Matsiyù 1

Yesù fàùnker'la tsua mòdzin neè

(Lukì 3.23-38)

1 Ŋaablà Jaara Moo Yesù Kirisà bou tsu niì ɲàn, twɛy mòdzin neè rìì siin nèe: À bou Dawudà tsua ɲàn, Dawudà yè bo Ibraximà tsua ɲàn.

2Ibraximà, tɔ Ishakà kereu, Ishakà yè Yàkubà kere. Yàkubà, tɔ̀ yeè Yudà, ko e keresi reè kere. 3Yudà yè dzin ì kere, ci Pɛrɛtsì ko Zarà, è naà tsoo yè bà ci Tamarì. Pɛrɛtsì yè Esiromùn kere. Esiromùn yè Aramùn kere. 4Aramùn yè Aminadabù kere. Aminadabù yè Nàasùn kere. Nàasùn yè Salimɔ̀n kere. 5Salimɔ̀n yè Bùwazhì kere. Bùwazhì raa naà na Àràxabù. Bùwazhì yè Obɛdzì kere. Obɛdzì raa naà na Ùrutsì. Obɛdzì yè Yesè kere. 6Yesè yè màsa kpiri Dawudà kere.

Dawudà yè Sɔ̀ɔ̀mɛyn kere, è bo Uri re tààn ɲàn. 7Sɔ̀ɔ̀mɛyn yè Òrobùwamùn kere. Òrobùwamùn yè Abiyà kere. Abiyà yè Asà kere. 8Asà yè Yosafatsì kere. Yosafatsì yè Yòramùn kere. Yòramùn yè Ozhiyasì kere. 9Ozhiyasì yè Yoyatamùn kere. Yoyatamùn yè Akazhì kere. Akazhì yè Ezekiyasì kere. 10Ezekiyasì yè Manasè kere. Manasè yè Amɔ̀n kere. Amɔ̀n yè Yosiyasì kere. 11Yosiyasì yè Yekoniyasì, ko e keresi reè kere. Dzyèèsìbee mòdzin neè kuun tɔ̀ waatsi rɔn nì, yè bè è ka Babilɔnin jamaan nɔn.#Mak2 24.14-15; Mbk2 36.10; Ykk 27.20.

12È kun bèumaà nì shɔ̀ùn Babilɔnìn, Yekoniyasì yè Shelatsiyɛlì kere. Shelatsiyɛlì yè Zorobabɛlì kere. 13Zorobabɛlì yè Abiyudzì kere. Abiyudzì yè Eliyakimùn kere. Eliyakimùn yè Azɔrì kere. 14Azɔrì yè Sadɔkì kere. Sadɔkì yè Akimùn kere. Akimùn yè Eliyudzì kere. 15Eliyudzì yè Eleyazarì kere. Eleyazarì yè Matàn kere. Matàn yè Yàkubà kere. 16Yàkubà yè Yusufù kere. Yusufù na Mariyamùn nè kpiri, Yesù ker'la naa. Yesù rìi kir'là sa, Ŋaablà Jaara Modzìàn.

17Àyìwà, è sen Ibraximà nà, è nà fɔ Dawudà rà, jàmàkuru teeŋ naàlen nì dɔ̀un twɛy fi. È sen Dawudà rà è bè suu fɔ Dzyèèsìbee mòdzin neè kun waatsia dzu yè bè Babilɔnìn, tɔ̀ sa jàmàkuru teeŋ naàlen. È sen Dzyèèsìbee mòdzin neè kun waatsia rà yè bè Babilɔnìn, è nà suu fɔ Ŋaablà Jaara Modzìàn nà, tɔ̀ sa jàmàkuru teeŋ naàlen.

Yesù ker'là kùnàgoo

(Lukì 2.1-20)

18Àyìwà, Ŋaablà Jaara moo Yesù kereu kereu'n kur'liì rà, tɔ̀ rii siin: Àwà, à na Mariyamùn, tɔ̀ na Yusufù rè màkùn taan. Ŋà, Mariyamùn yè don sen Ŋaablà re Dzi Fɛnɛɛ baraka rɔ̀n, tɔ̀ y'a tàrà à ko Yusufù na tsùɔ̀ fa esire ŋe waa.#Luk 1.27. 19Yusufù mòdzin wuu nìi fa, à y'à ji e duùn, ci wo nà à goò dzii bà sàn dzuun, sànko Mariyamùn cèu mà bo waa. 20À ni tɔ̀ goò kɛ̀sɛɛ̀ rà, Tsìfaà rè mɛ̀rɛ̀kɛ sɔn yeè e yɛrɛ kpadè à ra sìràn ɲàn, è dzin à ra ci: «Dawudà tsua dzin Yusufù, maà shi e Mariyamùn bà a re tààn waa. Don nìi yɛ à ɲan, à tɔ̀ seòn Ŋaablà re Dzi Fɛnɛɛ baraka rɔ̀n nì. 21À nà dzin kpir'li kere. À ye kere, a tsoo wɔ ci Yesù, kàtsu wò rii nà e re mòò rèè tsi bo e re gooɲaantsiɛ ɲàn.»#Luk 1.31. 22Àwà, tɔ̀ sapɛ fau, sànko Tsìfaà na nìi deò è bo à re kɛɛraa dzu, tɔ̀ goò yè bo e shi tsɛ, nìi yɛ ci:

23«Cangur'liì na kpiri goo tɔ waa, tɔ nà don sen, è dzin kpiri kere,

è kiri ci Emanuyɛlì.» Tɔ̀ dzuɔn yɛ:

Ŋaabla ni mùn ka.#Ekk 7.14.

24Yusufù nàu kpunan, Tsìfaà rè mɛ̀rɛ̀kɛɛ̀ nìi dèu à ra, è tɔ̀ shi jiì. È Mariyamùn sen e re tààn. 25#Luk 2.21.Ŋà è bè suu fɔ Mariyamùn ker'là dzu dzin kpiri, Yusufù na dzyeè jà à ka waa. Yusufù yè dziɛ̀n tsoo wɔ ci Yesù.

موجودہ انتخاب:

Matsiyù 1: BDZU

سرخی

شئیر

کاپی

کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in

Bible Dzùùngoo Unicode کے بارے میں مزید معلومات حاصل کریں

Matsiyù 1
سے مشہور بائبلی آیات

Videos for Matsiyù 1

17-1:1 متی

Lumo Project

25-18:1 متی

Lumo Project

Matsiyù 1

Matsiyù 1
سے مشہور بائبلی آیات

Videos for Matsiyù 1

17-1:1 متی

25-18:1 متی

بائبل:

Dzùùngoo

ترجمہ: Bible Dzùùngoo Unicode - BDZU

Matsiyù 1

Matsiyù 1

Matsiyù 1 سے مشہور بائبلی آیات

Videos for Matsiyù 1

17-1:1 متی

25-18:1 متی

بائبل:

Dzùùngoo

ترجمہ: Bible Dzùùngoo Unicode - BDZU

Matsiyù 1

Matsiyù 1
سے مشہور بائبلی آیات