IMIZEKELISO 2:1-22
IMIZEKELISO 2:1-22 IBHAYIBHILE (XHO96)
Mfo wam, wathathele ingqalelo amazwi am, ungaze uyishiye imiyalelo yam. Ewe, bubazele iindlebe ubulumko, nentliziyo yakho uyilahlele ekwazini. Kubizele kuwe ukuqiqa, uliphakamisele ilizwi lakho ekuqondeni. Ubulumko buzingele njengesiliva, ubufune njengobutyebi obombelweyo. Ukuba uyenzile loo nto uya kukuqonda into okuyiyo ukuthobela *uNdikhoyo, utsho ufikelele ekumazini uThixo. Kaloku nguNdikhoyo onika ubulumko; luphuma emlonyeni wakhe ulwazi nokuqonda. Abo bathembekileyo ubathululela ingqiqo, aze abe likhaka lâbo banyanisekileyo. Uhlala eyalusa indlela yamalungisa, aze abakhusele kwihambo yabo âbo banyanisekileyo kuye. Ukuba uyandiphulaphula uya kuba nako ukubuqonda ubulungisa, ukwazi okufanelekileyo nokulungileyo. Ewe, uya kutsho uyazi yonke indlela ethe ngqo. Kaloku ubulumko buya kuhlala entliziyweni yakho, umphefumlo wakho uchwayite lulwazi. Ukuba neembono eziphangaleleyo kuya kukugcina; ukuqonda kuya kukukhusela, utsho ukhwebuke ekwenzeni izinto ezigwenxa, usinde kubantu abaphembelela iinkathazo – nditsho asebazilahlayo iindlela ezithe ngqo, asebehamba ngeendlela zobumnyama. Abo ke bangabantu abavuyayo xa besenza into embi, abayichwayitelayo imikhwa ephuthileyo yobubi. Ewe, aba bantu ngamaqhophololo; iindlela zabo zingamagoso-goso. Ngenene uya kutsho usinde kumfazi ongakwaziyo ukuziphatha, umfazi wasemzini omazwi alalanisayo. Nditsho lowo ungathembekanga nasendodeni awazimanya nayo kwasebutsheni bakhe, ongawukhathalelanga nomnqophiso awawenza phambi koThixo wakhe. Kaloku indlela eya emzini wakhe iya ekufeni, nabo bonke ke abahamba ngayo basinga kwelabafileyo. Ewe, kuloo mzi wakhe akuyi lubuyayo; uthi umntu angangena khona angaze aphinde ayifumane indlela yobomi. Ngoko ke hamba ekhondweni labantu abalungileyo, uziphathe ngeendlela zamalungisa. Kaloku ngabantu abanyanisekileyo abaya kuma kweli lizwe; ewe, ngâbo bamsulwa abaya kuhlala behleli kulo. Ke bona abantu abakhohlakeleyo baya kunqanyulwa elizweni; abo bangamatshijolo baya kuncothulwa kulo.
IMIZEKELISO 2:1-22 IZIBHALO EZINGCWELE (XHO75)
Nyana wam, ukuba uthe wazamkela iintetho zam, Wayiqwebela kuwe imithetho yam, Ukuze uyibazele ubulumko indlebe yakho, Uyithobele ukuqonda intliziyo yakho; Ewe, ukuba uthe wayibiza ingqondo, Walisa ekuqondeni ilizwi lakho; Ukuba uthe wabufuna njengesilivere, Wabumba njengobutyebi obuselelweyo: Ùya kwandula ukukuqonda ukoyika uYehova, Ukufumane ukumazi uThixo, Ngokuba uYehova upha ubulumko; Emlonyeni wakhe kuphuma ukwazi nokuqonda. Ubaqwebela uzimaso abathe tye, Uyingweletshetshe kwabahamba ngengqibelelo, Ukuze alondoloze umendo wesiko, Agcine nendlela yabakhe benceba. Ùya kwandula uqonde ubulungisa, Nesiko, nokuthe tye, nayo yonke imikhondo yokulungileyo; Kuba ubulumko buya kungena entliziyweni yakho, Ukwâzi kwenze mnandi umphefumlo wakho. Ukunkqangiyela kókugcina, Ukuqonda kókulondoloza; Ukuba kukuhlàngule endleleni embi, Kubantu abathetha impenduka; Kwabashiya umendo wokuthe tye, Ukuze bahambe ngeendlela zobumnyama; Kwabavuyela ukwenza ububi, Bagcobe ngeempenduka zabenza ububi; Abamendo ujibilizayo, Abathi gu bucala ngemikhondo yabo; Ukuze uhlangulwe kumkamntu, Kowolunye uhlanga, ontetho yakhe igudileyo; Lowo ushiya ikholwane lobutsha bakhe, Awulibale umnqophiso woThixo wakhe. Kuba útshona ekufeni nendlu yakhe, Nemikhondo yakhe itshonela kwabangasekhoyo; Bonke abangénayo kuye ababuyi, Abafiki kumendo wobomi: Ukuze uhambe ngendlela yabalungilyo, Ugcine umendo wamalungisa. Ngokuba abathe tye baya kulíma ilizwe, Basale kulo abagqibeleleyo, Banqunyùlwe ezweni abangendawo, Abanginizayo bancothulwe kulo.
IMIZEKELISO 2:1-22 IZIBHALO EZINGCWELE (XHO75)
Nyana wam, ukuba uthe wazamkela iintetho zam, Wayiqwebela kuwe imithetho yam, Ukuze uyibazele ubulumko indlebe yakho, Uyithobele ukuqonda intliziyo yakho; Ewe, ukuba uthe wayibiza ingqondo, Walisa ekuqondeni ilizwi lakho; Ukuba uthe wabufuna njengesilivere, Wabumba njengobutyebi obuselelweyo: Ùya kwandula ukukuqonda ukoyika uYehova, Ukufumane ukumazi uThixo, Ngokuba uYehova upha ubulumko; Emlonyeni wakhe kuphuma ukwazi nokuqonda. Ubaqwebela uzimaso abathe tye, Uyingweletshetshe kwabahamba ngengqibelelo, Ukuze alondoloze umendo wesiko, Agcine nendlela yabakhe benceba. Ùya kwandula uqonde ubulungisa, Nesiko, nokuthe tye, nayo yonke imikhondo yokulungileyo; Kuba ubulumko buya kungena entliziyweni yakho, Ukwâzi kwenze mnandi umphefumlo wakho. Ukunkqangiyela kókugcina, Ukuqonda kókulondoloza; Ukuba kukuhlàngule endleleni embi, Kubantu abathetha impenduka; Kwabashiya umendo wokuthe tye, Ukuze bahambe ngeendlela zobumnyama; Kwabavuyela ukwenza ububi, Bagcobe ngeempenduka zabenza ububi; Abamendo ujibilizayo, Abathi gu bucala ngemikhondo yabo; Ukuze uhlangulwe kumkamntu, Kowolunye uhlanga, ontetho yakhe igudileyo; Lowo ushiya ikholwane lobutsha bakhe, Awulibale umnqophiso woThixo wakhe. Kuba útshona ekufeni nendlu yakhe, Nemikhondo yakhe itshonela kwabangasekhoyo; Bonke abangénayo kuye ababuyi, Abafiki kumendo wobomi: Ukuze uhambe ngendlela yabalungilyo, Ugcine umendo wamalungisa. Ngokuba abathe tye baya kulíma ilizwe, Basale kulo abagqibeleleyo, Banqunyùlwe ezweni abangendawo, Abanginizayo bancothulwe kulo.
IMIZEKELISO 2:1-22 IBHAYIBHILE (XHO96)
Mfo wam, wathathele ingqalelo amazwi am, ungaze uyishiye imiyalelo yam. Ewe, bubazele iindlebe ubulumko, nentliziyo yakho uyilahlele ekwazini. Kubizele kuwe ukuqiqa, uliphakamisele ilizwi lakho ekuqondeni. Ubulumko buzingele njengesiliva, ubufune njengobutyebi obombelweyo. Ukuba uyenzile loo nto uya kukuqonda into okuyiyo ukuthobela *uNdikhoyo, utsho ufikelele ekumazini uThixo. Kaloku nguNdikhoyo onika ubulumko; luphuma emlonyeni wakhe ulwazi nokuqonda. Abo bathembekileyo ubathululela ingqiqo, aze abe likhaka lâbo banyanisekileyo. Uhlala eyalusa indlela yamalungisa, aze abakhusele kwihambo yabo âbo banyanisekileyo kuye. Ukuba uyandiphulaphula uya kuba nako ukubuqonda ubulungisa, ukwazi okufanelekileyo nokulungileyo. Ewe, uya kutsho uyazi yonke indlela ethe ngqo. Kaloku ubulumko buya kuhlala entliziyweni yakho, umphefumlo wakho uchwayite lulwazi. Ukuba neembono eziphangaleleyo kuya kukugcina; ukuqonda kuya kukukhusela, utsho ukhwebuke ekwenzeni izinto ezigwenxa, usinde kubantu abaphembelela iinkathazo – nditsho asebazilahlayo iindlela ezithe ngqo, asebehamba ngeendlela zobumnyama. Abo ke bangabantu abavuyayo xa besenza into embi, abayichwayitelayo imikhwa ephuthileyo yobubi. Ewe, aba bantu ngamaqhophololo; iindlela zabo zingamagoso-goso. Ngenene uya kutsho usinde kumfazi ongakwaziyo ukuziphatha, umfazi wasemzini omazwi alalanisayo. Nditsho lowo ungathembekanga nasendodeni awazimanya nayo kwasebutsheni bakhe, ongawukhathalelanga nomnqophiso awawenza phambi koThixo wakhe. Kaloku indlela eya emzini wakhe iya ekufeni, nabo bonke ke abahamba ngayo basinga kwelabafileyo. Ewe, kuloo mzi wakhe akuyi lubuyayo; uthi umntu angangena khona angaze aphinde ayifumane indlela yobomi. Ngoko ke hamba ekhondweni labantu abalungileyo, uziphathe ngeendlela zamalungisa. Kaloku ngabantu abanyanisekileyo abaya kuma kweli lizwe; ewe, ngâbo bamsulwa abaya kuhlala behleli kulo. Ke bona abantu abakhohlakeleyo baya kunqanyulwa elizweni; abo bangamatshijolo baya kuncothulwa kulo.
IMIZEKELISO 2:1-22 Contemporary Xhosa Bible 2024 (CXB24)
Nyana wam, ukuba uthe wawamkela amazwi am, Wayifihla imimiselo yam; ukuze uyithobele ubulumko indlebe yakho, uyiguqulele ekuqondeni intliziyo yakho; Ewe, ukuba uthe wabiza ukwazi, walisa ekuqondeni ilizwi lakho; Ukuba ubufuna njengesilivere, yaye ubufuna njengobuncwane obufihliweyo; Uya kwandula ukukuqonda ukoyika uYehova, ukuqonde uThixo. Ngokuba uYehova upha ubulumko; emlonyeni wakhe kuphuma ukwazi nokuqonda. Uwagcinela amalungisa ubulumko; Ndiyingweletshetshe kwabahamba ngobulungisa. Ugcina umendo wobulungisa, Ayigcine indlela yabakhe benceba. Apho uya kukuqonda okusesikweni, nesiko, nesidima; ewe, nayiphi na indlela ilungile. Ubulumko buya kungena entliziyweni yakho, ukwazi yikholise umphefumlo wakho; Iingcinga zokusindisa, ukuqonda kokusindisa. Ukuba kukuhlangule emendweni wobubi, nakumntu othetha okubi; abatyekayo emendweni wobulungisa, bahamba ngeendlela zobumnyama; abavuyela ukwenza ububi, bagcobe ngobuxoki bongendawo; abandlela zigoso-goso, abo batyekayo ezindleleni zabo; Ukuba uhlangulwe kumkamntu, Kowolunye uhlanga, ovakalisa ilizwi lakhe; oshiya iqabane lobutsha bakhe aze awulibale umnqophiso kaThixo wakhe. Kuba indlu yakhe isingise ekufeni, Neendlela zakhe zisingise ekufeni. Akukho namnye oya kuye angabuyi, kwaye akayi kuzibamba iindlela zobomi. Ukuze uhambe ngomendo wamalungisa, Ugcine umendo wamalungisa. Ngokuba amalungisa aya kuhlala emhlabeni, amalungisa aya kuhlala kuwo. Ke bona abangendawo baya kunqunyulwa emhlabeni, nabangendawo banqunyulwe kulo.
IMIZEKELISO 2:1-22 Incwadi Yeziba̔lo Ezingcwele 1864, 1902 (Xhosa Appleyard) (XHO1902A)
NYANA wam! ukuba uya kwamkela iziteto zam, uyibekele kuwe nemiyalelo yam; ukuze unikele indlebe yako ebulumkweni, utobele intliziyo yako ekuqondeni; ewe, ukuba uya kubiza ingqondo, upakamisele ilizwi lako ingqiqo; ukuba uya kubufuna njengesilivere, ubupengulule njengendyebo eziselelweyo; uya kwandul’ ukuqonda ukwoyikwa KUKAYEHOVA, ufumane ukwaziwa KUKATIXO. Ngokuba UYEHOVA esipa ubulumko; ukwazi nokuqonda kuvela emlonyeni wake. Uyabekelela abalungileyo usizo; ulikaka kwabalungisa ukuhamba kwabo: aze alinde indlela zobugwebo, agcine umendo wabangcwele bake. Uya kwandul’ ukuqonda ubulungisa, nobugwebo, nolungelelwano, — yonke imikwa elungileyo. Okuya ubulumko buya kungena entliziyweni yako, nokwazi kuya kuba mnandi empefumlweni wako; intelekeleliso yokugcina, ingqiqo yokulinda: ukuba usindiswe endleleni yokohlakeleyo, nasemntwini oteta izinto zobumenemene; abashiya indlela zokulunga, ukuze bahambe ezindleleni zobumnyama; abavuyela ukwenza inkohlakalo; abagcoba ngobumenemene bokohlakeleyo; abandlela zigwenxa, benokanda emikweni yabo: ukuba usindiswe kuye umfazi wasemzini, kulowo ungaziwayo, ozenza butelezi iziteto zake; oshiyayo umhlobo wobutsha bake, alibale ucebano LWOTIXO wake. Ngokuba indlu yake itshonela ekufeni, nendlela zake kubafileyo. Bonke abangenayo kuye abayi kubuya; abayi kufumana indlela zobomi kanjako. Ukuze uhambe endleleni yabalungileyo, nendlela zabalungisayo uzigcine. Ngokuba abayinene beya kuma umhlaba, nabafezekileyo beya kusala kuwo. Kodwa abakohlakeleyo baya kunqanyulwa emhlabeni, nabenzayo ngobuxoki baya kudonyulwa kuwo.