Matayo 26
26
Bapati bacisi mbubakavwiya Jesu
(Marko 14:1,2; Luka 22:1,2; Johane 11:47)
1 #
Mt 7:28; 11:1; 13:53; 19:1 Lino Jesu naakamana majwi aya oonse, wakaambila basikwiiya bakwe, wati, 2#Mk 14:1,2; Lk 22:1,2#Kul 12:1-27; Mt 20:18Mulizi kuti, kwainda mazuba obile, kuzoosika ipobwe lya-Pasika, lino Mwana a-Muntu uzooabwa kuti abambulwe aciingano. 3Mpawo bapaizi basimutwe abapati babantu bakabungana mubetekelo lyamupaizi mupati uutegwa Kayafa, 4bakamuvwiya kuti bamweene akumujata, bamujaye. 5Nekubaboobo bakaamba bati, Kutakacitilwi mupobwe, nkaambo inga kulaba lupyopyongano akati kabantu.
Jesu mbwaakananikwa ku-Betaniya
(Marko 14:3-9; Johane 12:1-8)
6 #
Mk 14:3-9; Lk 7:36-50; Joh 12:1-8 Lino Jesu naakali mu-Betaniya muŋanda ya-Simoni sicinsenda, 7#Lk 7:37-38kwakamuswenenena umwi mwanakazi uujisi insazi iizwide mafuta aanunka kabotu aayandika loko, wakaatilila amutwe wakwe naakakede. 8Elyo basikwiiya nibakabona bakatongauka, bati, Wanyonywedwanzi boobo? 9Nkaambo oyu musamu niwakakonzeka kusambazigwa mali manji, apedwe bacete. 10#Lk 11:7Lino Jesu naakamvwa, wakabaambila kuti, Ino mumupenzezyanzi mwanakazi? Wandicitila mulimo mubotu. 11#Dt 15:11Nkaambo bacete muli abo lyoonse, pele mebo tamuli ambe lyoonse pe. 12Nkaambo kukunditilila mafuta aya amubili wangu wacita mbuli kukuzikwa kwangu. 13Ncobeni ndamwaambila kuti koonse koonse nkwaayookambaukwa Makani aya mabotu muzisi zyoonse, eci acalo ncaacita mwanakazi oyu ciyooambwa, cikabe ciibalusyo cakwe.
Judase mbwaakakanza kumwaaba
(Marko 14:10,11; Luka 22:3-6)
14 #
Mk 14:10,11; Lk 22:3-6 Lino umwi wabali ikumi ababili uutegwa Judase Iskariote wakaya kubapaizi basimutwe, 15#Zek 11:12; Joh 11:57waamba wati, Ino ncinzi ncimuyanda kundipa kuti mwaabe kulindinywe? Nkabela bakazuminina mali aansiliva aali makumi otatwe. 16#1 Tim 6:9,10Lino kuzwa kuciindi eco wakali kuyandaula ciindi ceelede cakumwaaba.
Mulalilo wa-Mwami
(Marko 14:12-26; Luka 22:7-23; 1 Ba-Korinto 11:23-29)
17 #
Mk 14:12-16; Lk 22:7-13 #
Kul 12:18-20
Lino kubuzuba butaanzi bwapobwe lyamikamu iitakwe bumena basikwiiya bakaboola kuli-Jesu, bakati, Nkukuli nkoyanda kuti tukakubambile, ulye Pasika. 18#Mt 21:3Lino waamba wati, Kamuya mumunzi kuli-Nyomfwi, mumwaambile kuti, Mufundisi wati, Ciindi cangu cili afwiifwi. Ndayanda kulya Pasika kuŋanda yako antoomwe abasikwiiya bangu. 19Lino basikwiiya mbubonya mbuli mbwaakabalailila Jesu, bakabamba Pasika. 20#Mk 14:17-26; Lk 22:14-23; Joh 13:21-26Nkabela nikwakaba kumazuba, wakakala antoomwe abasikwiiya bali ikumi ababili. 21Lino nibakali kulya wakabaambila kuti, Ncobeni ndamwaambila kuti mpali umwi akati kanu uuzoondaaba. 22Mpawo bakatalika kuusa loko akumwaambila umwi umwi kuti, Mwami, sa ndime? 23#Int 41:10Lino wakavuwa, wakati, Nguwenya oyo ngunsunsa awe mumbede nguuzoondaaba. 24Mwana a-Muntu ulaya mbuli mbukulembedwe aanguwe, pele maawe kumuntu oyo uuaba Mwana a-Muntu. Muntu oyo nicakabota naatakazyalwa. 25Lino Judase sikumwaaba wakavuwa, waamba wati, Mwami, sa ndime? Wamwaambila wati, Waamba.
26 #
Mt 14:19; 1 Kor 11:23-25 Lino nibakali kulya, Jesu wakabweza mukamu, walumba, wakomona, waabila basikwiiya, waamba wati, Amubweze, mulye, nkaambo ngooyu mubili wangu. 27Alimwi wakabweza kanywido, walumba, wabaabila, waamba wati, Amunywide mulinkako nyoonse, 28#Kul 24:8; Jer 31:31-34; Zek 9:11nkaambo mboobu bulowa bwangu bwamulongo butililwa bantu banji kuti balekelelwe milandu yabo. 29Ndamwaambila kuti nsikooyoonywa limbi micelo eyi yamusaansa kuzwa sunu kusikila kubuzuba obo mbunjooinywa mipya antoomwe anywebo mu-Bwami bwa-Taata.
30 #
Int 113–118; Lk 22:39; Joh 18:1 Lino bamane buyo kwiimba lwiimbo, bakatozya kucilundu ca-Elaioni,
Jesu mbwaakacenjezya Petro
(Marko 14:27-31; Luka 22:31-34; Johane 13:36-38)
31 #
Mk 14:27-31; Lk 22:31-34 #
Zek 13:7; Joh 16:32 Mpawo Jesu wakabaambila kuti, Inywe nyoonse mulalebwa alindime masiku ano, nkaambo kulilembedwe kuti,
Nzoouma mweembezi,
Imbelele zizoomwaika.
32 #
Mt 28:7,16 Pele musule lyabubuke bwangu njoomusaangunina kuya ku-Galilaya. 33Lino Petro wakamuvwiila, wakati; Nikuba kuti bakalebwe boonse kulinduwe, mebo nsikooyoolebwa pe. 34#Joh 13:38Nkabela Jesu wamwaambila wati, Ncobeni ndakwaambila kuti kumasiku ano ngaonya, mukombwe katana kulila, ulanditama kotatwe. 35#Mt 26:56Petro wamwaambila wati, Nikuba kuti nkafwe ayebo, nsikooyookutama pe. Mbubonya obo mbubakaamba basikwiiya boonse.
Getesemane
(Marko 14:32-42; Luka 22:39-46; Johane 18:1)
36 #
Mk 14:32-42; Lk 22:40-46 Lino Jesu wakaya abo kumuunda uutegwa Getesemane. Mpawo waambila basikwiiya wati, Amukale ano, ndaya okuya kukukomba. 37#Heb 5:7Nkabela wakabwezelezya Petro abana bobile ba-Zebedayo, elyo wakasaanguna kuusa akuciswa. 38#Int 43:5; Joh 12:27Lino wabaambila wati, Moyo wangu wausa buusu bwalufu. Amusyaale ano, tulindile anywebo. 39#Joh 18:11; Heb 5:8Elyo wakaya kunembo buniini, wavundama abusyu bwakwe, wakomba, waamba wati, Ta, kuti kwakonzeka, kanywido aka kandiindilile. Nekubaboobo kutabi kuyanda kwangu pe, akube kuyanda kwako. 40Lino wakaboola nkubakabede basikwiiya, wabajana baloona, waambila Petro kuti, Ino sa teemwakakonzya kulangila ambebo niciba ciindi comwe? 41#Heb 2:14; 4:15Amulangile akukomba, kuti mutanjili mukusunkwa, Moyo wazumina pele nyama njiibula inguzu. 42Alimwi lwabili wakainka, wakomba, waamba wati, Ta, kuti kacitakonzeki kuti eci ciindilile cita ncinywe, alucitwe luyando lwako. 43Lino wakaboola alimwi, wabajana baloona, nkaambo meso aabo akalilemede. 44#2 Kor 12:8Lino wakabasia, wakainka lwatatu kuyookomba, waamba majwi ngaonya. 45Lino wakaboola kulibasikwiiya, wabaambila wati, Kamucoona, mulyokezye. Amulange! ciindi casika. Mwana a-Muntu waabwa mumaanza aabasizibi. 46#Joh 14:31Amubuke, tweende. Amulange, uli afwaafwi oyo uundaaba
Jesu mbwaakajatwa akutolwa kulubeta
(Marko 14:43-50; Luka 22:47-53; Johane 18:2-11)
47 #
Mk 14:43-50; Lk 22:47-53; Joh 18:3-12 Nkabela naakacili kwaamba, kwakasika Judase, umwi wabali ikumi ababili, ankamu impati yabantu bajisi mapanga amakoli, bakazwa kubapaizi basimutwe akubapati babantu. 48Lino oyo iwakamwaaba wakalibabambilide citondezyo cakuti, Ngwenti kamyonte ngonguwe, amumujatisye. 49Ndilyonya wakaswena kuli-Jesu, waamba wati, Wabonwa Mwami, aku-mumyonta. 50Lino Jesu wamwaambila wati, Mweenzuma, wazidanzi? Mpawo bakaswena, bamuvumpila Jesu akumujata. 51Lino mpawo umwi akati kabaabo mbaakali abo Jesu wakatambika ijanza lyakwe, wasomona ipanga lyakwe, wauma umwi muzike wamupaizi simutwe, wamukupa kutwi kwakwe. 52#Matl 9:6; Ciy 13:10Lino Jesu wamwaambila wati, Bwedezya ipanga lyako mucikanda calyo, nkaambo boonse babweza ipanga bazoovwinyaunwa kupanga. 53#Joel 3:11Ino sa tamuyeeyi kuti nsikonzyi kukumbila kwa-Taata kuti anditumine lino lino malegioni aainda ikumi aabili aabaangelo. 54Pele kwaba boobo, alalondolwa buti magwalo aamba kuti kweelede kuba boobu? 55#Lk 19:47; 21:37Kuciindi eco nciconya Jesu wakaambila makamu aabantu, wati, Sa mweza amapanga amakoli kuzoondijata mbuli mbumujata mufumpi? Mazuba oonse ndakali kukala akwiisya muntempele, pele teemwakandijata. 56#Mt 26:31Aya oonse akaba kuti alondolwe magwalo aabasinsimi. Elyo basikwiiya boonse bakamusia, bacija.
Jesu mbwaakabetekwa
(Marko 14:53-65; Luka 22:63-71; Johane 18:12-27)
57 #
Mk 14:53-72; Lk 22:54-71; Joh 18:12-27 Lino abo ibakajata Jesu bakamutola kwa-Kayafa mupaizi mupati, nkukonya nkubakabungene balembi abapati. 58Nkabela Petro wakamutobela kulekule, kuya kubetekelo lyamupaizi mupati, wakanjila mukati, wakala antoomwe abalanda kuti abone mamanino. 59Lino bapaizi basimutwe abasilubeta boonse bakali kuyandaula bukamboni bwakubeja kuli-Jesu kuti bamujaye. 60Pele teebakabujana pe. Nekubaboobo kwakasika bakamboni babeji banji. Lino nicakaba ciindi kwakasika bobile, 61#Joh 2:19-21baamba bati, Oyu muntu wakaamba kuti, Ndakonzya kuvwinyauna intempele ya-Leza akwiiyakulula mumazuba otatwe. 62Mpawo mupaizi mupati wakanyampuka, wamwaambila wati, Sa tovwili niliba ijwi? Makaninzi ngibakutamina aba? 63#Mt 27:12Pele Jesu wakaumuna buyo. Lino mupaizi mupati wakamwaambila wati, Ndakukonkezya kuli-Leza muumi kuti utwaambile na nduwe Kristo Mwana a-Leza. 64#Dan 7:13; Int 110:1; Mt 16:27; 24:30Jesu wamwaambila wati, Waamba. Alimwi ndamwaambila kuti kuzwa sunu mulabona Mwana a-Muntu ulikede kululyo lwa-Singuzu, uleza amayoba aakujulu. 65#Lev 24:16; Mt 9:3; Joh 10:33Mpawo mupaizi mupati wakayaula zyakusama zyakwe, waamba wati, Watukila Leza! Tucilangilanzi bakamboni. Amulange! Mwaswillila lino mbwaatukila Leza. 66#Joh 19:7Ino muyeeyanzi? Nkabela bakavuwa, baamba bati, Uleelede kufwa. 67#Is 50:6Mpawo bakamuswida mate kubusyu bwakwe, bamudinkaula. Nkabela bakamuuma, 68baamba bati, Tulungulwide, uwe Kristo, Nguni wakuuma?
Petro mbwaakatama Jesu
(Marko 14:66-72; Luka 22:54-62; Johane 18:15-18,25-27)
69Lino Petro wakalikede anze alubwa. Nkabela kwakamusikila umwi musimbi, waamba wati, Ayebo wakali awe Jesu mu-Galilaya. 70Pele walo wakakazya kunembo lyabo boonse, wati, Nsicizi ncoamba, 71Lino wakazwa kumulyango, elyo musimbi umbi wakamubona waambila abo ibakali kooko kuti, Oyu alakwe wakali awe Jesu mu-Nazareta. 72Lino lwabili wakakazya cakukonka, wakati, Nsimuzi muntu oyu. 73Nkabela nikakaba kaindi kaniini, abo bakiimvwi kooko bakaswena, baambila Petro bati, Ncobeni ayebo uli wankamu yabo, nkaambo mwaambo wako awalo ulakuyubulula. 74Mpawo wakatalika kutukila akukonka kuti, Nsimuzi muntu oyu. Ndilyonya wakalila mukombwe. 75#Mt 26:34Lino Petro wakaibulukwa ijwi ndyaakaamba Jesu lyakuti, Mukombwe katana kulila, uyoonditama kotatwe. Nkabela wakaya anze, waakulila loko.
موجودہ انتخاب:
Matayo 26: Ibbaib63
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
The Bible in Tonga (Zambia) © United Bible Societies, 1963.
