Matayo 21
21
Jesu mbwaakanjila mu-Jerusalemu
(Marko 11:1-10; Luka 19:29-38; Johane 12:12-15)
1 #
Mk 11:1-10; Lk 19:29-38; Joh 12:12-19 Lino nibakaswena kufwaafwi ku-Jerusalemu akusika ku-Betefage akucilundu ca-Elaioni, Jesu wakatuma basikwiiya bobile, 2waka baambila wati, Kamuya kumunzi uuli kunembo, nkabela mpawo mulajana imbongolo iisungidwe amwana wayo. Amuzisungunune, muzilete kulindime. 3#Mt 26:18Nkabela kuti muntu akamubuzye ijwi, mukaambe kuti, Mwami uli amulimo wazyo. Ndilyonya ulazituma. 4Nkabela aya akaba boobo kuti akacitwe aakaambwa kumusinsimi wati,
5 #
Zek 9:9; Is 62:11 Amwaambile mwana musimbi wa-Zioni,
Langa! ngooyu mwami wako uuboola kulinduwe.
Ulibombede! Ulitantide ambongolo,
Ulitantide amwana wambongolo.
6Lino basikwiiya bakainka, bakaakucita mbuli mbwaakabalailila Jesu. 7Bakaleta imbongolo amwana wayo, bakabika zyakusama zyabo alinzizyo, nkabela wakakala mpoonya awo. 8#2 Bam 9:13Mpawo bantu banjibanji bamunkamu bakayala zyakusama zyabo munzila, alimwi bamwi bakatema matu aamisamu, bakaayala munzila. 9#Int 118:25-26; 2 Sam 14:4Lino bantu boonse baya kunembo, abalo batobela, bakoongolola bakati,
Hosana kumwana a-Davida!
Uli acoolwe oyu uuboola muzina lya-Jehova.
10Nkabela naakanjila mu-Jerusalemu munzi woonse wakazingwa, wati, Ino ngwani oyu? 11#Mt 21:46Lino makamu akaamba ati, Nguwenya Jesu musinsimi uuzwa ku-Nazareta waku-Galilaya.
Jesu mbwaakatanda basambazi muntempele
(Marko 11:15-29; Luka 19:45-48; Johane 2:14-16)
12 #
Mk 11:11-24; Lk 19:45-48; Joh 2:14-16 Lino Jesu wakanjila muntempele ya-Leza, wakatanda boonse ibakali kuula akuulisya muntempele, wakatapaula matafule aabo basikusintana mali, azyuuno zyabo bakali kuulisya inkwilimba. 13#Is 56:7; Jer 7:11Nkabela wabaambila wati, Kulilembedwe kuti, Iŋanda yangu ilategwa niŋanda yakukombela, anukuti inywe mwaisandula, yaba ikoba lyababbi. 14Mpawo mumonya muntempele kwakamuswenenena boofu abatyokede, nkabela wakabaponya. 15#Int 118:25Lino bapaizi basimutwe abalembi nibakabona malele ngaakacita, abana boongolola muntempele bati, Hosana ku-Mwana a-Davida, bakakalala, 16#Int 8:3bamwaambila bati, Sa teewamvwa aba ncibaamba? Lino Jesu wakabaambila kuti, Ii. Sa tamubalide kuti,
Kuzwa kumilomo yatwana atunyonka wakalondola lutembaulo?
17Mpawo wakabasia, wazwa kumunzi, waya ku-Betaniya, nkwaakakala nkukonya masiku.
Makani aamukuyu
18Lino cifumofumo naakali kubweeda kumunzi wakafwa inzala. 19#Lk 13:6Mpawo wakabona mukuyu omwe munzila, wakeza kulinguwo, nekubaboobo teewakajana cintu niciba cimwi kulinguwo pele matu luzutu, Lino wakauambila kuti, Kutabi micelo kulinduwe kuzwa sunu akuya myaaka. Nkabela mpawo mukuyu wakayuma. 20Lino basikwiiya nibakabona obo bakagamba, bakati, Ma! mukuyu wakafwambaana buti kuyuma? 21#Mt 17:20; 1 Kor 13:2Nkabela Jesu wakabavwiila, wakati, Ncobeni ndamwaambila kuti, mwaba alusyomo lwakutadoneeka, teensi eci camukuyu luzutu ncimuyookonzya, pele nikuba kuti mwaambila cilundu eci kuti, Zyuka awa akuwaalwa mulwizi, ciyoocitwa mbubonya. 22Alimwi zintu zyoonse nzimukumbila mukukomba kwanu, nimwasyoma muyoozipegwa.
Bwami bwa-Jesu mbwaakacitya milimo
(Marko 11:27-33; Luka 20:1-8)
23 #
Mk 11:27-33; Lk 20:1-8 #
Joh 2:18
Lino naakanjila muntempele akwiisya, kwakamusikila bapaizi basimutwe abapati bacisi, bakati, Ino mbwaminzi mbozicitya ezi? alimwi ngwani wakakupa bwami obu? 24Nkabela Jesu wakabavwiila, wakati, Ambebo ndamubuzya mubuzyo omwe, Kuti mwandaambila, lino ambebo ndamwaambila bwami mbunzicitya ezi. 25Lubapatizyo lwa-Johane lwakazwa kuli? Sa lwakazwa kujulu nanka kubantu? Mpawo bakabuzyanya lwabo, bati, Na twaambe kuti lwakazwa kujulu, ulatwaambila kuti, Pele nkaambonzi nimwatakamuzuminina? 26#Mt 14:5Pele na twaambe kuti lwakazwa kubantu tulayoowa bantu, nkaambo boonse balayeeya kuti Johane kali musinsimi. 27Nkabela bakavwiila Jesu, bakati, Tatuzi pe. Lino walo wakabaambila kuti, Ambebo nsikoomwaambila bwami mbunzicitya ezi. 28Pele muyeeyanzi? Muntu umwi kajisi bana bobile, nkabela wakeza kumutaanzi, wakati, Mwanaangu, koya ukabeleke sunu mumuunda wangu. 29#Mt 7:21Walo wakavuwa, wakati, Nsiyandi pe, nekubaboobo musule wakeempwa, wakaya. 30Alimwi wakeza kuliwabili, wakaamba mbubonya. Walo wakavuwa kuti, Ndainka, taata. Nekubaboobo teewakaya pe. 31#Lk 18:14Ino nguli akati kabaabo bobile wakacita luyando lwawisi? Bakati, Mutaanzi, Jesu wabaambila wati, Ncobeni ndamwaambila kuti basimutelo abasikuvuula balamusaangunina kunjila mu-Bwami bwa-Leza, 32#Lk 3:12; 7:29-30Nkaambo Johane wakeza kulindinywe munzila yabululami, pele inywe teemwakamuzuminina anukuti basimutelo abasibwaamu bakamuzuminina, nkabela inywe nimwakabona obo, musule teemwakeempwa akumuzuminina.
Cikozyano cabasimuunda
(Marko 12:1-12; Luka 20:9-18)
33 #
Mk 12:1-12; Lk 20:9-19 #
Is 5:1-2; Mt 25:14 Amuswiilile cikozyano acimwi, Kakuli muntu umwi mwiniŋanda iwakazikila muunda, wakauzyuungulusya lubaya, wakasya idindi ipati lyakusinina mulinguwo, wakayaka cisanza, wakuubika mumaanza aabalimi, lino wakaya kucisi cimbi. 34Lino ciindi camicelo nicakaba afwiifwi wakatuma bazike bakwe kubalimi kuti batambule micelo yakwe, 35Nkabela balimi bakabajata bazike bakwe, bamwi bakabauma, bamwi bakabajaya, abamwi bakabafusa mabwe. 36Alimwi wakatuma bazike bambi banji kwiinda bataanzi, nkabela abalo bakabacitila mbubonya. 37Lino musule wakabatumina mwanaakwe, wakati, Mbali mwanaangu balamulemeka. 38#Mt 27:18Nekubaboobo abo balimi nibakabona mwana bakabuzyanya kuti, Ngooyu simulya izina wasika! Amuboole, tumujaye, kuti tumunyanzye lubono lwakwe. 39Mpawo bakamujata, bamutanda kuzwa mumuunda, bamujaya. 40Ino mwinimuunda naazoosika, uzoobacitilanzi abo balimi? 41Bamwaambila kuti, Kuvwinyauna uzoovwinyauna babi abo, nkabela uzoobika muunda mumaanza aabalimi bambi, bazoomupa micelo muziindi zyayo. 42#Int 118:22-23; Inc 4:11; Rom 9:33; 1 Pet 2:6-8Jesu wabaambila wati, Sa tamubalide mumagwalo kuti,
Ibbwe ndibakasowa bayaki lyakaba mutwe wacooko.
Inkani eyi yakazwa ku-Jehova,
Ilagambya mumeso esu.
43Nkaambo kaako ndamwaambila kuti Bwami bwa-Leza buzoonyanzigwa kulindinywe, buzoopegwa musyobo umbi uuzyala micelo yabo. 44#Dan 2:34,35,44,45Lino oyo uuwida abbwe elyo uzootyokooka, pele umwi aumwi uzoowidwa ndilyo, lizoomupwasaula. 45Lino bapaizi basimutwe aba-Farisi nibakamvwa zikozyano zyakwe bakaziba kuti waamba ndiswe. 46Nkabela bakayanda kumujata, nekubaboobo bakayoowa bantu, nkaambo kakuti bakayeeya kuti musinsimi.
موجودہ انتخاب:
Matayo 21: Ibbaib63
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
The Bible in Tonga (Zambia) © United Bible Societies, 1963.
