Iivesi zeBhayibhile ezithandwayo ezisuka मती 7

Share

“माङ त तोरासबके देतौ, खोज त तोरासबके भेटतौ, ढकढका त तोरासबके लेल केबार खुलतौ।

कथिलेत जे माङैछै, उ पाबैछै, जे खोजैछै, ओकरा भेटैछै आ जे ढकढकाइछै, तकरा लेल केबार खुलैछै।

“तै खातिर जे हमर बचन सुनैछै आ पालन करैछै, उ एकटा बुधिमान लोक जखा हैछै जे आपन घर चटानमे बनेल्‍कै।

“लोकसब तोरासबसे जेहन बेबहार करे कैहके चाहैचिही त, तुहुसब ओइसबसे तहिना बेबहार कर, कथिलेत मोसाके बेबस्‍था आ अगमबक्‍तासबके सिक्‍छाके मुल बात एह्‍या चियै।

जिबनमे पुगाइबला केबार सकेत हैछै आ रस्‍ता कठिन हैछै आ उ रस्‍ता पाबैबला थोरबेक हैछै।

“सकेत केबारसे भितर ढुक, कथिलेत बिनासमे पुगाइबला केबार नमहर आ रस्‍ता चौरा हैछै आ ओइमे ढुकैबला बहुत हैछै।

अहिनङके तुसब दुस्‍ट रइहतो परभी आपन धियापुतासबके असल चिज दैले जानैचिही त, स्‍वरगमे रहैबला तोरासबके पिता, ओकरासे माङैबलासबके औरो कतेक बेसीसे असल चिज देतै।

येसु कहल्‍कै, “ककरो दोस नै लगा तोरोसबके परमेस्‍वर दोस नै लगाइतौ। कथिलेत जहिनङ तुसब दोसरके दोसी ठहरेब्‍ही तहिना तुहुसब दोसी ठहर्‌याल जेब्‍ही। जै नापजोखसे तुसब दोसरके देबही ओहै नापजोखसे तुहुसब पाबबिही।

महज जे हमर बचन सुनियोके पालन नै करैछै, उ एकटा मुरुख लोक जखा हैछै जे आपन घर बौलमे बनेल्‍कै।

आपन भाइके आँखके कुरकुट देखैचिही, महज तु आपन आँखके ढेङो नै देखैचिही? या आपने आँखके ढेङ नै देखैचिही त आपन भाइके कनङके कहे सकबिही, ‘ला त, हम तोहर आँखके कुरकुट निकाइल दैचियौ।’

“झुठा अगमबक्‍तासबसे होसियार रह, जे तोरासबके बिचमे भेंराके भेसमे आबैछौ, महज भितरसे उसब भुख्‍याल नरहिया जखा हैछै। उसबके फरल फरसे तुसब ओइसबके चिन्‍हबिही। कि काँटके झारसे अङगुर या काँटबला लोहजनके गाछसे अन्‍जिर तोरैछै?

तहिनङे कोनोभी असल गाछमे असले फल फरैछै आ खराब गाछमे खराबे फल फरैछै।

असल गाछ खराब फल नै फराबे सकैछै, नै त खराब गाछ असल फल फराबे सकैछै।

असल फल नै फराइबला सब गाछ काइटके आइगमे फेकल जेतै।