ၥ မိ 7
7
7
ထံၫလုၬဘံၭဆၧအဂဲး.
1တၭယဟိဝၩ စံၭစနိအၫ, ဂဲၫနုၬနဝ့ၫ, ဒဲနၡၩဂံၪ့ဖိၪ ထီးအလူၬ လၧတလၫဖၭဒိၪအဖၧၩ့ယီၩဆံၭ, အဂဲးဘဲၫ ယီၩ နဝ့ၫဒၪယီၩယဒၪန့နၧၩ လၧၦအတီၩအလီၩ့လၧ 2ယမ့ၬယၫ လၧၦလဆိၩယီၩအကျၩလီၫ.- ကယဲဆၧ ဖိၪဆၧဎါ လၧအဆံၫ့အကျၩနီၪ, နမိဘၪမၩန့နွ့ၫဒုၩနွ့ၫ ဒုၩ,အမိဒဲအဖၫ, ဒဲလၧဆၧဖိၪဆၧဎါ အလဆံၫ့ဘၪအ 3ကျၩနီၪ, နံၫဒုၩနံၫဒုၩအမိဒဲအဖၫလီၫ.- လၧထိၪၥံၪလံၪ ၥံၪ လၧဆၧဖိၭဖၫ့အကျၩနီၪ, နမိဘၪမၩန့နွ့ၫဘံၪ့နွ့ၫ ဘံၪ့ဆ့,အမိဒဲအဖၫ ဘဲၫၥိၭအချံၫအၥၪ မိမၧၫ့ထၪ့လၧ 4ဂၪ့ခိၪချိၫ့ထၧၫ့ဖျိၪ့ယၫလီၫ.- အဂဲးဘဲၫယီၩ နွ့ၫနံၩဖီၩ့ ခွံၬတၭ,ယမိအၪ့မၧၫ့ဆၧ ဂဲၫဆၧၩ့လၩ့အနံၩ လံဆံၫဒဲ အနၩလံဆံၫ လၧဂၪ့ခိၪချိၫ့တၭ, ကယဲဆၧအၥၭမၧၫ့ လၧယမၩကဲၪထၪ့လမံၩ့လါလါနီၪ, ယမိထူၭခွံၬဝ့ၫလၧ ဂၪ့ခိၪချိၫ့လီၫ.
5တၭစနိအၫမၩကယဲဆၧလၧ ယဟိဝၩမၪလူၬဝ့ၫနီၪ 6လီၫ.- တၭလၧထံၫလုၬဘံၭခွံၬ ဆၧအီၪဝ့ၫလၧဂၪ့ခိၪ ချိၫ့နီၪစနိအၫအၥၭၡါအနံၪ့ဎူၫယၩလီၫ.
7တၭစနိအၫဒဲအဖိၪခွၫၥံၪ, ဒဲအမၫ, ဒဲအဖိၪခွၫအမၫ ၥံၪအီၪလၧအၥိၭနီၪ, လ့ၩနုၬလၧတလၫဖၭဒိၪအဖၧၩ့ 8လၧထံၫမိလုၬဘံၭဆၧအကၠီၩ့လီၫ.- လၧဆၧဖိၪဆၧဎါ အဆံၫ့, ဒဲလၧဆၧဖိၪဆၧဎါအလဆံၫ့ဘၪ, ဒဲလၧထိၪၥံၪ လံၪၥံၪ, ဒဲကယဲဆၧလၧအစွၩ လၧဂၪ့ခိၪချိၫ့လမံၩ့လါ 9လါအကျၩ,- နံၫဒုၩနံၫဒုၩနီၪ လ့ၩနုၬလၧတလၫဖၧၩ့ လၧစနိအၫအအီၪ, အမိဒဲအဖၫဘဲၫယွၩမၪလူၬစနိအၫ 10အၥိၭနီၪလီၫ.- ဆၧမၩအၥၭလၧနွ့ၫနံၩဖီၩ့ခွံၬတၭ ထံၫလုၬဘံၭဆၧအီၪထၪ့ဝ့ၫ လၧဂၪ့ခိၪချိၫ့လီၫ.
11လၧစနိအၫအၥၭၡါ အနံၪ့ဎူၫယၩလၩနံၫဘံၪ့လဘံၪ့ ဒဲလၩထၪ့လဆံၫနွ့ၫနံၩလနံၩနီၪ, ဆၧယိၬဖၧၩ့ဖၭဒိၪ အထံၫထၪ့ဖျိၭအလး ဘုၪ့ဖိးထၪ့အၥၭတၭ, ဒဲမူၭခိၪ 12အဆၧဖိးဝဲထၪ့အၥၭလီၫ.- တၭဆၧဆၧၩ့လၩ့ဖၭဒိၪ 13လၧဂၪ့ခိၪအနံၩလံဆံၫအနၩလံဆံၫလီၫ.- ဆၧလၧမုလ နံၩနီၪစနိအၫ, ဒဲစနိအၫအဖိၪခွၫၥံၪ, စၡံၫ့, စဟၫ့ဒဲစယၫ ဖ့ၭလဖၪ, ဒဲစနိအၫအမၫ, ဒဲအဖိၪခွၫလဖၪအမၫၥၧၫ့ ဂၩအီၪလၧအၥိၭနီၪ, လ့ၩနုၬဝ့ၫ လၧတလၫဖၭဒိၪအ 14ဖၧၩ့လီၫ.- အဝ့ၫၥံၪဒဲကယဲဆၧအၥၭမၧၫ့ လမံၩ့လါလါ, ဘဲၫအဆၨၩဒၪဝ့ၫအၥိၭ, ဒဲကယဲဆၧဖိၪဆၧဎါဘဲၫအ ဆၨၩဒၪဝ့ၫအၥိၭ, ကယဲဆၧအစွၩ လၧဂၪ့ခိၪချိၫ့ဘဲၫအ ဆၨၩဒၪဝ့ၫအၥိၭ, ဒဲကယဲထိၪၥံၪလံၪၥံၪ ဘဲၫအဆၨၩ ဒၪဝ့ၫအၥိၭတၭ, ကယဲဆၧအီၪ လၧအဒံၭလမံၩ့လါ 15လါနီၪလီၫ.- တၭအဝ့ၫၥံၪလ့ၩနုၬ လၧတလၫဖၭဒိၪအ ဖၧၩ့လၧစနိအၫအၥိၭ နံၫဒုၩနံၫဒုၩ လၧကယဲဆၧယၪ အကျၩ,ကယဲဆၧမၧၫ့အၥၪအီၪဝ့ၫ လၧအဖၧၩ့လီၫ. 16တၭဆၧလၧအလ့ၩနုၬလဖၪနီၪ အမိဒဲအဖၫ, လၧကယဲ ဆၧယၪအကျၩ, ဘဲၫယွၩမၪလူၬဝ့ၫအၥိၭနီၪလီၫ. တၭ ယဟိဝၩကၭဘံၭထၬဝ့ၫ လၧအလးခဲၫ့လီၫ.
17ထံၫလုၬဘံၭဆၧနီၪ အၥၫ့လံဆံၫ လၧဂၪ့ခိၪချိၫ့တၭ, ထံၫဒိၪထၪ့ထီးအဆိၬ တလၫဖၭဒိၪ လၧဂၪ့ခိၪအဖၫ့ခိၪ 18နီၪတၭ, ထၪ့ဖီၫဝ့ၫဒၪလီၫ.- ထံၫဆီၪ့ထၪ့နီၪ ဒိၪထၪ့အၪ အၪလ့ၬလၧဂၪ့ခိၪချိၫ့တၭ, တလၫဖၭဒိၪလ့ၩဆၧလၧ 19ထံၫဖံၭခိၪလီၫ.- ထံၫဒိၪထၪ့ဆီၪ့ဆီၪ့လ့ၬ, ဆီၪ့ဆီၪ့ လ့ၬလၧဂၪ့ခိၪချိၫ့တၭ, ကယဲခိၪလီၩ့အထီၫလၧမူၭခိၪ 20ထၧၫ့ဘံၪ့ယၫအဖၫ့လၬနီၪ လၩ့ဘံၭခွံၬဝ့ၫဒၪလီၫ.- ထံၫ ဒိၪထၪ့အထၪ့ထီၫနီၪ လဆံၫယဲဖျါတၭ, ခိၪလီၩ့ၥံၪလၩ့ ဘံၭခွံၬဝ့ၫဒၪလီၫ.
21တၭကယဲဆၧယၪ လၧအဂဲၩလၧဂၪ့ခိၪချိၫ့,ထိၪၥံၪ လံၪၥံၪမွဲဂ့ၩ, ဆၧဖိၪဆၧဎါအဒိၩ့မွဲဂ့ၩ, ဆၧဖိၪဆၧဎါ အမံၩ့မွဲဂ့ၩ, ကယဲဆၧအစွၩ လၧဂၪ့ခိၪချိၫ့မွဲဂ့ၩ, ကယဲ 22ၦၡၩကိၭအဂၩမွဲဂ့ၩ, ၥံၫဝ့ၫဒၪထီးအလူၬလီၫ.- တၭ ဆၧထီးအလူၬ လၧဆၧမၧၫ့ အၥၪအီၪ လၧအနၫဖၧၩ့ လၧအအီၪလၧခီၫ့ယီၩ, ၥံၫဝ့ၫဒၪ ကိၭအမံၩ့ဒ့ၭလီၫ. 23တၭကယဲဆၧအၥၭမၧၫ့ လၧဂၪ့ခိၪချိၫ့, ၦၡၩဖိးလၧဆၧ ဖိၪဆၧဎါ, ဒဲဆၧအစွၩအဂဲၩ, ဒဲထိၪၥံၪလံၪၥံၪ လၧဆၧ ဖိၭဖၫ့နီၪ, ဘၪဆၧထူၭခွံၬ ထီးအလူၬလီၫ. အဝ့ၫၥံၪ ဘၪဆၧထူၭခွံၬ လၧဂၪ့ခိၪချိၫ့တၭ, အီၪလၩ့ထးန့ၫစနိ အၫဒဲၦလၧအအီၪ လၧအၥိၭ လၧတလၫဖၭဒိၪအဖၧၩ့ 24နီၪလီၫ.- တၭထံၫအီၪဂုးခၧၫ့ လၧဂၪ့ခိၪချိၫ့အၥၫ့လယၩ ယဲဆံၫလီၫ.
موجودہ انتخاب:
ၥ မိ 7: pwokyn2
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Pwo Kayin Bible © Bible Society of Myanmar, 1883.