamileyo ebantwini behlabathi. 5Ihlabathi lihlanjelwe ngaphantsi kwabemi balo; ngokokuba beyigqithile imiyalelo, badlula emimiselweni, bawaphula umnqophiso ongunaphakade.</div><div class="p"> 6Ngenxa yoko lidliwe ihlabathi kukuqalekiswa, bathwele ityala abemiyo kulo; ngenxa yoko baphanzile abemi behlabathi, kwasala abantu abambalwa. 7Iwayini entsha yenza isijwili, untshwenyile umdiliya, bayancwina bonke abantliziyo inemivuyo. 8Iphelile imihlali yengqongqo; iyekile ingxokozelo yabadlamkileyo; iphelile imihlali yohadi. 9Abayi kusela wayini benengoma; sikrakra isiselo esinxilisayo kwabasiselayo. 10Uqhekekile umzi osenyanyeni, zivalekile zonke izindlu ukuba zing&#224;ngenwa mntu. 11Bakhala ngewayini phandle; itshonile yonke imivuyo; iphel&#233; kwathi tu imihlali yehlabathi. 12Umzi usele walinxuwa, laqotywa isango layimvithi.</div><div class="p"> 13Kuba kuya kuba nje esazulwini sehlabathi lonke phakathi kwezizwe, kube njengasekuvuthululweni komnquma, njengasekubhikiceni ukuphela kokuvuna iidiliya. 14Bona aba baya kuphakamisa ilizwi, bamemelele; baya kutsholoza ngobungangamsha bukaYehova, beselwandle, bathi, 15Ngenxa yoko, kuzisani uYehova emimandleni yokukhanya: igama likaYehova, uThixo kaSirayeli, eziqithini zolwandle.</div><div class="p"> 16Esondweni lehlabathi siva iingoma ezithi, Udumo malube kwilungisa. Ndaza ndathi, Hayi, ukungcungcutheka kwam! ukungcungcutheka kwam! Athi ke mna! Amanginingini ayanginiza, amanginingini ayanginiza ngonginizo lwawo. 17&#217;fikelwe lunkwantyo nomgongxo nesibatha, wena mmi wehlabathi. 18Kuya kuthi, othe walibaleka ilizwi elinkwantyisayo, eyele emgongxweni; othe wenyuka waphuma emgongxweni, abanjiswe sisibatha; ngokuba iingcango zaphezulu zivulekile, zanyikima iziseko zehlabathi. 19Liyavikiveka livikiveke ihlabathi; liyacandeka licandeke ihlabathi; liyashukuma lishukume ihlabathi; liyatalasa ihlaathi njengenxila; 20liyajinga njengomandlalo oxhonyiweyo; ukreqo lwalo lunzima phezu kwalo; liyawa, lingabuyi livuke.</div><div class="p"> 21Kuya kuthi ngaloo mini, awuvulele uYehova umkhosi wabaphezulu, nokumkani behlabathi ehlabathini; 22bahlanganiswe bahlanganiswa njengamakhonkxwa emhadini, bavalelwe entolongweni, bavelelwe kwakuba yimihla emininzi. 23Iya kuba neentloni inyanga, lidane ilanga, xa uYehova wemikhosi angukumkani entabeni yeZiyon, naseYerusalem, naphambi kwamadoda akhe amakhulu, ngobuqaqawuli.</div>
 </div>
 </div>
</div>

<div class="version vid281 iso6393xho" data-vid="281" data-iso6393="xho">
 <div class="book bkISA">
 <div class="chapter ch25" data-usfm="ISA.25">
 <div class="label">25</div><div class="s1">Umhobe wokuhlangulwa kweZiyon</div><div class="p"> 1Yehova, unguThixo wam; ndiya kukuphakamisa, ndiya kubulela kwigama lakho; ngokuba wenz&#233; imisebenzi ebalulekileyo, amacebo akho kwakude, ukunyaniseka, inyaniso. 2Ngokuba umzi uwenz&#233; walinxuwa; inqaba enqatyisiweyo yangumwewe; uxande olude lwabasemzini alwaba mzi, ung&#224;khiwa naphakade. 3Ngenxa yoko baya kukuzukisa abantu abanengcwangu, ikoyike imizi yeentlanga ezingcangcazelisayo. 4Ngokuba waba ligwiba kwisisweli, igwiba kwihlwempu ekubandezelweni kwalo, ihlathi esiphangweni, umthunzi lakubalela, xa ukufutha kwabangcangcazelisayo kwaba njengesiphango eludongeni. 5Njengokubalela emqwebedwini, udambis&#233; ingxolo yabasemzini; njengokudanjiswa kokubalela lithunzi lelifu, yathotywa ngokunjalo ingoma yabangcangcazelisayo.</div><div class="p"> 6UYehova wemikhosi uya kuzenzela zonke izizwe isidlo sezinto ezityebileyo kule ntaba, isidlo sewayini egcinwe ngeentsipho, sezinto ezityebileyo ezinomongo, sewayini egcinwe ngeentsipho, yaza yahluzwa; 7aginye kule ntaba umphambili wesigqubuthelo esizigqubutheleyo izizwe zonke, nesigubungelo esizigubungeleyo zonke iintlanga. 8Iya kuginya ukufa kuphele, izisule iNkosi uYehova iinyembezi ebusweni bonke, ingcikivo yabantu bayo iyisuse ehlabathini lonke, kuba uYehova ethethile.</div><div class="p"> 9Kuya kuthiwa ngaloo mini, Yabona, lo nguThixo wethu; besithembele kuye, ukuba asisindise; nguYehova lo besithembele kuye; masigcobe, sivuye ngosindiso lwakhe. 10Ngokuba isandla sikaYehova siya kuhlala phezu kwale ntaba, anyathelwe amaMowabhi endaweni yawo, njengokunyathelwa komququ emanzini omgquba. 11Aya kuzaneka izandla zawo emthonyameni wawo, njengokuba indadi izaneka izandla ukuba idade; ke uYehova uya kulithoba ikratshi lawo, kunye nezigcaliselo zezandla zawo. 12Wozisibekekisa iindonga zakho ezinqabileyo eziphakamileyo, azigungxule, ade azifikise emhlabeni, eluthulini.</div>
 </div>
 </div>
</div>

Isicwangciso sokuFunda soHlaziyoIsampulu

IsiBhalo

Malunga nesi Sicwangciso

Izicwangciso eziyeleleneyo