Mataio 8
8
1U akapu mere kinumakei’inave’ane i a’a aruru ovara U e’e’okavakei’inave.
2Apa‐auma a’a monou U ai anenave, Una paku ai are‐epo ai’inave, erau voa kurunave, Amua e, Ni umu?-?liane Ni urupu‐i’iai li’ina.
3Iesu eve oiokanave apa‐auma a’a nekenave ane, erau voa kurunave ane, Nai umuli’ina: ni urupu evere’?-?eakeine. Emoki una apa‐auma paueakei’inave una kape urupu eakei’inave ane.
4Iesu erau voa kurunave; Oivirine ni a’a awkinavaia, ni kape omoro a’a ipawkiai ni enara, epie‐pei awku Mose aviri‐awkanave ione eiai ni awkura.
5Iesu Kaperanauma pai’iri ai ikiriaka’ane aiau unu marevaki U ai anenave, erau voa nawki‐awkamakei’inave ane.
6Amua e, na aivara ukua varuvaru maia keimakina marea ai, kukunu ovara‐mai u mi’ina.
7Iesu erau voa kurunave, Una maia paueai Nai anema.
8Marevaki erau voa kurunave, Amua e, nai opara ima a’a peo uku umu‐ainiai na marea ai; voa e Ni kurune, na aivara ukua aukarikavakeiakana.
9Uku nai awku amua a’a keina, aiau‐oro kamaia‐ika?-?vai nai e‐mi’ina. Ei a’a nai erau voa awkina, Enara, u enana; a’a mo nai erau voa awkina, Anene, u anena; na aivara ukua nai erau voa awkina, ei iaki li’ine, u li’ina.
10Iesu ei voa virinave ane U varua’anave, a’a‐oro e’e’okamakei’inave U erau voa kuruenave, Nai kurunaina kapoi, Pirimaroakoa ovara ei pirimaroakoa ipi’ipia Nai auiape Isaraela a’a ai.
11Nai kurunaina, Anu eiei mere, maruru eiei mere, a’a aila aneakana, Aberahamo, Isako ane, Iakobo ane, kiripai oro papa’avakana pani muku unu eiei laru ai.
12A pani muku eiei inu airavaki‐oro laeiakeiakana iki ai muru unu eiei ai: iou ai vikirimakeiakana, ni’iri ekikimakeiakana ane.
13Iesu marevaki erau voa kurunave, Enara, orau ni pirimaroakoane euna orau awku liakeiakana ni eiai. Kurua pani ai una aivara ukua aukarikavakei’inave.
14Iesu Petero onu marea ikirimakei’inave, Petero onu kime a’e U inamu‐oinave fiva maia keimakei’inave.
15A’e enu eve U nekenave fiva maia ave’enave: Iesu pei au‐awkuai u la’anave.
16Lare eua pani ai avaea‐lipi mia a’a aila U ai are’ekavakei’inave, i Una voa e avaea‐lipi U laeinave, omo maia a’a uriria U aukarikanave ane.
17Uku laikorava a’a Isaio anu voa evere’eakeia’ane‐iai, Ene maia U verukua mi’inave, ene auma maia U vakarunave.
18Uku U a’a aruru ovara inamu‐ei’inave ururu keai Iesu awkiaka,
19Kurua pani ai Kikiria a’a monou U ai anenave, erau voa kurunave ane, Amua e, nai e’enikavakana makomako ai Ni enavakana.
20Iesu erau voa kurunave, Komara omo ena?-?e‐mi’ina, naku awku omo kakora e‐mi’ina; a A’a anu Mere keia mako eria mi’ina.
21Aivara a’a mo erau voa kurunave, Amua e, evere’ene nai pinai enava’ane na mekai i’iane‐iai.
22Iesu erau voa kurunave, E’e’ikane; imua a’a omo imua a’a i’inameki.
23U mapea lakeaka’ane Una aivara‐oro e’e’okanave.
24Kavaea ovara emoki evukinave Ururu ai, uku ere karukaru mapea ai e’ei uakei?-?inave mapea ve’ekiakeia’ane?-?iai; U awawkeimakei’inave.
25Aivara‐oro U ai anenave epekenave ane, erau voa vikirimakei’inave, Amua e, iakane, enei mumukimakina.
26U erau voa ve’ve’ei?-?nave, Uku oiana noro kore?-?keina peroro e’ea a’a e? U la’anave, kavaea, ere karukaru ane, U ei’inave; ere kaiva miki kei’inave.
27Mapea a’a‐oro varua’anave, erau voa veve’einave ane, Oi a’a ana eire, kavaea, ere karukaru ane, kamaia‐awkana?
28Ururu iou ane mekai U piaka’ane Gadarene enu eiei ai, avaea‐lipi mia a’a rere au‐awkunave lauoi mere orere anemakei’inave: uku orere iara a’a miki kei’inave a’a kapeo ou kapea ai awawpenave.
29Orere erau voa araro laeali’inave, Enere oiamali’i Ni eiai Iesu Eloi inu Mere e? Ni eu ai ama’ane’i kukunu?-?akavai pani miki paku ai?
30Ama mere a’uri kaupu pei na’amakei’inave.
31Avaea‐lipi oro Iesu erau voa nawki‐awkanave, Ni la?-?aiane iki ai, evere’ene enei a’uri laru ai ikiriane‐iai.
32U erau voa ekinave, Enara. Oro a’a mere elemaneaka’ane oro a’uri laru ai ikirinave: a’uri kaupu iki ai’inore area‐lilinave, Ururu ai ara’anave, mumukiakei’inave ane.
33A’uri oiviria a’a‐oro area enanave pai’iri ai, uru upurukinave uku awku kavakava eiai, voa awku uku avaea‐lipi mia a’a orere eiai ane.
34Pai’iri a’a uriria Iesu au‐awkuai elemanenave: oro inamu‐oinave ane uku omo eiei ave’eai oro nawki‐awkanave.
موجودہ انتخاب:
Mataio 8: IAR1920
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society in 1920.
