Iivesi zeBhayibhile ezithandwayo ezisuka Pi zi tiki 6

Share

Agulni EPIƊ-ƊAI te lumaŋ, a ɵa hama sini lai buri a rga ɗif midiɗi yai.

EPIƊ-ƊAI, a tala meefeŋ na wiini ɗif a riya amai midini afti ta, mefeŋ paŋ agulni te yiva aŋ ɵima miɗini wazagai na maafanai ɵa.

Amma Nowa a nava yum arni EPIƊ-ƊAI.

Pinzibani Nowa a na maini nɵa, Nowa, ɗif na jre ɗikat arbaɗi pinziba n'e ɗi ka war mefeŋ na wiini, a ɵina mini Alaw.

EPIƊ-ƊAI a muɗa: Aga mu vidiɗi ɗai na mu rgiɗi midiɗi yai ɗa edi, aga mu vidiɗi ɗai gaini farai, gaini wazagai n'agogoi, gaini wazagai zi ɗufli n'arbani hlai n'amai buri agula te lumaŋa buri mu rgiɗi.

Won hlai na ɗai e tiki piɗi aŋ sisiɗi viya midini afti, e wii ali na falakai lai ɗa, alini Alaw na e tiliɗi aliɗi ɗai e ɗa arɗi jafai gara, e miliɗi nagai n'e diriɗi arbaɗi par aŋ falakai. EPIƊ-ƊAI a muɗa: Suŋfa na mu siŋni warni ɗif ɗa aga a hina warni ɵa gamai kai, buri ɓa ni a neŋ-si kadai. Mefeŋ ktai aga a mra, wuzamu sek ɗa buzani aga a ɗiya miya gaini caaɓa ta. War mefeŋ ni ɗa, ɗai na mogo kai e ɗi ka midini afti, e ɗi fu yaw hlai n'alini Alaw e hilisi e fini gaiɗi aliɗi ɗai, haa e wii ali gaiɗi, pinzibaɗi e ɗi gaŋgalaŋai na war mefeŋ n'avut, ɗai na yikiɗi a wa gara.

Nowa a za maini nɵa, a zaŋ kal kal maini n'Alaw a gdaŋ miɗini nɵa lai.

Alaw a miɗini wiini Nowa: Buriya Ta, dibini wazagai paŋ a cosi li, buri ɓa afti a va gaini karai na tiɗi ɗai ta, mu dara mu vidiɗi edi gaini afti paŋ.

Ku zizina hulum n'abai buriku gaini luwuŋ gofer ta, aga ku zizina arni hlai kiini kiini viya, aga ku ɵirɓa warni n'amlai gaini duɓani paŋ gaini gudroŋ.

Alaw a tilitisi yai ɗa, t'aŋ gaini hûfi ta, buri ɗai paŋ e bi payaiɗi na ɗikat edi azumai midiɗi yai.

Arbani wazagai na karni paŋ, arbani wazagai par paŋ, ku mula warni hulum gaiku sulu sulu, muni gaini wus, muni gaini wus, kapai a hina karni.