پېدايښت ‮پېژندګلو‬

پېژندګلو

تورات شريف د پينځو کتابونو مجموعه ده، او پېدايښت د تورات شريف اولنے کِتاب دے چې د حضرت موسىٰ عليه السلام په وسيله ليکلے شوے دے. هر څوک غواړى چې په دې موضوع خپل ځان پوهه کړى چې دې دُنيا ته د کوم ځائ نه راغلے دے او څنګه پېدا شوے دے. نو دا موضوع د پېدايښت په کِتاب کښې بيان شوې ده. په دې کِتاب کښې مونږ ګورو چې خُدائ پاک خالِق او مالِک دے، او دا هر څۀ چې موجود دى دا هم هغۀ پېدا کړى دى. هغۀ انسان اشرف‌المخلوقات پېدا کړو د دې مقصد دپاره چې د عبادت په ذريعه د هغۀ سره تعلق جوړ کړى. مونږ ته د پېدايښت کِتاب دا هم را په ګوته کوى چې انسان څنګه په ګناه، مرګ او په مصيبت کښې راګېر شو او دا هم چې خُدائ پاک حضرت اِبراهيم او د هغۀ اولاد سره دا لوظ وکړو چې خپله د خلاصون منصوبه ورته څرګنده کړى. په کِتاب مقدس يعنې په دې آسمانى کِتاب کښې مشهورې قيصې ذکر شوې دى چې شروع يې د حضرت آدم عليه السلام او بى‌بى حوا، حضرت نوح عليه السلام، حضرت اِبراهيم عليه السلام، حضرت اِسحاق عليه السلام، حضرت اِسمٰعيل عليه السلام، حضرت يعقوب عليه السلام او اختتام يې د حضرت يوسف عليه السلام د ژوندون سره شوے دے. خو د پېدايښت کِتاب صرف د قيصو کِتاب نۀ دے چې د دې نه شروع شوے دے چې په تېرو زمانو کښې څۀ موجود وو او يا څۀ نۀ وو. بلکې مونږ ته دا معلومات راکوى چې دُنيا څنګه پېدا شوه او د انسان په ژوند کښې ګناه څنګه راغله. دا يو ليکل شوى تاريخ دے. دا تاريخ په پنځوسو بابونو کښې په داسې شکل سره تشريح شوے دے چې د هر انسان پام ځانته را ګرځوى. خُدائ دې وکړى چې د دې کِتاب تلاوت ستاسو دپاره د برکت سبب وګرځى او د تل ژوندون هغه نعمت مو په برخه شى کوم چې خُدائ پاک غواړى تاسو ته يې درکړى. د حفظ کولو دپاره ۱۵‏:_۶ آيت، ”ابرام په مالِک خُدائ ايمان راوړو او دا د هغۀ دپاره په صداقت حساب شو.“

Currently Selected:

پېدايښت ‮پېژندګلو‬: PYPB

Qaqambisa

Copy

Ufuna ukuba iimbalasane zakho zigcinwe kuzo zonke izixhobo zakho? Bhalisela okanye ngena

اشاعت کوونکی: پاکستان بايبل سوسايټيز

This Bible text may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:

Scripture taken from the Holy Bible in Pakistani (Yousafzai) Pashto,

Funda Ngakumbi Malunga Pakistani Yousafzai Pashto

پېدايښت ‮پېژندګلو‬

Iivesi zeBhayibhile ezithandwayo ezisuka
پېدايښت ‮پېژندګلو‬

IBhayibhile:

Pashto, Northern

Inguqulelo: Pakistani Yousafzai Pashto - PYPB