متّا 14

یحیا پیغمبرئن اؤلدورولمه‌سی

(مرقوس 6‏:14‏-29، لوقا 9‏:7‏-9)

1او زامان هئرود تِترارخ عئسانین حاقّیندا اولان خبرلری اشئتدی 2و نؤکرلرئنه ددی: «بو، تعمئد ورن یحیادیر؛ او، اؤلولردن دئرئلئب. بونا گؤره ده اوندا بله مؤجوزه‌لی قودرت گؤرونور.» 3هئرود، یحیانی قارداشی فئلئپئن آروادی هئرودئیاسین اوزوندن توتموشدو و باغلاییب، زئندانا آتمیشدی. 4چونکی یحیا هئرودا دمئشدی: «اونونلا اِولَنمک سنه جائز دیئل.» 5هئرود ائسته‌مئشدی کی، یحیانی اؤلدورسون، لاکئن خالقدان قورخموشدو؛ چونکی خالق یحیانی پیغمبر ساییردی.

6هئرودون آنادان اولان گونو، هئرودئیاسین قیزی مجلئسده اوینادی و بو دا هئرودون خوشونا گلدی. 7بو سببدن ده آند ائچئب وعده وردی کی، قیز نه ائسته‌سه، اونا وره‌جک. 8آمّا قیز آناسینین تحرئکی ائله ددی: «تعمئد ورن یحیانین باشینی بورادا بئر سئنی ائچئنده منه ور.» 9پادشاه قمگئن اولدو؛ آمّا آند ائچدئیئنه و مجلئسده اوتورانلارا گؤره امر اتدی کی، قیزین ائسته‌دئیئنی ورسئنلر. 10و آدام گؤندَ‌رئب، زئنداندا یحیانین باشینی کسدئردی. 11یحیانین باشی بئر سئنی ائچئنده گتئرئلدی و قیزا ورئلدی. قیز دا آناسینا آپاردی. 12یحیانین شاگئردلری گلدئلر، و اونون بدنئنی گؤتوروب باسدیردیلار. و گلئب عئسایا بو باره‌ده خبر وردئلر.

عئسا بش مئن نفری دویورور

13عئسا بونو اشئدئب، اورادان تک باشینا قاییقلا ساکئت بئر یره گتدی. خالق بونو اشئدن واخت، شهرلردن پئیادا اونون دالینجا گتدی. 14عئسا قاییقدان اِنَنده بؤیوک بئر جاماعاتی گؤردو و اونلارا یازیغی گلئب، ناخوشلارینا شفا وردی.

15آخشاما یاخین، شاگئردلر اونون یانینا گلئب ددئلر: «بورا چؤلدور، واخت دا آرتیق گِجدئر؛ خالقی مورخّص ات کی، کندلره گدئب اؤزلرئنه یمک آلسینلار.» 16آمّا عئسا اونلارا ددی: «گتمکلری لازیم دیئل. اونلارا سئز یمک ورئن.» 17شاگئردلر عئسایا ددئلر: «بورادا بش چؤرک و ائکی بالیقدان باشقا بئر شیئمئز یوخدور.» 18عئسا ددی: «اونلاری بورایا منئم یانیما گتئرئن.» 19و خالقا امر اتدی کی، اوت اوستونده اوتورسونلار. بش چؤرکله ائکی بالیغی گؤتوردو، گؤیه باخیب، برکتله‌دی و چؤرکلری بؤلوب شاگئردلره وردی، شاگئردلر ده خالقین آراسیندا پایلادیلار. 20هامی یِیئب دویدو و آرتیق قالان تئکه‌لردن اون‌ائکی دولو سبد ییغدیلار. 21یئین آداملارین ساییسی، آروادلار و اوشاقلاردان باشقا، بش مئن نفره یاخین ائدی.

عئسا سو اوستونده یرئیئر

(مرقوس 6‏:45‏-56، یوحنّا 6‏:15‏-21)

22عئسا آنَن شاگئردلرئنه امر اتدی کی، قاییغا مئنئب، اؤزوندن قاباق او تایا گتسئنلر کی، او دا جاماعاتی مورخّص اتسئن. 23خالقی یولا سالاندان سونرا، عئسا دوعا اتمک اوچون تک باشینا داغا چیخدی؛ آخشام دوشَن واخت، اورادا تک ائدی. 24بو آرادا، قاییق ساحئلدن چوخ اوزاقدا، کوله‌یئن اوزلرئنه اَسدئیی اوچون، شپه‌لرله دؤیوشوردو. 25گجه‌نئن دؤردونجو نؤوبه‌سئنده#14‏:25 سحرئن اوچدن آلتی ساعاتی آراسی عئسا گؤلون اوستونده یرئیه-یرئیه اونلارین یانینا گلدی. 26لاکئن شاگئردلر اونون گؤل اوستونده یرئمه‌سئنی گؤرن واخت قورخوب ددئلر: «بو بئر روحدور.» و دهشتدن چیغیرماغا باشلادیلار. 27آمّا عئسا او آندا اونلارلا دانیشیب ددی: «اوره‌یئنئز اوزولمه‌سئن. منم، قورخمایین.» 28پطروس اونون جاوابیندا ددی: «یارب، اگر سن‌سن، امر ات کی، سو اوزونده سنئن یانینا گلئم.»

29عئسا ددی: «گل.»

پطروس دا قاییقدان چیخیب، عئسانین یانینا گتمک اوچون سو اوستونده یرئمه‌یه باشلادی. 30آمّا کوله‌یئن شئدّتلی اَسدئیئنی گؤرن واخت قورخدو و باتماغا باشلایاندا چیغیردی: «یارب، منه نئجات ور.»

31عئسا او آندا الئنی اوزادیب، اونو توتدو و ددی: «ای آز ائمانلی آدام، نه اوچون شک اتدئن؟» 32و قاییغا مئندئکلری زامان کولک ساکئتلَشدی. 33قاییقدا اولانلار گلدئلر و اونا سجده ادئب ددئلر: «دوغرودان دا سن تارینین اوغلوسان.»

34اونلار گؤلون او تایینا کچئب، جِنئسارِت دئیارینا گلدئلر. 35او یرئن آداملاری، عئسانی تانیدیقلاری زامان، اطرافا خبر یایدیلار و ناخوش آداملارین هامیسینی عئسانین یانینا گتئردئلر. 36و اونا یالواردیلار کی، آنجاق پالتارینین اَته‌یئنه توخونماغا ائجازه ورسئن. و توخونانلارین هامیسی صاغالدی.

موجودہ انتخاب:

متّا 14: موقدس کتاب

سرخی

شئیر

کاپی