Apanll chtarangu 5
5
Ashiriya, natshat kamanchintspa yuwaatssha Atagarinchich pzapaneerangana anootsshita
1bIchtakachuri Apanll tputseem waana tamaparee ashiru tinarangiya. 2Minum kamuz, anumunsha minumtam kiz ashiru#5.2 Matiwa 19.4; Márkosa 10.6 tsiyatsis nipta tatsamooru taaritamta. Tinayaru, Apanllsha, Nee, Tputsee, atina; watam nuw tamaparee ashiru chinakanawa, tárangiya. Apanllsha anoo tputs kizpur chinarangiya.
3Atagarin mang taarangiya 130 masachirini yuwapur Setaa iparinarangu anpur zari. Setshat wapar wach tamapari ashtamaru nllurtarangiya. 4Anumunsha zapish Atagarini 800 masachiri taarangiya. Anush wip arangshat pzapaneerangiya; kamuztam mishat kizatam ashiru taarangiya. 5Ashiriya, zapishshat Atagarini 930 masachirini taaramchu, anush tsiparangiya.
6Anumunshat, Setshat mang 105 masachirini taaramchu anush Enosaa iparinarangiya. 7Enosaa iparinachu anumunsha arang 807 masachirini taarangiya. Wipshat anush uwshat arang iparinarangiya kamuztam mishat kizatamta. 8Ashiriya, zapishshat Setarini 912 masachirini tatsamoochu anush tsiparangiya.
9Anumunshat, Enosarinshitini 90 masachirini tatsamooramchu anush iparinarangiya. Wipaa Kayinaga sur ísamarangiya. 10Anumunshat arang Enosarini 815 masachirini taarangiya. Wipsha anush uwshat arang iparinarangitamta kamuztam mishat kizatamta. 11Ashirucha, zapishshat Enosarini 905 masachirini tatsamoochu anush tsiparangiya.
12Anumunshat, Kayinagarinshitini 70 masachirini taaramchu anush iparinarangiya. Wipaa Malalela sur ísamarangiya. 13Anumunshat arang Kayinagarini 840 masachirini mang taarangiya. Wipsha anush uwshat arang iparinarangitamta kamuztam mishat kizatamta. 14Ashirucha, zapishshat Kayinagarini 910 masachirini tatsamoochu anush tsiparangiya.
15Anumunshat, Malalelarinishitini 75 masachirini taaramchu anush iparinarangiya. Wipaa Hareta sur ísamarangiya. 16Anumunshat arang Malalelarini 830 masachirini mang taarangiya. Wipsha anush uwshat arang iparinarangitamta kamuztam mishat kizatamta. 17Ashirucha, zapishshat Malalelanini 895 masachirini tatsamoochu anush tsiparangiya.
18Anumunshat, Haretarinishitini 162 masachirini taaramchu anush iparinarangiya. Wipaa Enokaa sur ísamarangiya. 19Anumunshat arang Haretarini 800 masachirini mang taarangiya. Wipsha anush uwshat arang iparinarangitamta kamuztam mishat kizatamta. 20Ashirucha, zapishshat Haretarini 962 masachirini tatsamoochu anush tsiparangiya.
21Anumunshat, Enokarinshitini 65 masachirini taaramchu anush iparinarangiya. Wipaa Matusalemaa sur ísamarangiya. 22Anumunshat arang Enokarini 300 masachirini mang taarangiya. Wipsha anush uwshat arang iparinarangitamta kamuztam mishat kizatamta. 23-24Washunandari Enokarini 365 masachirini taarangiya. Anush mang Enokarini Apanllee kizpur chinarangiya. Apanllee kuk payurangiya. Ashirucha, Apanllsha Enokaa yamakchu, Enokshat tsípata ashirangiya. Enokarini nda tsiparangiya.
25Anumunshat, Matusalemarinishitini 187 masachirini taaramchu anush iparinarangiya. Wipaa Lamekaa sur ísamarangiya. 26Anumunshat arang Matusalemarini 782 masachirini mang taarangiya. Wipsha anush uwshat arang iparinarangitamta kamuztam mishat kizatamta. 27Ashirucha, zapishshat Matusalemarini 969 masachirini tatsamoochu anush tsiparangiya.
28Anumunshat, Lamekarinshitini 182 masachirini taaramchu anush iparinarangiya. Wipaa Nowe sur ísamakchu, 29anush tárangiya; Sirú Apanll tsapoo mbamaam wayarangu, iysha tarawaztakuni, kiyung kachiyarangani. Itaru, nimandana iparimandi ndushaparee kiyung kachiychiniya, tárangiya Lamekarini. 30Anumunshat arang Lamekarini 595 masachirini taarangiya. Wipsha anush uwshat arang iparinarangitamta kamuztam mishat kizatamta. 31Ashirucha, zapishshat Lamekarini 777 masachirini tatsamoochu anush tsiparangiya.
32Anumunshat, Nowerinshitini mang masachirini 500 tatsamooramchu anush wip kamuzanand tuchip wanindarangiya. Suroo ísamarangiya iwachiztamaa Simo, mishat Kamu, mishat Hapeta ashpamuna.
Ashiriya, na kamaneena yuwaa Atagarini wip Setchich pzapaneerangana anootsi.
موجودہ انتخاب:
Apanll chtarangu 5: cbu
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2010, Wycliffe Bible Translators, Inc. All rights reserved.