Iivesi zeBhayibhile ezithandwayo ezisuka KU̧U̧NAŊMƆ 6

Share

GASA WAN kpaia taamɔ, wen ge sa'i dee bíí e zaŋnu ge nde? See-aa nyima tɛ mɔ‘i

GASA WAN zɔka ɗaŋmɔ ko bíí zu nù dɔk dɔk siti; wese lɛŋ in ŋgimbi lɛŋ see bíí ta kànà nɛ dee ɗaŋmɔ.

Mɔ kpɔk, GASA WAN kpaa desee zu Nɔe.

Nɔe duka so nɛ wi-de-mɔ nɛ yuwar-a nɛ yɔ kaya mgbara o bíí ŋgimbi kɔ̧-a̧ na. A̧ baa so nɛ yuwar ko Sɔ̧. O bem ko Nɔe nɛ mɔɔ nɔ'ɔ; a̧ koo nɛ be-wiwii taar: Sɛm, Kam, in Jafɛt.

ɓɛɛ a̧ tɔ̧: «Mi tɛ kum bíí n'am dea, bíí, o gasa saɗi in o be saɗi gu nɛ o nɔ̧́í̧ yinɛ zu nù. Kà‘m iŋ so gáà, mi de wa na.»

Ŋgimbi nɛ bíí ku̧u̧ naŋ dɔka-a sɛn zaŋnu, nɛ wa ku̧u̧ naŋ kpaa o boko-bem kaɗi, o bem ko Sɔ̧ zɔka o boko-bem ko bíí yora zɔŋa nyɛmna, ɓɛɛ wa kai o wan nɛ wa kɔ̧a̧ nɛ kóò. GASA WAN tɔ̧a̧: «Ɔmi kɔ‘m beka duk tɛ bíí ɓɔnsɛnɛ na; a̧ tɛ duk kànà nɛ pɛ 120 ɓɛɛ, wen bíí nɛ mɔ nɛ fee fee.» O kusa-wi yaa so zu nù ŋgimbi'i. Ŋgimbi nɛ o bem ko Sɔ̧ ndaɗa in o boko-bem ko bíí ko nɛ bem, o wi nɔ‘i yaa so nɛ o ŋgaŋa-wi, in nin-wa hura so mbɛt.

Nɔe dee kànà mɔ lɛŋ nyɛm nɛ ɗoŋ ha̧a̧nú ko Sɔ̧.

Sɔ̧ tɔ̧ɔ̧ ha̧ Nɔe: «War kɔ‘m, sɔŋkur mɔ ko bíí lɛŋ hɔɔ kaɗi. Nɛ́ wen zu o bíí a̧ ŋgamɔ duna nɛnɛ zu nù, ɓɛɛ mi tɛ ɗaŋ wa in nù lɛŋ yinɛ.

Mɛ̀ dé gasa kombon kɔ-mɛ nɛ̀ nika-te; mɛ̀ gɔ́n bɛr-aa gɔn, ɓɛɛ mɛ̀ yɔ́k kɔ̧ a̧ in ɗoŋ-aa nɛ mɔɔ-dɔ̧i̧-mɔ.

Sɔ̧ zɔka zaŋnu lɛŋ duna nɛ ɗaŋmɔ, wen bíí lɛŋ ɗaŋa naŋanɔ kɔ‘i zu nù.

Mgbara mɔ lɛŋ nɛ ya kpasa, o mɔ lɛŋ nɛ a̧a̧ nɛ ɔmi, mɛ̀ káí wa yiitoo yiitoo nyɛm nɛ ɗoŋ zuduk-wa si kɔ̧ gasa kombon, ha̧ wa mɛ kpasi in mɛɛ, kóò-a in wíì-a.