CAWA'TA TUNITA 3 سے مشہور بائبلی آیات

شئیر

Cata wi gun kayn nam ŋaa'a; kay ti'e, nam ɗuw kira' jifiy ŋolo kay san fi yal kuɗumu; na' ja vuɗna valamu, tumu may. Bugol kayni na' vul mi jufa'a nam ti'e kaw.

May guyna ay hiɗi yalla suw muuriyan ma hay sinen kafe ma Lawn kotomna. Nam di tam cata: Lawn digi gasi ala gun ma hay sinen kaf lakŋi nigi su?

Nan min tun gawt jaraŋ hiɗi na'a, jar jafna vaŋu hiɗi jafna vi cata. Jafna va'a nam ma munaŋ yaŋ goyo, naŋ ma calam dubukamu may.

Nam di tam cata: Nak ma ziy guron hayag hiɗi makka ŋolo, nak ma vuɗ guron hiɗi tuw-tita, darta vag ma zutag kat jufagu, may nam ma ti mul kagu.

Naŋ ma fi tina vaŋ hiɗi ɦiɓiyn hay vokaŋu, ta-ta naŋ ma hot gaa hay nagata ta naŋ may goy haya' pata. Kay naŋu mi buɗufna, naŋ ma hot hay buɗufna lo.

Bugolda nam di tam Adam: Kay naŋ hum kuɗ cata vaŋu, naŋ ti kuɗ gu ma nan vulaŋ gatta kalam ala naŋ tumɗina, kay na'ta nagat beɗay goyo kuɗaŋ naŋu, wulin kayni, hay buura vi irita vaŋ kaf naŋ ma fi tina vaŋ hiɗi zumalda.

Lawna hot jobomu: Sa ma ɗekaŋ ala naŋ coli zawn goy nala'an mi gige? Naŋ ti kuɗ vuɗ-guna ma nan daŋ ala naŋ tumɗin klasige?

Ki kayn nala nam digiɗ Adam goyo; hay gal ma kuɗuwna vi sinena nam lak sa kerubena valamu, nisi ka hiɗi kew-gaferaŋa hay ɓisiya, nam wile'e ki sin-kuta nala, nisi ka ŋom hagata vi guna vi irita.

Adam tun sem cata valam ala Eva, kay sum sa irin kaf na' ti susiya.