Евангелле паводле Яна Раздзел 7
Раздзел 7
1 #
Мц. 26:4
І пасля таго Ісус хадзіў па Галілеі, бо Ён не хацеў хадзіць па Юдэі, бо юдэі імкнуліся забіць Яго.
2 #
Святар. 23:34; Паўт. Зак. 16:13 І быў паблізу юдэйскі святочны дзень палатак.
3 #
Мц. 12:46
Сказалі затым Яму браты Яго: «Адыдзіся адгэтуль і ідзі ў Юдэю, каб і вучні Твае бачылі справы Твае, якія робіш.
4Бо ніхто не робіць чаго-колечы тайна, а і сам хоча паказацца на людзях. Калі такія рэчы чыніш, пакажы Сябе свету».
5 #
Дзеі 1:14
Бо і браты Яго не верылі ў Яго.
6Кажа ім тады Ісус: «Яшчэ не надышоў Мой час, а ваш час заўсёды ёсць гатовы.
7Вас свет не можа ненавідзець, а Мяне ненавідзіць, бо Я сведчу аб ім, што яго ўчынкі ліхія.
8Вы ідзіце на свята, а Я яшчэ не пайду на гэтае свята, бо час Мой яшчэ не споўніўся».
9І, калі сказаў гэта ім, Сам застаўся ў Галілеі.
10Але калі браты Яго адправіліся на свята, то і Ён пайшоў на свята, не яўна, але быццам употай.
11А ў час свята шукалі Яго юдэі і казалі: «Дзе Ён?»
12 #
Мц. 21:46; Лк. 7:16 І шмат спрэчак пра Яго было ў натоўпе. Адны казалі: «Ён добры!»; а другія казалі: «Не, але зводзіць людзей».
13Але ніхто не гаварыў пра Яго яўна дзеля страху перад юдэямі.
14 #
Мк. 6:34
І ўжо а палове святочнага дня Ісус увайшоў у святыню і стаў навучаць.
15 #
Мц. 13:54; Мк. 1:22; Лк. 4:22; Дзеі 2:7 А юдэі дзівіліся, кажучы: «Адкуль Ён ведае Пісанне, хаця не вучыўся?»
16Дык адказаў ім Ісус і казаў: «Мая навука не Мая, але Таго, Хто Мяне паслаў.
17Калі хто хоча выконваць волю Яго, той з навукі пазнае, ці яна ад Бога, ці Я Сам ад Сябе гавару.
18 #
1Пёт. 2:22
Хто з сябе самога гаворыць, той сваёй славы шукае, але Хто шукае славы Таго, Хто Яго паслаў, Той праўдамоўны ды няма ў ім беззаконня.
19 #
Рым. 2:17; Гал. 3:5 Ці не Майсей даў вам закон? Але ніхто з вас не робіць па законе. Чаму імкнецеся Мяне забіць?»
20 #
Мц. 11:18
Адказалі людзі, кажучы: «Дэмана маеш! Хто імкнецца Цябе забіць?»
21Адказаў Ісус і сказаў ім: «Я зрабіў адну справу, а ўсе дзівіцеся.
22 #
Род. 17:10; Святар. 12:3 Вось, Майсей перадаў вам абразанне, хоць яно не ад Майсея, але ад вашых продкаў, і вы абразаеце ў суботу чалавека.
23Калі чалавек прымае абразанне ў суботу і не парушаецца закон Майсея, дык чаму злуецеся на Мяне, калі Я ўсяго чалавека аздаравіў у суботу?
24Ды не судзіце па знешнасці, але судзіце справядлівым судом».
25 #
Мц. 26:4; Лк. 22:2 Дык некаторыя з ерузалімцаў казалі: «Ці гэта Той, Якога імкнуцца забіць?
26Бо вось яўна прамаўляе, і нічога Яму не кажуць. Ці, можа, пераканаліся кіраўнікі, што Ён – сапраўды Хрыстос?
27 #
Мц. 13:55; Лк. 4:22 Але мы ведаем Яго, адкуль Ён родам, а калі прыйдзе Хрыстос, ніхто не ведае, адкуль Ён прыйдзе».
28 #
Рым. 3:4
А Ісус, навучаючы ў святыні, усклікнуў, кажучы: «І Мяне ведаеце, і ведаеце, адкуль Я есць. І Я Сам ад Сябе не прыйшоў, але праўдзівы Той, Хто Мяне паслаў, а Якога вы не ведаеце.
29 #
Мц. 11:27
А Я ведаю Яго, бо Я ад Яго есць, і Ён Мяне паслаў».
30 #
Мк. 11:18; Лк. 22:53 Дык імкнуліся Яго ўзяць, але ніхто не падняў на Яго рукі, бо яшчэ не прыйшла Яго гадзіна.
31 #
Мц. 12:23
І многія з грамады паверылі ў Яго, і яны казалі: «Ці ж, калі Хрыстос прыйдзе, болей знакаў учыніць, чым Ён учыніў?»
32А калі фарысеі пачулі, што людзі так пра Яго гавораць, дык паслалі фарысеі і першасвятары паслугачоў, каб Яго ўзяць.
33 #
Мк. 16:19
Сказаў тады Ісус ім: «Кароткі толькі час буду з вамі і пайду да Таго, Хто Мяне паслаў.
34 #
1Кар. 15:50; Адкр. 21:27 Будзеце Мяне шукаць і не знойдзеце, і, дзе Я ёсць, вы туды не можаце прыйсці».
35 #
Як. 1:1; 1Пёт. 1:1 Дык сказалі юдэі адзін аднаму: «Куды ж Ён пойдзе, што мы Яго не знойдзем? Няўжо Ён пойдзе ў расцярушанне да грэкаў ды будзе грэкаў навучаць?
36Што ж гэта за слова, якое сказаў: “Шукаць Мяне будзеце і не знойдзеце”, ды: “Туды, дзе Я, вы не можаце прыйсці”?»
37 #
Святар. 23:36; Адкр. 22:17 А ў апошні вялікі дзень свята стаў Ісус і ўсклікнуў, кажучы: «Калі хто смагне, хай прыходзіць да Мяне і п’е;
38 #
Эзэк. 47:1; Зах. 14:8; Адкр. 21:6 хто верыць у Мяне. Як кажа Пісанне, рэкі жывой вады пацякуць з нутра яго».
39А так казаў аб Духу, Якога мелі атрымаць тыя, што вераць у Яго. Бо не было яшчэ на іх Духа Святога, бо Ісус не быў яшчэ ўслаўлены.
40І многія з тых людзей, калі пачулі гэтыя словы, казалі: «Гэта сапраўды прарок»;
41 #
Мц. 16:16
іншыя ж казалі: «Гэта Хрыстос»; а яшчэ іншыя гаварылі: «Ці ж Хрыстос прыходзіць з Галілеі?
42 #
2Сам. 7:12; Міх. 5:2; Мц. 2:5; Лк. 2:4 Ці ж Пісанне не сказала: “З роду Давіда, з селішча Бэтлехэм, адкуль быў Давід, прыходзіць Хрыстос”»?
43І ўзнікла спрэчка наконт Яго ў натоўпе.
44Дык некаторыя з іх хацелі Яго ўзяць, але ніхто не падняў на Яго рукі.
45Прыйшлі затым паслугачы да першасвятароў і фарысеяў, і тыя сказалі ім: «Чаму вы Яго не прывялі?»
46 #
Мц. 7:28; Лк. 4:22 Паслугачы адказалі: «Ніколі чалавек так не гаварыў, як гэты Чалавек».
47Дык адказалі ім фарысеі: «Ці і вы Ім зведзены?
48Ці ўверыў у Яго хоць хто з начальнікаў або фарысеяў?
49А гэты натоўп, які не ведае закону, пракляты».
50Кажа ім Нікадэм, той, што прыйшоў да Яго ўначы і што быў адным з іх:
51 #
Дзеі 25:16
«Ці ж закон наш асуджае чалавека, перш чым яго не паслухае і не спазнае, што ён робіць?»
52 #
Мц. 26:69; Мк. 14:70 Адказалі яму і сказалі: «Ці і ты не з Галілеі? Даследуй і пабач, што прарок не паўстае з Галілеі».
53Ды вярнуліся кожны ў свой дом.
موجودہ انتخاب:
Евангелле паводле Яна Раздзел 7: ББЧ
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© МХРБ «Біблейскае таварыства ў Рэспубліцы Беларусь», 2017
