Joni 4 سے مشہور بائبلی آیات

شئیر

A yalo na Kalou, o ira era lotu vua e dodonu me ra lotu vakayalo ka vakaidina.”

Ia ena yaco mai na gauna, ka sai koya sara ga oqo, ni ra na lotu vakayalo ka vakaidina vei Tamada o ira era sa lotu dina, ni sa qara o Tamada me ra vakaoqo o ira era lotu vua.

ia o koya ena gunu ena wai au na solia vua ena sega ni viagunu ka tawamudu; ia na wai au na solia vua ena yaco me wai vure ena lomana ka tovure yani ki na bula tawamudu.”

Sa qai sauma o Jisu ka kaya vua, “Kevaka walega o sa kila na i solisoli ni Kalou kei koya sa kere gunu tiko oqo vei iko, ke o sa kerekere vua, ena solia vei iko o koya na wai ni bula.”

Sa qai kaya vei iratou o Jisu, “Na kequ kakana sai koya me'u cakava na loma i koya sa talai au mai, ka vakaotia na nona cakacaka.

Sa qai kaya vua na yalewa, “E sega saka tu na nomuni i takitaki, ka sa titobu na i keliwai, o ni na kauta mai vei na wai ni bula?

Sa qai kaya vua na yalewa o ya, “Au sa kila ni na lako mai ena dua na gauna na Mesaia; ia ena gauna sa yaco mai kina, ena mai tukuna vei keda na veika kecega.” Sa qai kaya vua o Jisu, “Oi au ga ka'u vosa tiko oqo vei iko, na Mesaia.”

“Lako mai ka raica mada na tamata ka tukuna vei au na veika kecega au dau cakava tu. E rawa beka ni o koya oqo na Mesaia?”