Zaŋ Mesehw kad pa Labara mambəla ana ta Zaŋ
Mesehw kad pa Labara mambəla ana ta Zaŋ
A fana nesey sə, Labara mambəla ana masa Zaŋ ta vindiya, ke gweɗ dapa labara ana nesey da yaŋ mezlər masa Yesu ta ŋgiya dapa vavara va masa aŋga te sesərekec ndana hay, ke gweɗ da yaŋ maməc tata va mepərekek tata dapa maməcay. Yesu ke bəzedec ma ndana hay eve cəv mapana ana, ke mbəlec ndah gwabay hay avəda, ke mbesec damkwaw hay va meŋgə jene hay mekele mekele masa e fənec ndana hay fa gədaŋ.
Labara mambəla ana masa Zaŋ ta vindiya sə, aŋga wal ava labara Mambəla ana hay masa Mata, Markwas va Lukas ac ta vindiya. Mafay ana, ke gweɗ da yaŋ jene hay masa Mata, Markwas va Lukas ta vindiya sə, aabay.
Zaŋ ke ŋguzdek yaŋ te Yesu dəga dapa mezler ta labara ana nesey, ke gweɗ gege: Yesu sə, aŋga ma ta Zlavay, ke dek pa vavara nesey ara ndana hay.
Labara mambəla ana masa Zaŋ ta vindiya sə, mavəna ara nesey:
1. Yesu sə, aŋga Ma ta Zlavay 1.1-18.
2. Matə yaw ta Zaŋ Baatis 1.19-34.
3. Ndah masasəraka jene tata macaaca ana te Yesu 1.35-51.
4. Mezlər te Yesu hay tasəla 2.1–12.50.
5. Manah hay mamaɗ yaŋ ana te Yesu 12.1–19.42.
6. Mepərek te Yesu dapa maməcay 20.1-10.
7. Maŋguzad vaw te Yesu kad ndah masasəraka jene tata 20.11–21.25.
موجودہ انتخاب:
Zaŋ Mesehw kad pa Labara mambəla ana ta Zaŋ: CUVnt
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2022 CABTAL