کلُسّیِوں 6:2-10

پس جَب تُم نے المسیؔح عیسیٰ کو اَپنا خُداوؔند قبُول کر لیا ہے، تو اَب المسیؔح میں زندگی بھی گُزارو، اَور المسیؔح میں جڑ پکڑتے اَور اَپنی زندگی تعمیر کرتے جاؤ، اَور جِس طرح تُم نے تعلیم پائی ہے اُسی طرح ایمان میں مضبُوط رہو، اَور خُدا کی بے حد شُکر گُزاری کیا کرو۔ خبردار، کویٔی شخص تُمہیں اُن فَلسفیانہ اَور پُر فریب خیالات کا شِکار نہ بنانے پایٔے، جِن کی بُنیاد المسیؔح پر نہیں بَلکہ اِنسانی روایتوں اَور دُنیوی اِبتدائی باتوں پر ہے۔ کیونکہ اُلُوہیّت کی ساری معموُری المسیؔح میں مُجسّم ہوکر سکونت کرتی ہے، اَور تُمہیں المسیؔح کی معموُری میں شریک کر دیا گیا ہے۔ وُہی ہر طرح کی حُکمرانی اَور اِختیّار والے کا سَر ہیں۔