Maki 2 سے مشہور بائبلی آیات

شئیر

Ta Yesu ona gete 'inonona ga 'ieonedi, “Taudi bobo'adi geya nuwadi togile'oasa, ta tole'oasao esiya nuwanuwadi togile'oasa. 'Abo'agu yamaiya nigeya topalupaludi manudi, ta toto'umalidi sabi lemedi.”

'Enega Yesu ni'atu tai nidi 'idi emisa 'imwalatonina ga tokweno nina 'ieonena, “Natugu, 'imu bubuna to'umalidi 'adi nuwatau ni'atu 'ulobedi.”

'Enega Yesu 'ieonedi wate, 'igwae, “Yaubada Sabate 'i'ebwa'eda 'ida bobo'ana manuna, nigeya 'aene 'imweluluida Sabate manuna.

ga sitoona be 'aene tokweno nina siluguye Yesu 'ena, ta nigeya sawesawediya, manuna pwalu sinabwa wawasae, 'enega si'aala tu'eyena anuwa debanaya ga 'ana 'atowa si'ewayaulena, ta 'enega tokweno nina ma 'ebe'enona sietabetabeyena ga Yesu matanaya sisa'una.

Ta wada mwalatoni 'aene 'abo'agu Tomota Natuna, be ma igu loina bale'uya be tomota 'idi bubuna to'umalina yanuwataudi.” 'Enega tokweno nina 'ieonena, 'igwae, “'Abo'agu gete yaeonayo, ‘'Utoolo be 'imu 'ebe'eno 'u'aala be 'utatauya 'imu 'asaya.’ ”

Ta to'ase wanuwena yada onae tokweno gete 'enaya be 'aene yada gwae, ‘'Imu bubuna to'umalina ni'atu yanuwataudi,’ nai yada gwae, ‘'Utoolo be 'imu 'ebe'eno 'u'aali be 'utatauya’?

Ta 'enega 'itoolo ga 'ina 'ebe'eno 'i'aalena ga boda matadiyega 'iapwesa. Gote 'ena pwalu maibo'adi nuwadi 'iowana ta Yaubada situpuna, sigwae, “Guinuwa gete 'ebe nuwaowana ga batuwa namo ta'itena.”