Abagwebi 19
19
1KWABEKUTE ngalomihla, nxa bekungeko ukumkani kwa‐Sirayeli, kwaye kuko indoda engum‐Levi ihlala njengowasemzini emacaleni entaba yakwa‐Frayime, eyazeka umfazi olishweshwe e‐Beteleheme‐juda. 2Lada ishweshwe layo lahlukana nayo ngombulo, lemka kuyo laya endlwini yoyise walo, e‐Beteleheme‐juda, apo laliko kona ixesha elizinyanga ezine.
3Yandula yesuka indoda yalo, yaliputuma, ize itete entliziyweni yalo, ilibuyise, inomfana wayo kunye nayo, nesibini samaqwaṙashe: laza layingenisa endlwini yoyise walo: wati uyise wenkazana akuyibona, wavuya ukuhlangana nayo. 4Waza usomfazi wayo, uyise wenkazana, wayibambezela; yandula yahlala naye imihla yamitatu: badla, basela, balalisa kona. 5Kwaye kute ngomhla wesine, bakuvuka kusasa, yaselisuka ukuba ihambe; koko wati uyise wenkazana kumyeni wake: Xasa intliziyo yako ngomtamo wesonka, niti kamva nihambe. 6Bahlala pantsi ke, badla bobabini ndawonye, basela nokusela. Wandula wati uyise wenkazana endodeni: Kauvume ke, ulalise, iti intliziyo yako icwayite. 7Kodwa yesuka indoda ukuba ihambe: waza usomfazi wayo wayiqu̔ba; ngako yabuya yalalisa kona. 8Yati yakusuka kusasa ngomhla wesihlanu ukuba ihambe, wandula uyise wenkazana wati: Zuxase ke intliziyo yako. Baza bazilazila kwada kwakukumka kwemini, badla bobabini ndawonye. 9Yandula yesuka indoda ukuba ihambe, yona, neshweshwe layo, nomfana wayo; koko usomfazi wayo, uyise wenkazana, wati kuyo: Bona ke, imini iza kufa, kuza kuhlwa nje, kaulalise; bona ke, imini selisangana, lalisa apa, iti intliziyo yako icwayite; nize nivuke kusasa ngomso ukuya ngendlela yenu, uhambele ententeni yako. 10Kodwa indoda ibingavumi ukulalisa apo, koko yesuka yemka, yaya kwada kwamalungana ne‐Yebusi, eyi‐Yerusaleme: sasinayo isibini samaqwaṙashe enezidwashu; ishweshwe layo nalo belinayo.
11Xeshekweni bebengase‐Yebusi, imini ibisangene kakulu; waza wati umfana kuyo inkosi yake: Zuhambe ke, sipambukele kwesisixeko sama‐Yebusi, silalise kuso. 12Kodwa inkosi yake yati kuye: Asiyi kupambukela apa, kwisixeko solunye uhlanga, esingesesosapo luka‐Sirayeli; sesiya kudlula siye e‐Gibeha. 13Yalekela yati kuye umfana wayo: Hamba, sisondele kwenye yezindawo, silalise e‐Gibeha, umhlaumbi e‐Rama. 14Badlula ke, bahamba; lati ilanga labatshonela ngase‐Gibeha, eyakwa‐Benjamine. 15Baza bapambukela kona, ukuba bangene balalise e‐Gibeha: yati yakungena, yahlala pantsi esitarateni sesixeko; ngokuba bekungeko umntu owabamkela endlwini yake, kulaliswe.
16Kekaloku bona ke, yafika indoda endala ivela emsebenzini wayo entsimini ngokuhlwa, ebiyindoda yasentabeni yakwa‐Frayime nayo, ebihlala njengowasemzini e‐Gibeha; kodwa amadoda alomzi ebengama‐Benjamine. 17Yati yakupakamisa amehlo ayo, yabona londoda ingumhambi esitarateni sesixeko; yaza yati indoda endala: Uhambela ngapina? uvela pina? 18Yayisiti kuyo: Siyadlula tina sivela e‐Beteleheme‐juda ukuya emacaleni entaba yakwa‐Frayime, endivela kona; kendahambela e‐Beteleheme‐juda; kodwa ngoku ndihambela kuyo indlu kayehova; kanti akuko mntu ondamkelayo endlwini. 19Noko kuko nenca nokutya emaqwaṙasheni etu; kuko kanjalo isonka neveyine nakum, nakuso isicakakazi sako, nakuye umfana okunye nezicaka zako: akuko ukusweleka kwenye into. 20Yandula indoda endala yati kuyo: Uxolo malube kuwe! kodwa konke ukuswela kwako makube pezu kwam; kupela ungalalisi esitarateni. 21Yaza yayingenisa endlwini yayo, yanika amaqwaṙashe ukutya: baza bahlamba inyawo zabo, badla basela nokusela.
22Nza babecwayitisa intliziyo zabo, bona ke, amadoda esosixeko, amadoda alusapo lwobunginingini, aṙaula londlu, aqongqota elucangweni, atsho kuyo indoda endala, inkosi yalondlu, ukuti: Yipumise londoda ebingenile endlwini yako, ukuze siyazi. 23Yaza londoda, inkosi yalondlu, yapumela kuwo, yati kuwo: Hai, bazalwana bam! keningenzi ngokukohlakeleyo; emveni kwokuba lendoda ingenile endlwini yam, ningenzi lento ehlazekileyo. 24Nantsi ke intombi yam, eyintombi ipela, neshweshwe layo; mandikupe ke bona, nize nibatobe, nenze kubo oko kulungileyo emehlweni enu; kodwa lendoda ningenzi kuyo into ehlazekileyo kangaka. 25Kodwa amadoda lawo ebengavumi ukupulapula kuyo: yasuka indoda yabamba ishweshwe layo, yalikupela kuwo pandle; aza alazi, alona bonke ubusuku kwada kwasa, aliyeka ekupumeni kwesifingo.
26Wandula weza umfazi lowo kwakuza kusa, wawa pantsi emnyango wendlu yalondoda, apo inkosi yake ibikona, kwada kwakanya. 27Yati inkosi yake yesuka kusasa, yavula ingcango zendlu, yapuma ukuya kuhamba ngendlela yayo: kekaloku nanku umfazi, ishweshwe layo, elele pantsi emnyango wendlu, nezandla zake zipezu kwombundu. 28Yayisiti kuye: Suka, sihambe. Kodwa bekungeko opendulayo. Yaza yamtabata, yambeka pezu kweqwaṙashe; yaselisuka londoda yahambela endaweni yayo.
29Yati yakufika endlwini yayo, yatabata isitshetshe, yabamba ishweshwe layo, yalihlahla kunye namatambo alo libe ziziqendu ezilishumi linezibini, yalituma kuyo yonke imida yakwa‐Sirayeli. 30Kwaye kute, bonke ababebona, bati: Akungabangako, akungabonwanga kanjako, okunjalo, kwa semhleni wokunyuka kwosapo luka‐Sirayeli ezweni le‐Jipete, kwada kwanamhla nje; kubekeleni intliziyo zenu, nikani icebo, nitete!
Currently Selected:
Abagwebi 19: XHO1902A
Qaqambisa
Share
Copy
Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena
Published by the British and Foreign Bible Society in 1902.