متّا 22
22
توی ضئیافتئنئن مثلی
(لوقا 14:15-24)
1عئسا گئنه اونلارا مثل‌لر‌له دانیشیب ددی: 2«گؤیون پادشاهلیغی اوغلونا توی ضئیافتی ورن بئر پادشاها بنزه‌ر. 3او، قوللارینی گؤندَ‌ردی کی، توی ضئیافتئنه دعوت اولونانلاری چاغیرسینلار، آمّا اونلار گلمک ائستمه‌دئلر. 4پادشاه اؤزگه قوللاری بئر داها گؤندَ‌رئب اونلارا ددی: ”دعوت اولونانلارا دیئن کی: باخین، سوفرم حاضیردیر؛ اؤکوزلر و بسلنمئش ماللار کسئلمئش، هر شی حاضیردیر. توی مجلئسئنه گلئن.“
5لاکئن اونلار اعتئنا اتمه‌یئب اؤز یوللارینا گتدئلر؛ بئرئسی زمئسئنه، بئرئسی تئجارتئنه گتدی. 6قالانلاری دا اونون قوللارینی توتدولار و تحقئر ادئب اؤلدوردولر. 7پادشاه قضبلندی و قوشونلارینی گؤندَ‌رئب، او قاتئل‌لری محو اتدی، شهرلرئنی ده یاندیردی. 8او زامان قوللارینا ددی: ”توی مجلئسی حاضیردیر، لاکئن چاغیریلمیش قوناقلار بونا لایئق دیئلدئرلر. 9کوچه‌لر باشینا گدئن و تاپدیغینیز هر آدامی توی مجلئسئنه دعوت ادئن.“
10بله‌جه، قوللار یوللارا چیخدیلار، یاخشیدان پئسدن تاپدیقلاری هر کسی ییغدیلار و توی مجلئسی قوناقلارلا دولدو. 11پادشاه قوناقلاری گؤرمک اوچون مجلئسه گئرنده، اورادا توی پالتاری گیمه‌مئش بئر نفری گؤردو. 12و اونا ددی: ”دوستوم! توی پالتاری گیمه‌مئش بورایا نجه گئردئن؟“
آدامین دئلی توتولدو. 13او زامان پادشاه نؤکرلرئنه ددی: ”اونون ال-آیاغینی باغلایین و گؤتوروب چؤل قارانلیغینا آتین؛ او یره کی، اورادا آغلاشما و دئش قیجیرتماسی اولاجاق.“ 14چونکی دعوت اولونموشلار چوخ، آمّا سچئلمئشلر آزدیرلار.»
قیصره باج ورمک حاقّیندا
15او زامان فرئسئلر موشاوئره اتدئلر کی، اونو سؤز اوستونده نجه توتسونلار. 16اؤز شاگئردلرئنی هئرودچولارلا#22:16 هئرود پادشاهی طرفدارلاری بئر یرده عئسانین یانینا گؤندَ‌رئب ددئلر: «اوستاد! بئلئرئک کی، سن صادئق بئر آدامسان و تارینین یولونو دوغرولوقلا اؤیرَ‌دئرسن و هچ کسدن ده طرفدارلیق اتمئرسن، چونکی هچ کسئن نه طبقه‌دن اولدوغونا باخمیرسان. 17ائندی بئزه ده گؤرک، سنئن نظرئن نه‌دئر؟ قیصره باج ورمک جائزدئر یا یوخ؟»
18لاکئن عئسا اونلارین پئس نئیّتلرئنی بئلدئیئندن اونلارا ددی: «منی نه اوچون ائمتاحان ادئرسئنئز، ای رئیاکارلار؟ 19باج وردئیئنئز سئکّه‌نی#22:19 دئنار سئکّه‌سی کی، بئر فحله‌نئن بئر گونلوک اوجرَتی ائدی. منه گؤرسدئن.»
اونلار اونا بئر دئنار گتئردئلر. 20عئسا اونلارا ددی: «سئکّه‌نئن اوستونده‌کی بو صورت و یازی کئمئندئر؟»
21ددئلر: «قیصرئن.»
او واخت عئسا اونلارا ددی: «اگر اله‌دئر، قیصرئنکئنی قیصره، تارینینکینی دا تارییا ورئن.»
22اونلار بونو اشئدنده حیران قالدیلار و عئسانی ترک ادئب گتدئلر.
دئرئلمک حاقّیندا بئر سوآل
23همئن گون «دئرئلمه یوخدور» دئین صادوقئلر عئسانین یانینا گلئب اوندان سوروشدولار: 24«اوستاد! موسا دیئب: ”اگر بئر آدام اوشاغی اولمادان اؤلسه، قارداشی اونون دولونو آلیب اؤلن قارداشینا نسئل یتئشدئرسئن.“ 25بئزئم آرامیزدا یدّی قارداش وار ائدی. بئرئنجئسی اِولندی و اؤلدو. اوشاغی اولمادیغیندان آروادینی قارداشی اوچون قویدو. 26ائکئنجئسی و اوچونجوسو، حتّا یدّئنجئسئنه قدر اِله اولدو. 27هامیسیندان سونرا دا او آرواد اؤلدو. 28ائندی قئیامت گونونده، آرواد او یدّی نفردن کئمئن آروادی اولاجاق؟ چونکی هامیسی اونونلا اِولَنمئش ائدئلر.»
29عئسا جاواب ورئب اونلارا ددی: «سئز سهو ادئرسئنئز، چونکی نه موقدّس یازیلاری بئلئرسئنئز نه ده تارینین قودرتئنی. 30اونا گؤره کی، قئیامت گونونده نه اِوله‌نرلر، نه ده اَره گِدَرلر. آنجاق گؤیده‌کی ملکلر کئمی اولارلار. 31مگر اؤلولرئن دئرئلمه‌سی حاقّیندا تاری طرفئندن سئزه دیئلن سؤزو اوخوماییبسینیز: 32”من ائبراهئمئن تاریسی، ائسحاقین تاریسی، و یعقوبون تاریسی‌یام!“#22:32 چیخیش ۳:۶ تاری اؤلولرئن یوخ، دئرئلرئن تاریسی‌دیر.»
33جاماعات بونو اشئدئب اونون تعلئمئندن تعجّوبلندئلر.
تارینین لاپ بؤیوک امری
34فرئسئلر، عئسانین صادوقئلرئن آغیزلارینی باغلادیغینی اشئدن واخت، بئر یره ییغیلدیلار. 35اونلاردان بئری کی، شرئعت عالئمی ائدی، عئسانی ائمتاحان اتمک اوچون اوندان سوروشدو: 36«اوستاد! شرئعتئن لاپ بؤیوک امری هانسی‌دیر؟»
37عئسا اونا ددی: «رب تارینی بوتون اوره‌یئنله، بوتون جانینلا، و بوتون فئکرئنله سو.#22:37 تثنئیه ۶:۵ 38بو، بئرئنجی و لاپ بؤیوک امردئر. 39بونا بنزه‌ین ائکئنجئسی ده بودور: قونشونو اؤزون کئمی سو.#22:39 لاوئلی‌لر ۱۹:۱۸ 40بوتون شرئعت و پیغمبرلرئن سؤزلری بو ائکی حؤکمون اوستونده دورور.»
مسئح کئمئن اوغلودور؟
41فرئسئلر بئر یره ییغیلاندا عئسا اونلاردان سوروشدو: 42«مسئح#22:42 مقصد ائسرایئلئن وعده‌سی ورئلمئش پادشاه و قورتاریجیسی‌دیر. حاقّیندا نه دوشونورسونوز؟ او، کئمئن اوغلودور؟»
اونلار ددئلر: «داوودون اوغلو.»
43عئسا اونلارا ددی: «اگر اِله‌دئر، بس نه اوچون داوود روحدان ائلهام آلیب، اونا رب خئطاب ادئر و دیئر کی،
44رب منئم ربّئمه ددی:
”دوشمنلرئنی آیاقلارینین آلتینا قویانا قدر،
صاغیمدا اوتور.“#22:44 مزمور ۱۱۰:۱
45اگر داوود اونو رب چاغیریر، نجه اولور کی، او، داوودون اوغلو اولور؟»
46هچ کئم اونا، جاوابیندا بئر سؤز دئیه بئلمه‌دی. و او گوندن سونرا آرتیق هچ کس جسارت اتمه‌دی کی، اوندان بئر شی سوروشسون.
موجودہ انتخاب:
متّا 22: موقدس کتاب
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© Elam Ministries 2013. All rights reserved.
