Mt 2 سے مشہور بائبلی آیات

شئیر

Koxe'okaq sa' li kab'l ut ke'ril li k'uula'al wank rik'in lix María li na'b'ej; ke'xwiq'ib' rib' ut ke'xloq'oni ru; ke'xte li xk'uuleb'aaleb' ut ke'xyeechi'i xmaatan: oor, pom ut miir.

Li Jesus kiyo'laak aran Belén sa' xteepal Judea, naq laj Herodes wan chaq chi awab'ejil. Sa'eb' li kutan a'an wankeb' aj q'e ke'chalk chaq sa' releb'l saq'e, kole'okaq Jerusalén ut ke'xpatz': —B'ar wank li x'awab'ejeb' laj Judiiy xyo'laak? Xb'aan naq xqil chaq li xchahimal toj sa' releb'l saq'e ut xoochalk chi xloq'oninkil.

Naq ke'ril li chahim, k'ajo' naq ke'saho'k sa' xch'ool!

Chirix a'an kik'utb'esiik chiruheb' sa' xmatk'eb' naq ink'a' te'sutq'iiq rik'in laj Herodes; jo'kan naq ke'q'ajk sa' xtenamiteb' ut jalan chik b'e ke'xk'am. Tojo'aq relikeb' laj q'e naq li x'angel li Qaawa' kixk'ut rib' chiru laj José sa' xmatk' ut kixye re: “Waklin, k'am li k'uula'al rochb'een li xna', elelin ut ayu Ejiipt. Aran wanqat chaq toj laa'in toxinyehoq chaq aawe, xb'aan naq laj Herodes ok re xsik'b'al li k'uula'al re xkamsinkil”.