زِکَرئیّا 5
5
آلتینجی رؤیا: اوچان طومار
1من گئنه باشیمی قالدیریب باخاندا اوچان بئر طومار گؤردوم. 2مَلَک مندن سوروشدو: «نه گؤرورسن؟» جاواب وردئم: «اوچان بئر طومار گؤرورَم: اونون اوزونلوغو ائیئرمی قولآچ#5:2 تقرئبن ۹ متر، اِنی ده اون قولآچدیر#5:2 تقرئبن ۵/۴ متر.» 3او ددی: «بو او لعنتدئر کی، بوتون یِر اوزونه گلهجک. طومارین بئر اوزونه یازیلانلارا موطابئق، اوغورلوق ادن هر کس کَسئلئب آتیلاجاق، او بئری اوزونه یازیلانلارا موطابئق ده یالاندان آند ائچَن هر کس کَسئلئب آتیلاجاقلار. 4لعنت گؤندَرهجیم.» قوشونلار ربّی بویورور، «اوغرونون اِوئنه و منئم آدیملا یالاندان آند ائچَن آدامین اِوئنه لعنت گئرهجک، او اِوئن ائچئنده قالاجاق، تاختالاری و داشلاری ائله بئرلئکده اونو ییخیب محو ادهجک.»
یدّئنجی رؤیا: اؤلچو قابینداکی آرواد
5سونرا منئمله دانیشان مَلَک یاخینلاشیب ددی: «باشینی قالدیر، اورتایا چیخان بو شیئن نه اولدوغونا باخ.» 6من سوروشدوم: «بو نهدئر؟» او، جاواب وردی: «بو اورتایا چیخان شی بئر اؤلچو#5:6 عئبرانی دئلئنده «اِفا». ۲۲ لئتئرلئک بئر اؤلچو قابیدیر.» سونرا علاوه اتدی: «بو بوتون اؤلکه خالقینین تقصئریدئر.» 7او واخت قابین قورغوشون قاپاغی قالدیریلدی. قابین ائچئنده بئر آرواد اوتورموشدو. 8مَلَک ددی: «بو آرواد پئسلئکدئر.» و آروادی اؤلچو قابینین ائچئنه آتیب اوستونه قورغوشون قاپاغینی باسدی.
9من باشیمی قالدیریب باخاندا گؤردوم کی، ائکی آرواد چیخدی، اونلارین قانادلاریندا کولَک وار ائدی. اونلارین لِیلَک قانادلارینا بَنزهر قانادلاری وار ائدی. اونلار قابی یِرله گؤی آراسینا قالدیردیلار. 10منئمله دانیشان مَلَکدن سوروشدوم: «قابی هارایا آپاریرلار؟» 11او منه ددی: «شئنعار#5:11 یعنی بابئل اؤلکهسئنه آپاریرلار کی، اورادا اونا بئر اِو تئکسئنلر. اِو حاضیر اولاندا قاب اورایا، اؤز یرئنه قویولاجاق.»
موجودہ انتخاب:
زِکَرئیّا 5: موقدس کتاب
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© Elam Ministries 2013. All rights reserved.