Iivesi zeBhayibhile ezithandwayo ezisuka IsiThyilelo IsiThyilelo 8

Share

Xa yalivulayo elesixhenxe itywina, kwabakho ukuzola ezulwini, kwangathi sisiqingatha seyure.

Esokuqala isithunywa savuthela ixilongo, kwabakho isichotho nomlilo, ziphithikezwe negazi, zaphoswa emhlabeni, saza isahlulo sesithathu semithi satsha, nayo yonke ingca eluhlaza yatsha yatsha.

Ndabona, ndasiva isithunywa sezulu, siphaphazela esazulwini sezulu, sisithi ngezwi elikhulu, Yeha, yeha, yeha, abo bawumiyo umhlaba, ngenxa yezinye izandi zamaxilongo ezithunywa zezulu ezithathu, ezisahleliyo, ukuvakala!

Sathi esesibini isithunywa savuthela ixilongo, kwanga kuphoswa intaba enkulu, isitsha ngumlilo elwandle, saza isahlulo sesithathu solwandle saba ligazi

Sathi esesithathu isithunywa savuthela ixilongo, kwawa inkwenkwezi enkulu ezulwini, ivutha ngathi sisibane, yawa phezu kwesahlulo sesithathu semilambo naphezu kwemithombo yamanzi. Igama lenkwenkwezi leyo kuthiwa nguMhlonyane; saza isahlulo sesithathu samanzi saba ngumhlonyane; into eninzi yabantu yafa ngawo amanzi, ngokuba aba krakra.

Sathi esesine isithunywa savuthela ixilongo, saza sabethwa isahlulo sesithathu selanga, nesahlulo sesithathu senyanga, nesahlulo sesithathu seenkwenkwezi; njengokuba isahlulo sesithathu sazo saba mnyama, yathi isahlulo sesithathu sayo imini ayikhanyi, kwangokunjalo nobusuku.