โยฮัน 16 سے مشہور بائبلی آیات

شئیر

ลาฆู กะฆีนี กู มือญาเระ กะ กาเญา ดัฮ_ บีดา กาเญา นะ อาดา ซือนัง ซือลามัจ_ ลือกัจ บือซามา ฌางัน กู. เดะ ดือนียา อีนี_ กาเญา นะ อาดา ลาฆู ซูซัฮ ปายัฮ. ตาปี กือนา ซูกา ฮาตี เลอ_ ซาเบะ จะ กู ฌือนัฮ เดะ ดือนียา ดัฮ.”

ตาปี ตานา ซือมืองัจ อีตู_ นู ปลีฮัจ ลาฆู นู ซูโงฮ_ นะ มาแรฮ ดัฮ_ ญา นะ บาวา กาเญา ปี มาโซะ กะ ลาฆู นู ซูโงฮ ซือมูฮา. กรานา จะ_ ญา นะ เตด มือเลา ตูโรจ กะ ฮาตี นะ ญา ตะอาซิก_ ตาปี ญา ดืองัยํ ลาฆู นามา ดัฮ_ ญา นะ มือเลา กะฆีเตอ เลอ. ซือมืองัจ อีตู_ นะ มือญาเระ บรี กะ กาเญา ตาฮู_ เดะ ลาฆู นู นะ บือฌาดี เตอ.

รอจ กะ วะตู อีนี_ กาเญา เตด บือเลฮ มีตา ซือบารัก นามา_ เดะ ปือนามา นะ กู. กือนา มีตา เลอ_ บารู นะ บือเลฮ_ บีดา กาเญา นะ ซูกา ฮาตี ปือนอฮ มีแม.”

กะฮามี โปด บาฌิ_ กู มือญาเระ ลาฆู นู ซูโงฮ กะ กาเญา จะ_ นู กู นะ ปี เตอ_ บีดา กาเญา นะ บือเลฮ อูโตก. ซาเบะ จะ_ ดัฮ กู เตด ปี_ ซือมียา มือนูโลก อีตู เตอ_ นะ เตด มาแรฮ กะ กาเญา. ตาปี ดัฮ กู ปี เตอ_ กู นะ ซูโรฮ ญา มาแรฮ กะ กาเญา เลอ. ตานา ญา มาแรฮ ดัฮ_ ญา นะ บรี โกะ ซือมียา เดะ ดือนียา ลีฮัจ ซัฮ จะ_ นู กูญา อีงัจ ซาลัฮ ปาซัน ลาฆู ดูซา_ ปาซัน ลาฆู นู บาฌิ ตือปัจ_ ปาซัน ลาฆู นู ตูฮัด นะ กรัจ ฮูโกบ ฌูฆา เตอ.

กะฆีเตอ ฌูฆา_ กาเญา โปด_ เดะ วะตู อีนี กาเญา ซูซัฮ ฮาตี เลอ. ตาปี กู นะ มาแรฮ ลีฮัจ กาเญา ปูลัก_ กะฆีเตอ กาเญา นะ ซูกา ฮาตี ปือนอฮ. ฮอย ซาปา นะ ราปัซ อาเมด ลาฆู ซูกา ฮาตี เดะ กาเญา บือเลฮ เลอ. “เดะ อารี อีตู เตอ_ กาเญา นะ เตด ตาญา กู ปูลัก ดัฮ. กู มือญาเระ กะ กาเญา ลาฆู นู ซูโงฮ จะ_ ดัฮ กาเญา นะ มีตา ลาฆู นามา เดะ อาโปก เตอ_ ญา นะ บรี ลาฆู อีตู กะ กาเญา_ เดะ ปือนามา นะ กู เลอ.

กู มือญาเระ กะ กาเญา ลาฆู นู ซูโงฮ จะ_ โซะ กาเญา_ นะ มือนาแงฮ บือปาโตด_ ตาปี ซือมียา โซะ ดือนียา อีนี นะ ซูกา ฮาตี. โซะ กาเญา_ นะ ซูซัฮ ฮาตี_ ตาปี ลาฆู ซูซัฮ ฮาตี นะ กาเญา_ นะ กาเลฮ บรี ฌาดี ลาฆู ซูกา ฮาตี เลอ.