Евангелле паводле Лукі Раздзел 24
Раздзел 24
1 #
Мц. 26:12; Мк. 14:8; Ян. 12:7 А ў першы дзень тыдня на самым досвітку пайшлі яны і некаторыя з імі да магілы, несучы тыя духмянасці, што прыгатавалі.
2 #
Мц. 28:2; Мк. 16:4 І ўбачылі, што камень адвалены ад магілы,
3 #
Мк. 16:5
і, увайшоўшы, не знайшлі цела Госпада Ісуса.
4 #
Ян. 20:12
І сталася, калі былі збянтэжаны гэтым, вось, паўсталі перад імі двое мужоў у бліскучых шатах.
5І, калі яны спалохаліся і схілілі твары свае да зямлі, сказалі ім: «Чаму шукаеце жывога сярод мёртвых?
6 #
Мц. 16:21; Мк. 8:31 Няма Яго тут, Ён уваскрос. Прыпомніце, як вам гаварыў, калі яшчэ быў у Галілеі,
7кажучы: “Трэба Сыну Чалавечаму быць выдадзеным у рукі грэшных людзей, і быць укрыжаваным, і на трэці дзень уваскрэснуць”».
8 #
Ян. 2:19
І яны прыпомнілі гэтыя словы Яго
9 #
Мц. 28:8; Мк. 16:10 і, вярнуўшыся ад магілы, паведамілі гэта ўсё адзінаццаці ды ўсім іншым.
10Былі ж гэта Марыя Магдалена, і Ёана, і Марыя Якубава, ды іншыя з імі, якія расказалі пра гэта Апосталам.
11 #
Мк. 16:11
І словы іх здаліся ім недарэчнасцю, і не паверылі ім.
12 #
Ян. 20:3
Пётра ж, падняўшыся, пабег да магілы і, нахіліўшыся, убачыў толькі адну плашчаніцу, што ляжала; і адышоў да сваіх, здзіўлены тым, што сталася.
13 #
Мк. 16:12
І вось, у той самы дзень двое з іх ішлі ў вёску, што ў шасцідзясяці стадыях ад Ерузаліма, з назваю Эмаус,
14і гаварылі між сабой аб усім, што адбылося.
15 #
Мц. 18:20
І сталася, калі яны гутарылі і адзін аднаго пыталіся, Сам Ісус, наблізіўшыся, пайшоў з імі;
16 #
Ян. 20:14
а вочы іх былі зацемнены, так што не пазналі Яго.
17 #
Ян. 16:20
І гаворыць ім: «Што гэта за размова, якую ведзяце між сабою, ідучы? І чаму вы сумныя?»
18 #
Ян. 19:25
І, адказваючы, адзін з іх, імя якому Кляопа, сказаў Яму: «Ці ж ты адзін з падарожнікаў у Ерузалім і не ведаеш, што ў ім гэтымі днямі адбылося?»
19 #
Мц. 21:11; Ян. 3:2; Дзеі 2:22 Ён жа сказаў ім: «Што?» І яны сказалі Яму: «Наконт Ісуса з Назарэта, Які быў Прарокам, магутным у справе і ў слове перад Богам і перад усім народам,
20 #
Дзеі 13:27
і як выдалі Яго першасвятары і кіраўнікі нашы на пакаранне смерцю і ўкрыжавалі Яго.
21 #
Дзеі 1:6
А мы спадзяваліся, што Ён меў адкупіць Ізраэля; і цяпер па ўсім гэтым ужо сёння трэці дзень, як гэта сталася.
22 #
Мц. 28:8; Мк. 16:10 Але і жанчыны некаторыя з нашых, што былі пры магіле на світанні, збянтэжылі нас,
23і, не знайшоўшы цела Яго, прыйшлі, кажучы, што нават бачылі з’явенне анёлаў, якія кажуць, што Ён жывы.
24Пайшлі таксама да магілы некаторыя з нашых, і тое самае знайшлі, як расказалі жанчыны, але Яго Самога не бачылі».
25 #
Дзеі 3:24
І Ён сказаў ім: «О неразважлівыя і марудлівыя сэрцам, каб уверыць ва ўсё, што казалі прарокі.
26 #
Дзеі 17:2; 1Пёт. 1:10; Геб. 2:9 Ці не гэта трэба было, каб Хрыстос цярпеў і ўвайшоў у славу Сваю?»
27 #
Ян. 1:45; 1Кар. 15:3 І, пачаўшы ад Майсея і ўсіх прарокаў, тлумачыў ім ва ўсіх Пісаннях, што было пра Яго.
28І так падышлі да селішча, да якога ішлі, і Ён зрабіў выгляд, быццам хацеў ісці далей.
29 #
Ян. 14:23; Дзеі 16:15 Але яны стрымалі Яго, кажучы: «Застанься з намі, бо ўжо вечарэе і дзень сышоў». І ўвайшоў Ён у дом каб застацца з імі.
30 #
Мц. 14:19; Мк. 8:6; Ян. 21:13 І сталася, калі ўзлёг з імі за сталом, узяў хлеб, і дабраславіў, і ламаў, і падаваў ім.
31І адкрыліся вочы іх, і пазналі Яго; але Ён стаў нябачны для іх.
32 #
Ян. 20:29; 1Пёт. 1:8 І сказалі яны адзін аднаму: «Ці ж сэрцы нашы не гарэлі ў нас, калі размаўляў з намі ў дарозе і адкрыў нам Пісанне?»
33І, падняўшыся ў тую ж гадзіну, вярнуліся ў Ерузалім, і знайшлі там адзінаццаць, што сабраліся разам, ды тых, што з імі былі,
34кажучых: «Госпад праўдзіва ўваскрос і паказаўся Сімону».
35А яны пачалі расказваць, што сталася ў дарозе і як пазналі Яго пры ламанні хлеба.
36 #
Мк. 16:14; Ян. 20:19; Дзеі 13:31 А калі яны гэта расказвалі, Ён Сам стаў пасярод іх і кажа ім: «Супакой вам».
37 #
Мц. 14:26; Мк. 6:49 А яны, устрывожаныя і напалоханыя, думалі, што духа бачаць.
38І сказаў Ён ім: «Чаго вы ўстрывожыліся ды чаму ўсякія думкі ўзнікаюць у вашых сэрцах?
39 #
Ян. 20:20; 1Кар. 15:20; 1Ян. 1:1 Агледзьце рукі Мае і ногі Мае, што гэта Я Сам! Дакраніцеся да Мяне і глядзіце, бо дух не мае цела, ані касцей, што, як бачыце, Я маю».
40І, калі гэта сказаў, паказаў ім рукі і ногі.
41 #
Ян. 21:5; Дзеі 10:41 А калі яны яшчэ не верылі з радасці і дзівіліся, сказаў ім: «Ці маеце што есці?»
42І яны падалі Яму частку сухой рыбы і пчаліных сотаў з мёдам.
43І, узяўшы, еў у прысутнасці іх.
44 #
Мц. 16:21
І сказаў ім: «Ці ж не такія былі словы, якія Я гаварыў вам, калі быў яшчэ з вамі, што трэба было споўніцца ўсяму, што напісана было пра Мяне ў законе Майсея, і ў прарокаў, і ў псальмах».
45 #
Ян. 5:39; Дзеі 16:14 Тады адкрыў ім розум, каб зразумелі Пісанні.
46 #
Лк. 11:29; Дзеі 17:3 Ды сказаў ім: «Так было напісана і так належала Хрысту цярпець і ўваскрэснуць з мёртвых на трэці дзень,
47 #
Дзеі 2:38; Адкр. 14:6 і каб у імя Яго прапаведавалася пакаянне дзеля даравання грахоў усім народам, пачынаючы ад Ерузаліма.
48І вы – сведкі гэтага.
49 #
Ян. 14:16; Дзеі 2:4; Гал. 3:14 І вось, Я спашлю на вас абяцанае ад Айца Майго; вы ж заставайцеся ў горадзе Ерузаліме, аж будзеце абдараваны моцай з вышыні».
50Затым вывеў іх вонкі ў Бэтанію і, падняўшы рукі Свае, дабраславіў іх.
51 #
Мк. 16:19; Ян. 3:13; Дзеі 1:9; Адкр. 3:21 І сталася, калі дабраславіў іх, аддзяліўся ад іх і падняўся ў неба.
52І яны пакланіліся Яму, і з вялікай радасцю вярнуліся ў Ерузалім,
53і былі заўсёды ў святыні, хвалячы і дабраслаўляючы Бога. Амін.
موجودہ انتخاب:
Евангелле паводле Лукі Раздзел 24: ББЧ
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© МХРБ «Біблейскае таварыства ў Рэспубліцы Беларусь», 2017
