ሉቃ̈ሳ 6

ዬሱ̈ሲ ሳምባታብ ላ̈

ማ̈ቶ̈ሳ 12፡1-8፤ ማ̈ርቆ̈ሳ 2፡23-28

1ፔታ̇̈ብ ሳ̈ዚ ሳምባታ ጋላስዶ̈ን ዬሱ̈ሲ ጎስ̇ ቲሽ ጋርሳባራ ኣ̈̇ምባር ኢ ታማ̈ራን ቲሽ ዱ̈ር ሺጪ̇ ሙንት ኤ̈̇ዴ። 2ፋራሳ̈ዋን ጋርታ̇ፖ ፔታ̇ን ፔታ̇ናን “ዪንቲ̇ ሳምባታ ጋላስ ካዪንቲ̇ኖ ባዝ ኣባብ ኦ̈̈ራ?” ጋ̈ር ኦይጪ̇ዴ።

3ዬሱ̈ሳሬ ኢንታ̇ኮ “ዳ̈ዊቲ ፔታ̇̈ብ ኢያ ጋፊ ዎን ፌባር ዎ ኣስንባር ዎልማ̈ቃ̇ሪ ዎቲኖ ባዚን ዪንቲ̇ ናባ̇ቢ ቤቃካ̇ያ? 4ኢ ጾ̈ሳ̇̇ ኬ̈ ጋርታ̇ ጌላሪ ኢያር ማ̈ቂ̇ን ኢባር ዎ ኣሳንር ማ̈ቂ̇ን ሞ̈ካ̇ይፌ̈ን ካዪንቲ̇ኖ ጾ̈ሳ̇̇̈ብ ዣ̈ርሺ̇ኖ ሶ̈ሊ̇ን ኤኪ̇ ፌ̈ብ ሙዪ ፌባር ዎንባር ኢሚ̇ዴ” ጌይዴ። 5ማ ዬሱ̈ሲ ኢንታ̇ኮ “ታ̈ኒ ኣሳ ናኣ̈ዲ ሳምባታቦ ላ̈” ጌይዴ።

ዬሱ̈ሲ ኩሺ ዎቢ̇ኖ ኣስ ፋዴ

ማ̈ቶ̈ሳ 12፡9-14፤ ማ̈ርቆ̈ሳ 3፡1-6

6ዬሱ̈ሲ ሜላ ሳምባታ ጋላስ ኣይሁድ ዎ̈ሳ ኬ̈ ጋርታ̇ ጌላሪ ታማ̈ርሳዚምባራ ኢና ኡሻች ኩሺ ዎቢ̇ኖ ፔቲ̇ ኣሲ ዎ። 7ሙ̈ሳ ሂጋ̇ ታማ̈ርሲዛንኬ ፋራሳ̈ዋን ኢያ ሞ̈ታንዳ̇ቦ ጎይ ኮዪ ሙታ̇ ዎን “ኢ ሳምባታባር ፋናካር ኣታ̇ናካሬ” ጋ̈ሪ ኢያ ና̈ጊ̈ርዶ̈ን፥ 8ዬሱ̈ሲ ኢንታ ቆፊን ኤራሪ ና̈ሳ ኩሽ ዎባ̇̈ኮ “ኣን ዲንዳ̇ራ ኣሳ ጊዳ̇ ኤቃ̇ቤ” ጌይን ና̈ሳ̈ዲ ዲንዳ̇ር ኤቂ̇ዴ።

9ዬሱ̈ሳሬ “ዪዚ ቴ ዪንታ̇ ፔቲ̇ ባዝ ኦይጫ̇ስቶ̇፥ ሳምባታ ጋላስ ኦ̈ ጌይኖንዳ̇ ኢ̈ታ ኦ̈ሳቤ ኮሽ ኦ̈ሳ? ሼምፓ ፋ ጌይኔቤ ይሶ̇ ጌይና?” ጌይዴ።

10ኢናፖ̇ ኢ ፌ ቡጊድባር ዎን ዎይ ጌዳክ ዓኒክ ቢሪንቲ̇ ቤቂኖፖ̇ ዓኒ ና̈ሳ̈ኮ “ኔ ኩሺን ዓኒ ቢላ̇ቤ” ጌይዴ። ና̈ሳ̈ዳር ኢ ጌይኖንዲፌ̈ን ዎቲን ኢ ኩሺን ዉርሳ ፋጻዴ። 11ኣሳን ዎይሊን ጎይሊ ሙታ̇ዶ̈ሪ “ኑ ና̈ሳ ዓ̈ ኢያ ዎዛ̈ርታ̇ኔ?” ጋ̈ሪ ዎልዎልኣ ሶ̈ሊንቲ̇ዴ።

ዬሱ̈ሲ ታጶ̇ ናምኢ ሃዋ̈ራታን ማራ̇ጺዴ

ማ̈ቶ̈ሳ 10፡1-4፤ ማ̈ርቆ̈ሳ 3፡13-19

12ኢናፖ̇ ዓኒ ፔቲ̇ ጋላስ ዬሱ̈ሲ ፔቲ̇ ኢንዳ̇ ጋልዳ ኬስካ̇ሪ ቃሚ̇ን ዎይ ጾ̈ሳ̇̇ ዎ̈ሲ̇ ሙታ̇ ኣቂዴ። 13ሳ̈ዚ ዎንቲ̇ን ፌ ታማ̈ራን ፌ̈ክ ጼይጋሪ ኢንታ̇ ጋርታ̇ፖ̇ ታጶ̇ ናምኣን ማራ̇ጺዴ። ኢንታ̇ብ “ሃዋ̈ራታ” ጌዪ ሱም ጋዲ̇ዴ። 14ኢንታ̇ሬ፦ ጴ̈ጥሮ̈ሳ ጌዪ ጼይጊንቲ̇ኖ ሲሞ̈ና፣ ኢ ኢሻ ኢንዲራ̈ሳ፣ ዓይቆ̈ባ፣ ዋ̈ኒ̇ሳ፣ ፊልጶ̈ሳኬ ባርታሎሞ̈ሳ፣ 15ማ̈ቶ̈ሳ፣ ቶ̈ማ̈ሳ፣ ኢልፎ̈ሳ ናኣ ዓይቆ̈ባኬ ፌ ጋዲምቦ̇ ሚጪንቲ̇ዛ ሲሞ̈ና፣ 16ዓይቆ̈ባ ናኣ ዪሁዳኬ ዎሃ ዬሱ̈ሳ ኢ ጻላ̈ታንቦ ኣ̈ ኢሚ̇ኖ ዪሁዳ ኣስቆሮቶ̈ዳ ዪን።

ዬሱ̈ሲ ዎይሊን ኣስ ታማ̈ርሲዴ ዎይሊንንር ፋዴ

ማ̈ቶ̈ሳ 4፡23-25

17ዬሱ̈ሳሬ ሃዋ̈ራታንባር ዎልኣ ኢንዲ̇ን ጋልዳ̇ፖ̇ ሶ̈ባሪ ፔቲ̇ ሻንካ̇ ቤስ̇ ጋልዳ̇ ኤቂ̇ዴ። ኢ ታማ̈ራን ጋርታ̇ፖ̇ ሺን ኢና ዎ። ማ ዪሁዳ ጋዳ̇ፖ ዎይ፣ ዬሩሳ̈ላማፖ̇፣ ባሃ̈ራ ላፍ ዎን ጢሮ̈ሳኬ ሲዶ̈ናፖ̇ ዬይኖ ዎይሊን ዎርዦ ኢና ዎ። 18ዪንሬ ዬይኖን ኢ ታማ̈ርሳ̇ዚን ሲስካ̇ንዳ̇ብኬ ፌ̈ና ማሲዝ ዓርጊን ጋርታ̇ፖ̇ ፋጻንዳ̇ቦ። ኢ̈ታ ኣያ̇ና ኢንታ̇ ኤ̈̇ን ቢጻ ቤቂ̇ዝ ኣሳንር ፋጺዴ። 19ፋዝ ዎልቆ̇ ኢ ጋልዳ̇ፖ ኬስካ̇ሪ ዎይ ፋዛኮታ̇ቦ ኣሲ ዎይ ኢያ ኤ̈̇ር ፋጻንዳ̇ብ ኮዪዴ። 20ኢያር ፌ ታማ̈ራን ቤቂ̇ ሙታ̇ ኢንታ̇ኮ፥

ጾ̈ሳ̇̇ ካ̈ቲቲን ዪንቴይ ማ̈ቂ̇ኖኮታ̇ቦ

ዪንቲ̇ ዎርባያን ኣንጂንቲ̇ኖን።

21ዪንቲ̇ ዓት ጋፍሲንቲ̇ኖን፥

ዎሃ ሚሽኪ̇ዛኮታ̇ቦ ዪንቲ̇ ኣንጂንቲ̇ኖን።

ዓት ዪንቲ̇ ዬ̈ኪ̇ዛን፥

ዎሃ ሚ̈ጪ̇ዛኮታ̇ቦ ዪንቲ̇ ኣንጂንቲ̇ኖን። 22ዪንቲ̇ ታ̈ና ኣሳ ናኣ ኣማ̇ኒዛኮታ̇ቦ ኣሳን ዪንታ̇ ሺሪንታ̇ጌይናሬ፥

ፌ ጊዳ̇ፖ̇ ኩሪ ዪንታ̇ ሌቂ̇ናካሬ፥

ኢ̈ታ ሱም ዪንታ̇ብ ኢሚ̇ናካሬ ዪንቲ̇ ኣንጂንቲ̇ኖን።

23ዪዚ ዪንታ̇ቦ ኣፋ ጴች ባዝ ኢሚ̇ዛኮታ̇ቦ፥ ዪ ዎይ ዪንታ̇ ጋልዳ ዬላ̇ዚምባራ ዪንቲ̇ ኡፋይቲ̇ ዶ̈ጚብቴ̇። ቲ̈ኖ ባ̈ቢንታ̇ንሬ ናባን ጋልዳ̇ ዪና̇ ኢዝፌ̈ን ኢ̈ት ኦ̈ኔ።

24ዪንቲ̇ ዱራን ዪንታ̇ ባዚ ኣዬ̇፤

ዪንቲ̇ ኮያዝ ባዚን ዎይ ዓት ዲጚኔ።

25ዪንቲ̇ ዓት ሚሽኪ̇ኖን ዪንታ̇ ባዚ ኣዬ̇፤

ዎሃ ዪንቲ̇ ጋፍሲንቲ̈ሬ።

ዪንቲ̇ ዓት ሚ̈ጪ̇ዛን ዪንታ̇ ባዚ ኣዬ̇፤

ዎሃ ዪንቲ̇ ሙዲዲ ዬ̈ኪ̈ሬ።

26ኣሲ ዎይ ዪንታ̇ ባዝ ኮሼ̇ ጌይን ቤርኢሲንቲ̇ኖን! ዪንታ̇ ባዚ ኣዬ̇፤

ቲ̈ኖ ኢንታ̇ ባ̈ቢንታ̇ን ዎርዳ ናባቦ ዪና̇ ኢዝፌ̈ን ዎቲኔ።

ኔ ጻላ̈ታ ዶሳቤ

ማ̈ቶ̈ሳ 5፡38-40፤ 7፡12

27ዪንቲ̇ ሲስኪ̇ዛንቦ ቴ ሶ̈ላ̈ሬ፦ ዪንታ̇ ጻላ̈ታን ካብቴ̇፤ ዪንታ̇ ኢጺ̇ዛንቦ ኮሽ ባዝ ኦ̈ብቴ፤ 28ዪንታ̇ ባ̈ዲ̇ዛን ኣንጂብቴ̇፤ ዪንታ̇ ጋልዳ ኢ̈ታባዝ ዎቲዛንቦ ዎ̈ሲ̇ብቴ። 29ኔ ቢዢን ፔታ̇ኒን ባቄ̇ጌይን ቢዢን ካንቲን ጉጃ̇ር ቤይሳቤ፤ ኔ ኮ̈ቲን ኤካ̇ንዳ̇ብ ኮዪዛ̈ቦ ኔ ሻሚዢን ካያፔ̇። 30ኔ̈ና ጌሺዛን ዎይንቦ ኢማ̇ቤ፥ ኔ ጋልዳ̇ፖ ኣሲ ኣባክ ኤኪ̇ኖ ባዝ ኔ̈ብ ማሂ ኢማ̇ምፔ̈ን ሞ̈ታ̈ፔ̇። 31ኣሳን ዪንታ̇ብ ዎታምፔ̇ን ዪንቲ̇ ኮያዚንዲ̇ፌ̈ኒ ዪንታ̇ሬ ዪና̇ ኢዝፌ̈ን ኢንታ̇ብ ዎቲብቴ̇። 32ዪንታ̇ ካዛን ሙታ̇ ዪንቲ̇ ካጌይን ዪንታ̇ ኣ ማ̈ዳ̈ራ? ናጋራንቻ̇ንር ማ̈ቂ̇ን ፌ̈ና ካዛን ካ̈ሬ። 33ዪንታ̇ብ ኮሽ ኦ̈ኖ ኣሳንቦ ዪንቲ̇ ኮሽ ኦ̈ጌይን ዪንታ̇ ኣ ማ̈ዳ̇̈ራ? ናጋራንቻ̇ንር ማ̈ቂ̇ን ዪና̇ ኢዝፌ̈ን ዎቲ̈ሬ። 34“ቴ ኢ̈ብ ታልቄጌይን ታ̈ብ ማሂ ኢሚ̇̈ሬ” ጋ̈ር ታልቄጌይን ዪንታ̇ ኣ ማ̈ዳ̇̈ራ? ናጋራንቻ̇ንር ማ̈ቂ̇ን ፌ ታልቂ̇ኖን ማሂ ኤካ̇ንዳ̇ ጋ̈ሪ ናጋራንቻ̇ንቦ ታልቂ̇̈ሬ። 35ዪንቲ̇ ዪንታ̇ ጻላ̈ታን ዶሲብቴ̇፤ ኢንታ̇ብ ኮሽ̇ ባዝ ኦ̈ብቴ̇፤ ማሃር ኤካ̇ንዳ ጋ̈ር ቆፓ̇ካ̇ይዶ̈ር ኢንታ̇ብ ታልቂ̇ብቴ̇። ዪኒ̇ባራ ዪንታ̇ ዋ̈ጋ ጴች ማ̈ቂ̇̈ሬ፤ ዪንታ̇ሬ ዎይ ዳንዳኢኖ ጾ̈ሳ̇̇̈ቦ ናኢ ማ̈ቂ̇̈ሬ። ኣባ ጌይንዶ̇ ኢ ፌ̈ና ጋላቲባ̈ሶንብኬ ኢ̈ት ኦ̈ዛንባሬ ኮሼ̇። 36ዪንታ̇ ባ̈ባ ኣሳብ ሚጪንታ̇ዚንዲፌ̈ኒ ዪንታ̇ር ኣሳቦ ሚጪንቲ̇ዛን ማ̈ቂ̇ብቴ።

ኣሳ ጋልዳ ፊርዳፒ̇ቴ

ማ̈ቶ̈ሳ 7፡1-5

37ጾ̈ሲ̇ ዪንታ̇ ጋልዳ̇ ፊርዳካ̇ዮ̈ዲፌ̈ኒ ዪንቲ̇ ኣሳ ጋልዳ ፊርዳፒ̇ቴ። 38ኢሚ̇ብቴ ዪንታ̇ብ ኢሚ̇ንቲ̇̈ሬ፤ ኮሺንቺ̇ ቃይቂ̇ ኩም ማካ̇ር ኢሪጚር ዪንታ̇ብ ኢሚ̇̈ንቲ̇̈ሬ አባጌይን ዪንቲ̇ ማኪ̇ኖ እቂን ኢዝባር ዪንታ̇ብ ማኪንቲ̇̈ሬ።

39ማ ዬሱ̈ሲ ሚሳ̈̇ሊባር ኢንታ̇ቦ ዪዝ ጋ̈ሪ ሶ̈ሊዴ “ኣ̈ፍ ዎቢ̇ ሜላ ኣ̈ፍ ዎባ̇ ቲ̈ናንዳ̇ ዳንዳኢ̈ራ? ቲ̈ኒዝ ባዝ ማ̈ቄጌይን ናምኣን ዎል ኤካ̇ር ጋጋ ሉኪ̇ባ̈ሳ? 40ታማ̈ሪ ፌ ኣስታማ̈ራፖ̇ ሺባ̈ሴ፤ ማ̈ቂ̇ናካሬ ኮሺንቺ̇ ታማ̈ሪኖ ኣሲ ዎይ ፌ ኣስታማ̈ራዲፌ̈ን ማ̈ቂ̇̈ሬ።”

41ኔ ኔ ኣ̈ፊን ጋርታ̇ ዎ ቱ̈ሲ̇ን ቤኣካ̇ይዶራ ኔ ኢሻ ኣ̈ፊን ጋርታ̇ ዎ ቡ̈ሪን ኣባቦ ቤቃ̇ራ? 42ኔ ኔ ኣ̈ፊን ጋርታ̇ ዎን ቱ̈ሲን ቤቃካ̇ይዶ̈ራ ኔ ኢሻ̈ኮ “ቴ ኢሻ̈ዶ! ኔ ኣ̈ፊን ጋርታ̇ ዎ ቡ̈ሪን ኔ̈ብ ቴ ኬሳ̇ኖ?” ጋ̈ራ ዎዛርፌ̈ን ኦይጫ̇ንዳብ ዳንዳኣ̈ራ? ኔ ኣሳ ቲ̈ን ኮሽ ማይጻር ቤንታ̇ንዳብ ኮዪዛዶ! ቲ̈ኒታር ኔ ኔ ኣ̈ፊን ጋርታ̇ ዎ ቱ̈ሲ̇ን ኬሳ̇ቤ፤ ዪኒ̇ፖ ዓኒ ኔ ኢሻ ኣ̈ፊን ጋርታ̇ ዎ ቡ̈ሪን ኬሳ̇ንዳቦ ኔ ኮሺንቻ̇ ቤቃ̇ንዳ̇ብ ዳንዳኣ̈ሬ።

ሚ ፌ ካጻ̇ዝ ኣ̈ፊንባር ኤሪንቲ̈̇ሬ

ማ̈ቶ̈ሳ 7፡16-20፤ 12፡33-35

43ኮሽ ሚ ኢ̈ት ኣ̈ፍ ካጺ̇ዛ ባዬ፤ ኢ̈ት ሚር ኮሽ ኣ̈ፍ ካጺ̇ባ̈ሴ። 44ሚ ዎይ ፌ ካጻ̇ዝ ኣ̈ፊንባር ኤሪንቲ̈ሬ። ጉርጪንቻ̇ ጋልዳ̇ፖ̇ ኤ ሉ̈ቃ ዱ̈ባ̈ሴ፤ ላዳ ጋልዳፖ ኦቻ̇ ኣ̈ፍ ሱንቲባ̈ሴ። 45ኮሽ ኣሲ ኢ ቡ̈ዲን ጋርታ̇ ዎ ኮሽ ቆፊምፖ̇ ኮሽ ባዝ ሶ̈ሊ̈ሬ፤ ኢ̈ት ኣሲ ኢ ቡዲን ጋርታ̇ ኢ̈ታ ባዝ ዎኮታ̇ቦ ኢ̈ታ ባዝ ሶ̈ሊ̈ሬ። ኣሲ ፌ ቡ̈ዲን ጋርታ̇ ኩማር ሺኖ ባዝ ፌ ኖ̈ናባር ሶ̈ሊ̈ሬ።

ኬ̈ ኬ̈ጺኖ ቦ̈ዛኬ ኤጫ ኣስ ሚሳ̇̈ሊ

ማ̈ቶ̈ሳ 7፡24-27

46“ቴ ዪንታ̇ክ ጋ̈ዚን ዪንቲ̇ ዎቲባ̈ስዶሪ ኣባብ ታ̈ኮ ‘ጎዳ̈ዶ! ጎዳ̈ዶ!’ ጌይራ? 47ታ̈ክ ዬይዝ ኣስኬ ታ ቃ̈ሊን ሲስካ̇ር ፎቲዝ ኣሲ ዎይ ኢ ኦ̈ና ማይጺ̈ርኮ ቴ ዪንታ̇ ቤይሳስቶ̇፤ 48ኢ ኬ̈ ቤስ̇ ኮሺንቺ̇ ጋ̈ጪ̇፥ ኮሺንቺ̇ ዶ̈ቺ̇ ቦ̈ኪ̇ ሹች ዪ̈ጺ̇ ቶላር ኬ̈ጺ̇ኖ ኣስ ማይጺ̈ሬ። ኬ̈ን ዪኖ̇ ዲኣ ዬ̈ሪ ሱጊዴ። ኬ̈ን ኮሺንቻ ኬ̈ጺንቲ̇ኖኮታ̇ቦ ኤንኢሳንዳ̇ ዳንዳኣካ̇ዬ። 49ታ ቃ̈ሊን ሲስካ̇ር ና̈ጊባ̈ሶ ኣሲ፥ ና̈ሳ ኬ̈ ቤሲ̇ ኮሺንቺ̇ ጋ̈ጪ̇፥ ሹች ዪ̈ጺ̇ ዎታካ̇ይዶ̈ር ሜላ̇ ሳ̈ዝ ጋልዳ̇ ኬ̈ጺኖ ኣስ ማይጺ̈ሬ፤ ዪኖ̇ ኬ̈ንዶ̇ ዲኣ ዬ̈ሪ ሱጊን ኤሊ̇ባር ዪርዳዴ፤ ኢ̈ት ዪርዲ ዪርዳር ኣታ̇ዴ።”

موجودہ انتخاب:

ሉቃ̈ሳ 6: ኦጫ̈ቃማ

سرخی

شئیر

کاپی