CAWA'TA TUNITA 10
10
GURONA VI NUWA
Jaf-sum sa gaa kay nagata
1Kayni mi jafna vi gurona vi Nuwa: Sem, Kam hiɗi Yafet. Bugol niy ŋol ma de kay nagatna, nisi vuɗ guro lo: 2Kayni mi sem gurona vi Yafet: Gomer, Magog, Maday, Yavan, Tubal, Mesek hiɗi Tiras. 3Gurona vi Gomer yisi ala: Askenaz, Rifat hiɗi Togarma. 4Gurona vi Yafan yisi ala: Elisa, Tarsis, Kittim hiɗi Dodanim. 5Jaf-sumuna sa kay jokot kaf, sa kay nagat noŋ kaf, kuɗ vunna visi mara'a mara'a, hiɗi ziyna visiya, hiɗi nagata visi noŋ kaf biya goy kayn kuɗsi nisiya.
6Gurona vi Kam yisi ala: Kus, Misrayim, Put hiɗi Kanaan. 7Gurona vi Kus yisi ala: Saba, Havila, Sabta, Rayema, Sabteka. Gurona vi Rayema si Seba hiɗi Dedan. 8Kus vuɗ Nimrod kaw. Namu mi sa ma tun dir gaŋeraŋga gaa kay nagatna. 9Namu mi sa ma gi daara ma selem tiy ŋolo vok Ma-Vatɗina. Kuɗ kayni sumun ka di lawt hiɗi selem ala: sa ma gi daara ma selem tiy ŋolo vok Ma-Vatɗina ki Nimrod nala. 10Nam ti mulda valam jew kayn kay Babel, Erek, Akad hiɗi Kalne, hay nagat Sineyar. 11Hay nagat lakŋi pa nam fokiya kal hay Asur, nam in hoyok-ziyn Ninive, hiɗi Rehobot-Ir, hiɗi Kalak. 12Hiɗi Resen ta ka jar Ninive hiɗi Kalak, na'a mi hoyok-ziy ma ŋolo. 13Misrayim mi sa ma vuɗ sum sa hay Lud, sa hay Anam, hay Lehab hiɗi sum sa Naftuwana. 14Sum sa Patrusna, sa hay Kasuna, sa Filistin kalay goy visi pana, hiɗi sum sa Kaftor kaw. 15Kanaan vuɗ Sidon, goora valam ma jewna, hiɗi Het. 16Sum sa Yebusiyena, sa Amoriyana, sa Girgasiyena. 17Sa Heviyena, sa Arkiyena, sa Siniyena 18sa Arbatiyena, sa Temariyena, sa Hamatiyena. Bugol kayni jafna vi Kanaan mer goyo. 19Vun nagata vi sum sa Kanaaniyana tun cawis hay Sidon pa, hay gal Gerar, ta-ta Gaza, hay galla vi Sodoma, hiɗi Gomora, Adma hiɗi Seboyim, ta-ta hay Lesa. 20Nisi kayni si gurona vi Kam, kuɗ ziyna visiya visiya, kuɗ vunna visiya visiya, kuɗ nagata visiya visiya, jafna visiya visiya.
21Sem, ɓasum Yafet ma ŋolla nam vuɗ guro kaw. Jafna vi Heber noŋ kaf namu mi busiya. 22Gurona vi Sem yisi ala: Elam, Asur, Arpaksad, Lud hiɗi Aram. 23Gurona vi Aram yisi ala: Us, Hul, Geser hiɗi Mas. 24Arpaksad vuɗ Selah, Selah vuɗ Heber. 25Heber vuɗ guron ma': ma ŋolla yum ala Peleg; kay hay liyna valamu ir nagat ɓuraw goyo. Ɓasulumna yum ala Yoktan. 26Yoktan vuɗ Almodad, Selef, Hatsarmavet, Yerah, 27Hadoram, Uzal, Dikla, 28Obal, Abimayel, Seba, 29Ofir, Havila hiɗi Yobab. Nisi kaf kayni si gurona vi Yoktan. 30Liyn ma lakka visi tun cawis hay Mesa pa, goy gal Sefar, ta-ta hay hiɗiy ma gal kuɗuwna. 31Nisi kayni si jafna vi Sem, kuɗ ziyna visiya visiya, kuɗ vunna visiya visiya, kuɗ nagata hiɗi jafna visiya visiya. 32Nisi kayni mi jafna vi gurona vi Nuwa, kuɗ vu'da visiya visiya, kuɗ jafsiya jafsiya, jaf sum sa biyay gaa kay nagata bugol niy ŋol ma dena may goy kayn haysi nisi pa.
موجودہ انتخاب:
CAWA'TA TUNITA 10: Massana
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
BIBALDA TA PELDETTA © L'Alliance Biblique du Cameroun, 2001