ማ̈ቶ̈ሳ 25

ታጳ̇ ዉዲራን ሚሳ̇ሊ

1ዬሱ̈ሲ ኢንታ̇ኮ “ዪና̇ ኢዝባራ ጾ̈ሳ̇̇ ካቲ̇ቲንዳ ፌ ፎኢንን ፌ ኩሽታ ኤ̈̇ሪ ኢሲ̇ ሞኪ̇ ኤካ̇ንዳብ ጊ̈ጊንቲ̇ኖ ታጳ̇ ዉዲራን ማይጻ̈ሬ። 2ኢንታ̇ ጋርታ̇ፖ ኢሺ̇ናን ቦ̈ዛ ኢሺናን ኤጫ። 3ቦ̈ዛ ዉዲራን ፌ ፎ̈ኢንን ፌ ኩሽታ ኤ̈̇ናካሬ ኢንታ̇ ፎ̈ኢንምቦ ማ̈ቂ̇ዝ ጉጃ ላ̈ምባ#25፡3ላምባ-ሚኖ ኬል̇ባራ ኢስሬ̈ላ ጋዳ ላምባ ጌይዝ ባዚ ባዬ። ፎኢንቦ ዎይራ ጋ̈ዚ ሚን ኣ̈ፊን ጪ̈ጫሪ ዛይታ ኬሳ̇ር ኢዞ ላምባፌ̈ን ኤይ̈ሬ። ኤ̈ካ̇ዬ። 4ኤጫ ዉዲራን ፌ ፎ̈ኢምቦ ማ̈ቂ̇ዝ ጉጃ ላ̈ምባ ኢቃ̈ባር ኤ̈̇ኔ። 5ኢሳ̇̈ ዬ̈ካይ ጋምኢን ዎይን ሱ̈ርሲ ኢንታ̇ክ ዬ̈ይን ሱርቂ̇ዴ።

6“ቃም ጊዲ̇ቢላ ማ̈ቂ̇ንዶ̈ን ‘ኢሳ̇ ዬይኔ! ኬስካ̇ር ሞኪ̇ብቴ!’ ዪዝ ጌይዝ ዉይሳ ሲስኪንቲ̇ዴ። 7ዪና̇ ኢዝባራ ዉዲራን ዎይ ዲንዳ̇ሪ ፌ ፎኢን ጊ̈ጊሲዴ። 8ቦ̈ዛ ዉዲራን ኤጫንኮ ‘ኑ ፎኢንን ቴይቃ̇ንዳብ ዎቲዛኮታ̇ቦ ዪንታ̇ ላ̈ምቢ̇ን ጋልዳፖ ኑ̈ብ ኢማ̇ንቲሼ ዋ̈ዲቴ̇’ ጌይዴ። 9ኤጫ ዉዲራን ‘ኑ̈ብኬ ዪንታ̇ቦ ዎልኣ ጊዲዝ ላ̈ምቦ ኑ̈ክ ባዬ̇፥ ዪ̈ፖ̇ ዪንቲ̇ ዎጚዝ ቤስ̇ ሉካ̇ሪ ዪንታ̇ብ ማ̈ቂ̇ዝ ላ̈ምባ ዎ̈ጚብቴ̇’ ጋ̈ር ማሂዴ።

10ቦ̈ዛ ዉዲራን ላ̈ምባ ዎ̈ጛንዳብ ሉኪ̇ን ኢሳ̇ ዬይዴ። ጊ̈ጊንታ̇ር ዎ ዉዲራን ኢሳ̇̈ባራ ኢሳ̇ ኬ̈ ጋርታ̇ ጌሊዴ፤ ካራ̈ዳር ዪብጺንቲ̇ዴ።

11“ጋስ ኣቲ̇ኖ ዉዲራን ዬ̈ሪ ‘ጎዳ̈ዶ! ጎዳ̈ዶ! ካሪን ኑ̈ብ ፊርቂ̇ሼ ዋ̈ዴ!’ ጌይዴ።

12“ኢያር ኢንታ̇ኮ ‘ቴ ዪንታ̇ክ ኪን ጋ̈ሬ፥ ቴ ዪንታ̇ ኤራባሴ!’ ጋ̈ሪ ማሂዴ።

13“ዪዚ ዪንቲ̇ ቃሚ̇ንዲክ ሳኣ̈ቲንዲክ ኤሪባ̈ሶኮታ̇ቦ ሚ̈ጛር ና̈ጊብቴ” ጌይዴ።

ሚ̈ሺ̇ ኢንታ̇ብ ኢሚ̇ንቲ̇ኖ ዓይዚ̇ ኣሽካራን ሚሳ̇̈ሊ

ሉቃ̈ሳ 19፡11-27

14“ጾ̈ሳ̇̇ ካ̈ቲቲንዳ̇ ፌ ኣሽካራን ጼይጋሪ ፌ̈ብ ዎ ቆሊን ዓዳራባር ኢማ̇ሪ ሜላ ጋዳ̇ ሉካ̇ንዳብ ኬስኪ̇ኖ ፔቲ̇ ና̈ሳ ማይጻ̈ሬ። 15ና̈ሳ ዪ̈ዲ ፌ ኣሽካራንቦ ኢንቲ̇ ዳንዳኣዚንዲፌ̈ኒ ፔታ̇ና̈ብ ኢሺ̇ን ሙኩላ ቢራ፣ ፔታ̇ናቦ ና̈ምኢ ሙኩላ ቢራ፣ ፔታ̇ና̈ቦ ፔቲ̇ ሙኩላ ቢራ ኢማ̇ሪ ፌቆሚ̇ን ሜላ ጋዳ̇ ሉኪ̇ዴ። 16ኢሺ̇ን ሙኩላ ቢራ ኤኪ̇ኖ̈ዲ ኤሊ̇ባር ሉካ̇ሪ ዛልኣሪ ሜላ ኢሺ̇ን ሙኩላ ቢራ ቲርፊሲዴ። 17ናምኢ ሙኩላ ቢራ ኤኪ̇ኖ̈ዲ ዪና̇ ኢዝፌ̈ኒ ዛልኣሪ ሜላ ናምኢ ሙኩላ ቢራ ቲርፊሲዴ። 18ፔቲ̇ ሙኩላ ቢራ ኤኪ̇ኖ̈ዲ ሉካ̇ሪ ሳ̈ዝ ቦ̈ካ̇ሪ ፌ ላ̈ ሚ̈ሺ̇ን ሳ̈ዳ̇ ዱ̈ኪ̇ዴ።

19“ዎይሊን ኬላ̇ፖ̇ ዎሃ ዪን ኣሽካራን ላ̈̈ዲ ዬ̈ሪ ኢንቲ̇ ኤኪ̇ኖ ሚ̈ሺ̇ንባር ኣብዝ ኦ̈ኖኮ ኤራንዳ̇ቦ ኢንታ̇ ጼይጊዴ። 20ኢሺ̇ን ሙኩላ ቢራ ኤኪ̇ኖ ኣሽካራ̈ዲ ፌ ላ̈ኮ ሜላ ኢሺ̇ን ሙኩላ ቢራ ኤኪ̇ ዬ̈ሪ ‘ላ̈! ኔ ታ̈ብ ኢሺ̇ን ሙኩላ ቢራ ኢሚ̇ንዶ̈ን ዓት ታ̈ኒ ዓ̈ዲሼ ሜላ ኢሺ̇ን ሙኩላ ቢራ ቲርፊሲኔ’ ጌይዴ።

21“ኢ ላ̈̈ዳር ኢ̈ኮ ‘ዎይኣ! ኔ̈ኒ ኣማ̇ኒንቲ̇ኖ ኮሻ̇ ኣሽካራ! ኔ ጊላ̇ ባዛቦ ኣማ̇ኒንቲኖኮታ̇ቦ ዎይሊን ባዝ ጋልዳ ቴ ኔ̈ና ሹ̈ማንዳ̇፤ ዪዚ ዓይ ዬ̈ቤ ኔ ላ̈ባር ዎልኣ ኡፋይታ̇ንዳብ ዓይ ጌላቤ!’ ጌይዴ።

22“ናምኢ ሙኩላ ቢራ ኤኪ̇ኖ ና̈ሳ ዬ̈ሪ ‘ላ̈! ናምኢ ሙኩላ ቢራ ኔ ታ̈ብ ኢሚ̇ኔ፥ ዓት ዓ̈ዲሼ ሜላ ናምኢ ሙኩላ ቢራ ታ̈ኒ ቲርፍሲኔ!’ ጌይዴ።

23“ኢ ላ̈̈ዲ ኢ̈ኮ ‘ዎይኣ! ኔ̈ኒ ኣማ̇ኒንቲኖ ኮሻ̇ ኣሽካራ። ኔ̈ኒ ጊላ̇ ባዛቦ ኣማ̇ኒንቲ̇ኖኮታ̇ቦ ዎይሊን ባዝ ጋልዳ ቴ ኔ̈ና ሹ̈ማንዳ፤ ዓይ ዬ̈ራ ኔ ላ̈ባር ዎልኣ ኡፋይታንዳብ ዓይ ጌላቤ!’ ጌይዴ።

24“ፔቲ̇ ሙኩላ ቢራ ኤኪ̇ኖ̈ዲ ዬ̈ሪ ‘ላ̈! ኔ ዜርቃካ̇ዮ ቤሳ ጋልዳፖ ቴይሲዝ፥ ካ̈ ላ̈ላ̇ካ̇ዮ ቤሳ̇ ጋልዳፖ ሱ ሺ̈ሺ̇ዝ ዉጫ ኣስ ማ̈ቂ̇ኖን ቴ ኤሪኔ። 25ዪ̈ኮታ̇ቦ ቴ ኢ̈ጫ̇ራ ኔ ሚ̈ሺ̇ን ኤ̈ጛር ሳ̈ዝ ቦ̈ካ̇ር ዱ̈ካ̇̈ዴ፤ ዪዚ ኔ ሚ̈ሺን ዓኒ̇ሼ!’ ጌይዴ።

26“ኢ ላ̈ዳር ኢ̈ኮ ‘ኣን ኔ ዉጫኬ ቦ̈ዛ ኣሽካራዲ! ቴ ዜርቃካ̇ዮ ቤስ̇ ጋልዳፖ ቴይሳዚንዶ፥ ካ ላ̈ላ̇ካ̇ዮ ቤስ̇ ጋልዳፖ ሺ̈ሻ̇ዚን ኔ ኤሪኖኮ፥ 27ኔ ቴ ሚ̈ሺ̇ን ቲርፊሲዝ ኣሳንቦ ኢሚ̇ኖኮ ቴ ዬ̈ራ ቴ ሚ̈ሺ̇ን ዬላባር ዎልኣ ኤካ̇ርዶን ኣታ̇ዴ።

28ዪዚ ሚ̈ሺ̇ን ኢ ጋልዳፖ ኤካ̇ሪ ታጳ̇ ሙኩላ ቢራ ዎ̈ቦ ኢሚ̇ብቴ። 29ቲ̈ን ኣባካ ዎቦ ጉጂንቲ̈ሬ፥ ኢ̈ቦ ዎይሊ̈ሬ፤ ባዮ̇ ና̈ሳ ጋልዳፖ ሜላ ኣቲን ኢ̈ብ ዎ ጊሊ̇ን ኢዛር ኣታካይ ኢ ጋልዳፖ̇ ኤኪ̇ንታ̇ሬ። 30ዓ ፋባ̈ሶ ኣሽካ̇ራ ዛ̈ና ሚ̇ን ጋርታ̇ ኬሳ̇ር ኢያ ቶጚብቴ̇። ኢና ኢ̈ብ ዬ̈ፊኬ ኣቺ̇ ሙንት ማ̈ቃ̇̈ሬ’ ጌይዴ።

ዉርሲ ኬል̇ባራ ዬይዝ ፊርዳ

31“ታ ኣሳ ናኣ̈ዲ ቴ ኪ̈ታ̇ንቻ̇ ዎይንባር ቦንችባር ዬ̈ራ ቴ ቦንቻ̇ ዙፋ̈ና ጋልዳ ዶኣ̈ሬ። 32ዎርዣ ዎይ ቴ ቲ̈ን ሺ̈ቂ̈ሬ፥ ጋይጫኖ ዶራን ዶርቲ̇ ጋርታ̇ፖ ቆራዚንዲፌ̈ን ታ̈ናር ዎርዣን ጋርታ̇ፖ̇ ቆራ̈ሬ። 33ጺላ̇ ኣሳን ኡሻች ጎይ፥ ናጋራንቻ̇ን ዓዲርስ ጎይ ኤሳ̇̈ሬ።

34“ኢናፖ̇ ታ̈ኒ ካ̈ታ̈ዲ ኡሻች ጎይ ዎንኮ ‘ቴ ባ̈ባ ዪንታ̇ ኣንጂኖን! ዓይ ዬብቴ̇! ኣላሚን ኮቺ̇ንቲኖፖ ኤ̈̇ር ዪንታ̇ብ ጊ̈ጊንቲኖን ካ̈ቲቲን ኤኪ̇ብቴ! 35ታ̈ኒ ጋፍሲንቲ̇ንዶ̈ን፥ ዪንቲ̇ ታ̈ና ሙ̈ሲኔ፤ ታ̈ኒ ባ̈ርሲንቲ̇ንዶ̈ን፥ ዪንቲ̇ ታ̈ና ኡሺ̇ኔ፤ ታ̈ኒ ዛቃ̇ ማ̈ቃ̇ር ዬይን፥ ዪንቲ̇ ታ̈ና ሞኪ̇ ኤኪ̇ኔ፤ 36ማኢዝ ኣፊላ ታ̈ና ዪንዶ̈ን፥ ዪንቲ̇ ታ̈ና ማኢሲኔ፤ ቴ ማንዶ̈ን፥ ዪንቲ̇ ታ̈ና ቤቂ̇ ታ̈ብ ኦዪንቲ̇ኔ፤ ቴ ቃሺንቲ̇ንዶ̈ን፥ ዪንቲ̇ ዬ̈ሪ ታ̈ና ኦይጪ̇ኔ’ ጋ̈ሬ።

37“ዪና̇ ኢዝባራ ጺላ̇ ኣሳን ታኮ ‘ጎዳ̈ዶ! ኔ̈ና ኣ̈ንታ̇ ጋፊ ዎን ኑ ቤቃ̇ር ኔ̈ና ሙሴ? ኔ ኣ̈ንታ̇ ባ̈ርሲንቲ̇ን ኑ ቤቃ̇ር ኔ̈ና ኡሼ̇? 38ኔ ኣ̈ንታ̇ ዛቃ̇ ማ̈ቃ̇ር ኑ̈ክ ዬ̈ይን ኑ ኔ̈ና ኑ ኣ̈ል ሞኪ̇ ኤኬ̇? ኔ̈ና ኣ̈ንታ̇ ኣፊላ ዪን ቤቃ̇ር ኑ ኔ̈ና ማኢሴ? 39ኔ ኣንታ̇ ማ ዎይ ቃቺ̇ንቲን ኑ ቤቃ̇ሪ ኔ̈ና ኦይጬ̇?’ ጌይሬ።

40“ታ̈ናር ኢንታ̇ኮ ‘ቴ ዪንታ̇ክ ኪን ጋ̈ሬ፥ ዓን ቴ ኢሺንታ̇ን ጋርታፖ ሌቂንቲ̇ኖ ማ̈ቂ̇ኖ ፔታ̇ናቦ ኦ̈ኖ ባዚንዳ ታ̈ብ ኦ̈ኖዲፌ̈ኔ’ ጋ̈ራ ማሃ̈ሬ።

41“ኢናፖ̇ ዓዲርስ ጎይ ዎንኮ ‘ዪኒቲ̇ ባ̈ዲንቲ̇ኖን! ታ̈ፖ̇ ጌዳ ጎቲ̇ብቴ! ሴ̈ጣናብኬ ኢ ኪ̈ታንቻ̇ንቦ ጊ̈ጊንቲ̇ኖ ሜናብ ቴይቂ̇ባ̈ሶ ታማ ጋርታ̇ ሉኪ̇ብቴ! 42ቴ ጋፊንቲ̇ን ዪንቲ̇ ታ̈ና ሙሳካ̇ዬ፥ ቴ ባ̈ርሲንቲ̇ን ዪንቲ̇ ታ̈ና ኡሻ̇ካዬ። 43ታ ዛቃ̇ ማ̈ቃ̇ር ዬ̈ይን ዪንቲ̇ ታ̈ና ሞካካ̇ዬ፤ ታ̈ና ማኢዝ ባዚ ዪን ዪንቲ̇ ታ̈ና ማኢሳካ̇ዬ፤ ታ̈ኒ ማ ቃቺ̇ንታ ዎቲንዶ̈ን ዪንቲ̇ ታ̈ና ኦይጫካ̇ዬ’ ጋ̈ሬ። 44ኢንታ̇ር ታ̈ኮ ‘ጎዳ̈ዶ ኔ̈ኒ ዎይዲ ጋፍሲንታ̇ ዎይ ባ̈ርሲንታ̇ ዎይ ዛቃ̇ ማ̈ቃ̇ ዎይ ኣፊላ ኔ̈ና ዪን ዎይ ማ ዎይ ቃቺ̇ንቲን ዎይዲ ቤቃ̇ሪ ኑ ኔ̈ና ማዳ̇ካ̇ይ ኣቴ̇?’ ጋ̈ሪ ማሂ̈ሬ። 45ታ̈ናር ኢንታ̇ኮ ‘ቴ ዪንታ̇ክ ኪን ጋ̈ሬ፥ ዓን ቴ ኢሺንታን ጋርታ̇ፖ ሜላ ኣቲ̇ን ሌቂንቲ̇ኖ ፔታ̇ናቦ ዪንቲ̇ ኦ̈ካዮንዳ ዪንቲ̇ ታ̈ባር ኦካዮዲፌ̈ኔ’ ጋ̈ሬ።

46“ዪ̈ኮታ̇ቦ ዓን ታ ጋልዳፖ̇ ፋጊንታ̇ሪ ሜናብ ጎይል ቤስ̇ ሉካ̇ምባራ ጺላ̇ን ሜናብ ሼምፓባር ዶኢዝ ቤስ̇ ሉኪ̇̈ሬ” ጌይዴ።

موجودہ انتخاب:

ማ̈ቶ̈ሳ 25: ኦጫ̈ቃማ

سرخی

شئیر

کاپی