متّا 7
7
حؤکم اتمه‌یئن
(لوقا 6:37-38، 41-42)
1حؤکم اتمه‌یئن کی، سئزه ده حؤکم اولونماسین. 2چونکی نه حؤکمله موحاکئمه اده‌سئنئز، اونونلا دا موحاکئمه اولوناجاقسینیز؛ و هانسی اؤلچو ائله اؤلچه‌سئنئز، او اؤلچو ائله ده سئزه اؤلچوله‌جک. 3نه اوچون قارداشینین گؤزونده‌کی چؤپو گؤرورسن، لاکئن اؤز گؤزونده اولان تئری سچمئرسن؟! 4اؤز گؤزونده تئر اولدوغو حالدا، قارداشینا نجه دیئرسن کی، قوی گؤزونده‌کی چؤپو چیخاردیم؟! 5ای رئیاکار! قاباقجا اؤز گؤزوندن تئری چیخارت، او زامان یاخشی گؤررسن کی، قارداشینین گؤزونده‌کی چؤپو نجه چیخارداسان.
6موقدّس سایدیغینیز شیلری ائتلره ورمه‌یئن و مئروارئلرئنئزی دونگوزلارین قاباغینا آتمایین کی، اونلاری آیاقلاری آلتیندا پایمال اتمه‌سئنلر و دؤنوب سئزی ده پارچالاماسینلار.
تاریدان ائسته‌یئن
(لوقا 11:9-13)
7ائسته‌یئن، سئزه ورئله‌جک؛ آختارین، تاپاجاقسینیز؛ قاپینی دؤیون، سئزه آچیلاجاق. 8چونکی هر ائسته‌ین آلیر؛ آختاران تاپیر؛ و قاپی، اونو دؤینه آچیلیر. 9سئزدن کئم وار کی، اوغلو اوندان چؤرک ائسته‌ین واخت، اونا داش ورسئن؟! 10و یا بالیق ائسته‌ین واخت، اونا ائلان ورسئن؟! 11بله‌جه، اگر سئز، پئس اولدوغونوز حالدا، اؤولادلارینیزا یاخشی هدئیّه‌لر ورمه‌یی بئلئرسئنئز، نه قدر آرتیق گؤیده اولان آتانیز اوندان ائسته‌ینلره یاخشی شیلر وره‌جک. 12بونا گؤره، ائنسانلارین سئزئنله نجه رفتار اتمکلرئنی ائسته‌یئرسئنئز، سئز ده اونلارلا اله رفتار ادئن. چونکی شرئعت و پیغمبرلرئن ددئکلری بودور.
دار قاپی، گنئش قاپی
(لوقا 13:24)
13دار قاپیدان گئرئن؛ چونکی هلاکا آپاران قاپی گنئش و یول اِنلئدئر؛ بو قاپیدان گئرنلر چوخدور. 14حیاتا آپاران قاپی دار و یول اِنسئزدئر؛ بو یولو تاپانلار آزدیرلار.
آغاج و میوه‌سی
(متّا 12:33-35، لوقا 6:43-44)
15یالانچی پیغمبرلردن اؤزونوزو اوزاق ساخلایین کی، یانینیزا قویون جئلدئنده گلئرلر، آمّا باطئنده وحشی قورددورلار. 16اونلاری میوه‌لرئندن تانییاجاقسینیز. مگر تئکانلاردان اوزوم و قانقالدان انجئر دررلر؟! 17بله‌جه، هر یاخشی آغاج یاخشی میوه وِرَر؛ لاکئن پئس آغاج پئس میوه گتئرر. 18یاخشی آغاج پئس میوه وره بئلمز؛ پئس آغاج دا یاخشی میوه وره بئلمز. 19یاخشی میوه ورمه‌ین هر آغاج کسئلر و اودا آتیلار. 20بله‌جه، یالانچی پیغمبرلری میوه‌لرئندن تانییاجاقسینیز.
21منه ”یارب، یارب“ دئین هرکس گؤیلرئن پادشاهلیغینا گئرمیه‌جک. اورایا آنجاق او آداملار گئره‌جکلر کی، گؤیده‌کی آتامین ائراده‌سئنه عمل ادئرلر. 22او گونده بئر چوخو منه دئیه‌جک: ”یارب، یارب، مگر بئز سنئن آدیندا نبئلئک اتمه‌دئک؟! مگر سنئن آدیندا ناپاک روحلاری ائنسانلارین ائچئندن قوومادیق؟! مگر سنئن آدیندا بئر چوخ مؤجوزه اتمه‌دئک؟!“ 23او زامان اونلارا دئیه‌جه‌یم: ”من سئزی هچ واخت تانیمامیشام. گؤزومون قاباغیندان ائتئن، سئز ای حاقسیزلیق ادنلر!“
مؤحکم بونؤوره
(لوقا 6:47-49)
24بله‌جه، منئم بو سؤزلرئمی کئم اشئدئب اونلارا عمل اتسه، اونو او آغیلّی آداما بنزه‌دئرم کی، اِوئنی داش اوستونده تئکدی. 25یاغیش یاغدی، سللر گلدی، یللر اسدی و او اِوه هوجوم اتدی. آمّا اِو اوچمادی. چونکی بونؤوره‌سی داش اوستونده قویولموشدو. 26لاکئن منئم بو سؤزلرئمی کئم اشئدئب اونلارا عمل اتمه‌سه، اونو او آغیلسیز آداما بنزه‌دئرم کی، اِوئنی قوم اوستونده تئکدی. 27یاغیش یاغدی، سللر گلدی، یللر اسدی و او اِوه هوجوم اتدی. و اِو اوچدو و اونون ییخیلماسی بئر موصئبت اولدو.»
28عئسا بو سؤزلری بئتئرندن سونرا، خالق اونون تعلئمئندن حیران قالمیشدی. 29چونکی اونلارا دئن عالئملری کئمی یوخ، ائقتئدار صاحئبی کئمی تعلئم ورئردی.
موجودہ انتخاب:
متّا 7: موقدس کتاب
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© Elam Ministries 2013. All rights reserved.
