MATA 5 سے مشہور بائبلی آیات

شئیر

Gbunɔ, gɔ hí kpōō pitila hi mibt a dɔn du gɛ, gɔ hi wiig a wiikɔ bɔ gedu an gi gaas dood wɔ hi gi luk bɔ gedu sɛw. Lɛlgaal nɛ gaag a dood muutdu sɛw anbɔ an hi gbɛn hinrɔb yɔ nɛ wooko hi ɗɔbs Baa nɛ yɔ gi a bɛtha.

Nɛɛ gi lɛlgaal a waal du. Waal gbɔɔl yɔ gi a ga̧a̧t ha ɗɛɛ an gi yaat gɛ.

Hat gi a dood kpoosgaatya wɔ hi, yɔ anbɔ hi gbɛn Bɛto.

Hat gi a dood wɔ hi kɛŋk waabil riit a̧a̧kil hi, gi wɛɛ gi gihi ha̧a̧sig an mɛmɛ, yɔ anbɔ Bɛt gi gaahi hinɔ buuya̧ gi hi̧i̧.

Yɛrɛ bee be raanɛ a yɛgi ha̧a̧nɛ a zɛnɛ wɔ hi gin lɔlhɛ̧ɛ̧nik hi muulɛ, wɛɛn nɛ zɔ̧bs wɔ hi gin gɔluko hi wɛɛ hi gin ya̧a̧kɛtingo Bɛto

a hat gi a dood wɔ hi mɛɛ a be gi doo ya̧a̧rya a Bɛt muut du hi. Yɔ anbɔ, Bɛt wáátɔ gi ya̧a̧nɛ.

Hat gi a dood wɔ hi gaak dood boolum hi, yɔ anbɔ Bɛt gi elihi a waat beenɛ.

Hat gi a dood wɔ hi gi kaal du hi, yɔ anbɔ Bɛt gi rɔɔhi.

Hat gi a dood wɔ gɔ hi zɛksihi hi, a hinriit yɔ hi wook gi dɔŋgo. Yɔ anbɔ, Bɛt wáátɔ gi ya̧a̧nɛ.

Hat gi a dood wɔ hi gis dood zaadɛ ya̧a̧rmɛɛk hi, yɔ anbɔ Bɛt gi mɛɛsihi ya̧a̧r be.

Dood hi niinɛ hi zɛksinɛ, hi wɛɛ hi ralsin ya̧a̧ha̧a̧l yɔ gi sɛw a be dɔŋgo, yɔ anbɔ hat gi a nɛɛge. Dagin hato, kpoos nɛ kpɛ̧ɛ̧ge, yɔ anbɔ dɔɔrɔɔs za gbɔɔl gin ook a bɛtha. Hi da hi gɔs nɛ Bɛtya̧a̧kɛŋkya wɔ hi dosin anbɔ be.

Hat gi a dood zulhɔnikya wɔ hi, yɔ anbɔ hi dag hɛbt bɔ Bɛt raa a gi gaahi.

Nɛɛ fɔkbeya wɛ, nɛɛ gi manda a waal du. Yɛrɛ à manda gbɛɛr gɛ, yɔ hi wɛɛnig gbɛrtilɔ ri nɔ? Wōō hinza ma gɛ, gi an hi bisig lakdi dood hi ɗa̧a̧kig dɔɔ du, daarɔ.

Wɛɛn dood rɔbɛ tib an Baa nɛ Bɛt yɔ gi a bɛtha gi doo rɔb tib be.

Ta̧a̧n kpɔd a hɔɔ, zaabe a ɛ̧-ɛ̧; hinyɔ daar hin yɛrɛ ma gi fu̧u̧zig a loorɛha̧a̧l mɔkil du.

Nɛ lag hi dɔg nɛko a lɔlɛ hi lɔlɛ, nuŋgo hi nuŋgo. Yɛrɛ bee be gin raako a bɔnɛ ɓaas zul nɛ a doo ha̧a̧l gbaŋgi. Za̧a̧nyɔ dɛ̧mɔ hi naanɔ rɔb kuu a wɛkt naanrɔbo, wɛɛm mɔ zɛmrsig bɔ naanyɛ̧l hɛw.

Yɛrɛ yɔ̧l mɔ bɔ naanrɔb gi matum a hinha̧a̧l du, wigumɔge mɔ bisige, daar an mɔ waks hinza a mɔ muul gbunu yɔ riisumɔ, hi anyɔ gɔ mɔ ɔɔ muul mɔ sɛw gi yaay a laazɛŋk du. Naanrɔb mɔ gi yaam a hinha̧a̧l du, dɛ̧ɛ̧mɔge mɔ bisige, daar an mɔ waks hinza a mɔ muul gbunu, yɔ riisumɔ, hi anyɔ gɔ mɔ ɔɔ muul mɔ hi bisum a laazɛŋk du sɛw.